呵呵呵~~~~

聽日已經係年廿八，大家嘅 Holiday Mood 肯定已經滿到瀉！返工亦肯定「hea」多過做，辦公室喺今個星期一定一早已經淪為「hea」地，吃喝玩樂吹水上網溫床極樂。

如果問我，返工有乜樂趣，冇咖喎。但係好似聖誕新年呀，農曆年呀咁，就嚟放假之前嗰個禮拜嗰段日子就係最正最有樂趣嘅！

成班友嘻嘻哈哈吹水鳩噏，唔係做嘢嘅！就算係做都係「hea」吓「hea」吓「hea」住做，幾盞！即使人緣差冇乜同事同您眾樂樂，唔愁噃！一個人上網獨樂樂亦樂趣無窮咖！

大時大節最好除咗係有假放，就係呢種頹廢不事生產但積極又快樂嘅假前返工「遊 hea 時間」咖嘞！

農曆新年快到喇，全力放鬆 Free 吓啦！