唔知係乜？！

喺 Mugen C 度記憶番起立體圖呢樣玩意。

對一般人嚟講好好玩好過癮，一睇就睇到或者睇吓睇吓就慢慢睇到立體圖中隱藏住嘅真正主角係乜嘢嚟。猶記得以前喺街邊都見過 oD鋪頭擺晒一幅幅喺店鋪外邊賣，我啲朋友呢個又話見到喇，嗰個又話睇到啦！。。。。我就次次都戇括括乜都睇唔到 (睇唔到有啲乜隱藏喺入面)！唉，冇計，讀書時揀系嗰陣曾做過測驗，我原來係天生色弱，對顏色嘅敏感度極之低。

例如有一次，我同朋友講話 oD櫈係雞屎綠，點知佢好詫異話：「吓？！係藍色嚟喎！」

好似喺 Mugen C 度嗰三幅圖，用咗佢講嘅方法，我都只係非常非常勉強咁睇到屬於低難度嘅第一幅，仲要唔 sure 係唔係啱 (噢，佢覆咗我嘞！我係唔啱！佢仲叫我要心無雜念，四大皆空睇多次！)。至於第二同第三幅，我望 Q 到鬥雞都唔知係乜春？！

您哋睇唔睇到？！

左上圖：低難度 (勉強睇到第一幅。。。。有好多個裸女喺度跳舞？但 Mugen C 兄已証實我錯喇！)

中間圖：中難度

左下圖：高難度

註：按圖可放大