＊ 政府幫自己同我哋求咗枝下籤。。。。駛乜赦~ 因為啲籤文，哈哈，反正點解都得，下下籤解成上上籤都仲可以，睇吓點講嘅啫！枝籤話：「君不須防人不肖、眼前鬼卒皆為妖、秦王徒把長城築、禍去禍來因自招。」衰嘅，君，即曾當奴啦，即係話你條友唔駛攪咁多嘢嘞，你周圍都係小人契弟嚟咖 (包括今次求韱嗰個新界皇)，你都抵死咖嘞，自己攞嚟嘅！
好嘅，咪好似個解籤師傅咁講：「籤文喻意，香港會受外來因素影響。但他說香港地傑人靈，只要審慎樂觀面對，大家團結和氣，下半年各行業均會變得好景。」
跑江湖即係跑江湖。
＊ 喺祠堂被困嗰隻狗，慘！但，好彩今年唔係狗年！
＊ 日月報喺尋日嘅即時新聞度，寫話：「年初一日『食』因香港天氣。。。。」乜個太陽䁱去食嘢嘅咩？！
。。。。
唉，大佬，有冇搞錯呀！真係唔好再話香港啲新一代嘅語文水準咯！
＊ 點解開年同赤口唔掉轉？赤完口先開年嘛應該！即係，正常都係嗌完交先開拖咖啦平時都係。
＊ 祝大家牛年做到隻牛咁！A~ 係日本剩係食，有啤酒嘆，有人按摩，唔駛做嘅嗰啲神戶牛喎！^~
牛年大家 HAPPY！
9 comments:
神户牛总好命过印度牛耶！
至少曾经享受过！
呢支簽直頭就係講這班行政會議再加甚麼副局長和助理啦(眼前鬼卒)
唉,當奴係秦王,我地都唔方好過。
古代日蝕好大件事,當奴真係要下詔罪己,這是五行失和之象,宰相有責,即唐英年要拉去祭神
年年都係咁過啦,
乜籤都好,
求神不如求己,
自己努力好過等神仙打救囉!
嘿嘿: 做人和做動物一樣, 講命!
樂遊兄: 呢班瘟神, 蟄伏好耐, 97後, 香港政治氣候水土驟變, 全部現形! 呵呵呵!
另, 曾俊華係唯一樣好一個.
新鮮兄: 咁又係喇!
巔巔兄牛年心想事成!
如果今年真係事事不吉, 仲衰過沙士那年, 政府真係要記得還神。
相反如果今年乜都大旺, 下年不如叫政府索性取消向車公求簽呢場戲吧啦。
最頂唔順發叔旁邊個解簽佬, 見到下簽方寸大亂, 解話「下半年會好」, 車公都俾佢吹漲。
乜以前唔係民政事務局局長去求o既咩?
點解今年變o左新界王o既?
同埋,之前有人質疑年年都係求到起碼平籤,
今年終於打破"傳統"喇!
梁巔巔
先祝 牛年如意, 恭喜發財, 身體健康!
自從王永平求完支籤, 衰到貼地, 自己都衰埋, 就唔應該再去車公度求, 點解唔改去黃大仙呢?!
其實好多年前, 車公已經移民左去加拿大, 個車公廟已經變左小鬼廟, 唔靈, 仲好邪, 我地都無去好耐.
做人同做狗一樣, 明愛事件同黑妹事件都差不多, 求人/神, 不如求已.
日食?! 咁都得:)
元宵月"食"tim, 記住睇咯, 今年年初一日蝕, 十五月蝕, 大家真係要小心, 一動不如一靜, 平安是福, 呢一年...難捱!
下下簽...吾緊要啦！反正乜簽都要繼續反工食飯日子照過...靠自己好D !
渣估老闆: 大家咁話! ^^
oD神棍有時真係好鬼令人又好嬲又好笑!
el el: 証明而家呢個政府已經亂 Q 咁嚟! 亂 Q 晒大籠嘞!
Macy: 1997年之後, 成個世界轉咗, 就算日後有好日子, 亦唔會再咁黃金.....
5耳小姐: Yes ar! 先天不足, 後天仲唔靠自己真係 eat banana!
Post a Comment