狗。契弟。殘花。打工大爺

曾狗扮真救市

尋日條友公佈嘅幾樣救市招數，絕大部份都係之前，即係金融海嘯未出現之前都決定會做。好似啲基建呀，請公務員呀咁。即係呢，只有一樣係為咗依家嘅市而做嘅新嘢，就係借錢同提高個款額畀各大中小蚊型公司 (上市公司除外)。

咁多日嚟，發生咗咁多事，佢失晒蹤，到啲太空人嚟同 o埋好似有救市方法有得威嘞，佢先再蒲頭，X~ 正契弟！仲嬾風騷！

假才子「謝」玉女

所以話，一個人個樣係唔係契弟小人，唔多關個樣「四」唔「四」正乜事，好似「偽」到「震」呢位契弟咁，樣幾好但就成個契弟小人相，正一好眉好貌生沙蝨最佳人辦！

小人小家敗氣記仇反骨兼爛滾，奇怪係個玉女仲死心塌地，愛情加女人真係。而家唔知甩唔甩好，廿年咯喎，由玉女跟佢跟到謝咗嘅玉女，甩嘅話，勁蝕咖嘛！不過咁，雖然而家貴為謝玉女，但一定仍然有市場，趁仲 keep 得幾好仍有姿色，快啲離場另覓他愛啦！

另外呢，原來，識寫字識寫吓嘢就叫才子咖喇喎！香港啲人嘅水準真係。。。。佢寫嘅嗰啲文，嬾超然，文筆一般觀點無奇，同佢老豆叔父輩固然無得比，就算同輩甚或晚佢一輩嘅，都好過佢好多！

才子，以而家嘅標準，蕭若元蔡瀾李敖同已故嘅黃霑簡而清等等呢啲先至係~

呢份工真好打

亞視又改革又有「新氣象」！睇怕如果今次都唔掂，以後唔駛再攪嘞！因為，香港人係犯賤係鍾意畀無記睇死。

講開今次攪呢壇嘢嘅王維基，佢今次入亞視度打呢份工真係好打得過！有人打本「科」水畀自己挑戰自己，掂嘅話就聲名更勁，衰咗呢，又冇壞喎，因為亞視一直衰到貼地近廿年嚟冇好過，所以，佢大可以話連我都攪唔掂，亞視都真係冇得醫咖咯！咩責任都唔駛負又唔會影響佢嘅聲譽，盞！

呢 oD工，真係好打！