記另外其他一些

從性看健康

之前冇耐好虛好弱，作病嘛。加上最近啲天氣又攞命，真係除咗冇乜性慾，仲好軟弱 tim！

呢期好咗好多！最明顯証據顯示係，性慾強番 & 強硬番好多！性慾同嗰度可以睇到一個人嘅健康狀況咖！大家留意喇~

淫龍 vs 曾狗

淫龍同曾狗都有一異曲同工共通點，都係以唔同特質表現咗甚麼是小人、昏君同仆街！

而另一方面佢哋亦又都有同一嗜 (癖) 好，就係鍾意、沉迷於亂噏嘢，亂吠，大言不慚。

懷念阿叔

曾寫過~

「有類人，天生就係有種獨特嘅吸引力，甚至可以講係個人魅力。

唔駛講到希特拉、邱吉爾、羅斯福同毛主席等等呢啲級數嘅人物，喺我哋身邊周圍，其實都有不少。好似剛辭世不久嘅標叔，有佢講馬或主持嘅節目，零舍唔同。曾講過，有佢講馬，唔識賭馬都鐘意睇。

又好似黃興桂、伍晃榮，有佢哋旁述，即時精彩百倍！

收到封電郵，裡面係播番98法國世界杯時，阿叔~ 林尚義身在直播時懵懵然拎枝煙出嚟食嘅經典一幕。

講開魅力，點可以少咗阿叔？！佢嘅金句唔會少得過黃興桂；鬼馬肉緊程度比伍晃榮有過之而無不及。而且，有佢講嘅波，即使係香港 vs 印度都會變得好精彩好好睇，直頭有意大利對巴西 feel！

唔講波，拍戲又得。佢喺古惑仔系列裡面嘅牧師、超時空要愛反串做女人及還有其他電影的角色演出，都職業到要啲所謂哥仔姐仔汗顏。

講多無謂，阿叔有幾過癮？Click 呢度去片睇啦~」

不久前住在大坑期間，在天后附近見過他幾次，都很想上前跟交談，但見他神情落寞，鬱鬱不歡，也不想打擾了。所以，始終都沒有接觸過。

今對他只有作為旁觀者的懷念。不無一點點另外嘆喟。