正玩具

80年代中期以前出世嘅您，仲記唔記得 Peter Pan？呢，喺中環畢打街，而家嘅上海灘位置，賣好多一般玩具舖冇得賣嘅玩意兒嘅，例如卡通人物衣服裝扮，又例如最經典，賣一啲用嚟整蠱人嘅道具~ 彈弓香口膠、假屎、臭彈、痕粉同血丸等等。

Peter Pan 消失後，以上嗰啲玩意兒冇再見過，哈，估唔到，喺玩具反斗城再次遇上喎 (見圖)！！！正呀！！！

我足足行咗差唔多成個鐘，除咗一過咗童心兒時回憶，仲發現咗好多有趣又益智嘅玩具，好似各項棋類、多元化生態缸、小型實驗室同薯仔發電器。。。。嘩！真係好乸正！

當中仲有啲啱大人玩嘅，好精緻好攻心！過兩日再介紹。