古惑鬼

呀哈哈哈哈哈哈~~~~~ 呀哈哈哈哈哈哈~~~~ 笑到我呀！！！！！頂癮呀！！！呀哈哈哈哈哈~~~~~~

有睇開古惑仔嘅，一定會好似我一樣笑成咁！冇睇嘅，唔緊要，我話畀您哋知點解咁好笑！

劇情誇張失實，犯駁拖書唔講嘞。事出古惑仔嘅作者牛佬成日唔記得畫入面啲角色嘅特徵同遭遇，例如疤痕會由左邊去咗右邊；有疤痕變咗冇疤痕；過去遭遇能夠離奇改寫。最離譜，係最近有個角色牛佬唔記得咗已經整死咗，竟然驚嚇地番生！！！！！！

有冇攪錯！！！咁都得？！！？？！？！！？可見作者已經係幾咁求其同唔尊重讀者！

呢幅圖係網上某論壇一位仁兄製作嘅 (將八壯士準備劈友照改成八壯士靈魂化，再將背景整到陰森 Feel，配 o埋抵死字句。)！真係好得！好好笑！靈感係牛佬無厘頭不合情理咁要啲主角8個斬2000幾個，結果8個死剩兩丁，攪到個社團冚家伶，而作者又經常犯錯，佢又好鍾意喺下期預告到最尾整句乜乜「扣人心弦的一期」、「節奏明快的一期」、「不可錯過的一期」等等諸如此類老土句子，加 o埋有角色神奇番生而作者唔記得事件而嚟嘅！

古惑仔。古惑鬼。哈哈哈！