噏噏噏~

冷熱之別

喺秋冬出生嘅我，好明顯喺秋冬係更加靚仔啲、生猛啲、醒神啲、勁啲！但一到春夏呢，特別係萬毒出竅嘅春夏之交，就「the」晒。最明顯不過係冇咁需要同冇咁堅勁 (哈，人體真係好妙，會自己調節調動。如果冇需要但仍好堅勁，就 _ 啦！但若然有需要卻又唔堅勁就仲大鑊！有心冇力。。。。咪係笨 _！)。有所謂咩寒命熱命，有時真係有啲根據嘅。

夾

講開喺咩時節出世，令我諗起星座，諗起星座，就令我回想番咁耐以嚟，屬於某啲星座嘅朋友較多，甚或好多！某啲星座就好少；同某 oD星座嘅朋友比較合得來，同某啲星座嘅人就完全南轅北轍；同某啲星座做朋友如魚得水，同某啲呢，就對多一秒都唔得！星座的確有一定可信性同根據嘅真係!

基本上，我同個個都做到朋友，但要好傾玩得埋啱晒「河車」，就以白羊水瓶天秤雙子獅子最多。最頂唔蒲同最少嘅係雙魚巨蟹山羊！雙魚嘅「變態」巨蟹嘅「咿咿哦哦喃嘸喃嘸」同山羊嘅 No Fun 醃悶，對住佢哋我真係寧願自己一個喺荒島好 Q 過~ (之不過，我最好嘅兄弟之一係巨蟹座！奇！)

奇怪係唔知點解自己係人馬座，但又好少遇到番啲人馬座嘅。(哈！最近喺 Blog 界遇到一個)

歐聯一點點

曼聯我預祝你抵 X 死！仆街出局在望！

唉。。。。仍希望拜仁大步大步檻過，入四強再入決賽攞 o埋冠軍。。。。

最近終於有啲愛上利物浦！佢多次嘅絕地大反擊，反敗為勝終於感動咗我！毅力、韌力同永不言敗精神，同以前嘅德國國家隊一樣咁堅！

即使拜仁利記唔掂都冇相干。因為，仲有我鍾意之一嘅巴塞羅拿~