寫一些~

唔駛驚！

今次呢單豬流感，大家唔駛咁驚。因為，今次呢隻嘢唔會好似沙士咁杰，最主要原因係，有藥醫嘛！驚就只係驚有關局明明唔駛有事都自己整到有事咋！！！！

人種

做咗咁耐嘢，做過都叫做幾多行，遇過好多種人，好人 (當然最少。但仍三生有幸。)、小人、壞人、怪人 (開會吐口水兼放屁)、神經病人以及惡人。

最難頂係惡人。因為佢哋嘅存在足以令人窒息。如果係 o彭 o彭聲加上動作狂野粗暴嘅種類就更惡頂。對住呢啲品種，唯一方法係畀佢 feel 到您亦唔係好惹，如果佢犯到您您亦要佢付出代價，咁，呢 oD好多時都係自幼有某啲不幸遭遇、空心冇憑直、只一味靠惡形惡相嘅野人就會唔點攪您咖嘞！

真係有料，本身可以好惡嘅人，我見過嘅好多都好好相與嘅~

為食

越嚟越覺得自己好為食。之前，一位朋友兼同事同我講，話我對住啲嘢食嗰時，對眼發光同笑淫淫咁嘅！好色相喉擒咁！

其實。。。。係！我真係好為食！不過，我唔揀飲擇食。當然，我要嘴刁起上嚟嘅話，哈，唔係誇張，舉例，我基本上可以食得出死魚還是鮮魚！所以，我係 enjoy 「吃」嗰陣嘅福份~

食得是福嘛！而且，「吃」，是最公道、最到、最直接嘅慰勞人生事情呢！