打點滴

甜

最近嗜甜程度有上升嘅趨勢！冇法，飲少咗好多通常就會有呢種情況出現。

圖中嘅莎莉蛋糕配楓糖槳係近排至愛。另仲有大量 Snickers 朱古力條同一大盒阿波羅三色雪糕長期備用 tim！

講開阿波羅三色雪糕，三十幾蚊一大盒，又好味又懷舊，唔明點解要食 Dreyer's 或者 Hagandaz？！我覺得大家差唔多好味又咁滑噃！

手套

呢幾日執嘢，哈，畀我驚喜地重見 n 年前喺美國玩棒球嗰時買嘅棒球手套！！！！好有紀念價值！！！

每次當您無意間重遇一啲冇諗過會再見，但喺您生命中卻佔著一重要位置嘅物件或者人嘅時候，嗰種心情真係 high 到非筆墨所能形容！

By the way，我戴棒球帽同著棒球衫好好睇！但唔知點解幾年前有一次著出街，畀個朋友笑我大人扮細路。。。。til~

正網

係正網！唔係鹹網！

有日喺網上搵春秧街同北角一帶嘅圖片回憶一下，無意間發現咗呢個網，好正！有大量昔日香港照片，大家不妨去睇睇。好好 Feel！