如果我係女。。。。

如果我係女，我會鍾意邊啲仔呢？

嗱，我剩係鍾意女人咖 ja 吓！呢篇純粹玩物性質狂想曲咖咋！

靚仔冇本心但花心 (我除外)，之不過，係男人，不論靚仔醜男，都花心咖噃 (我例外)！咁，橫直都係花心，如果我係女，就梗係老虎蟹都揀靚仔啦！係唔係先？！(呢句~ 「係唔係先」學 oD女嘅~)

但又之不過，yeeee，靚仔冇乜安全感，又非我所最好，我鍾意啲係順眼又穩重嘅。。。。如下~

排名不分先後。

1. 王敏德~ 呢個真係冇得好講，雖然佢都曾經畀人影到去邪骨度「疏芙」~

2. 李國寶~ 大古惑得嚟好紳士好有個人魅力，雖然，都有過「寶 Baby 外遇」事件~

3. 張學友~ 浪子回頭金不換罕有例子！

4. 林尚義~ 自佢老伴去世後，見過佢幾次，佢嗰種孤淒落寞，好動人！

5. 劉青雲~ 又 Mandom 又嚴肅又幽默又可愛！正！

6. 切尼~ 肥得嚟好型！講嘢嘅時候個嘴形好正。

7. Tom Selleck~ 好有嗰種又 Man 又精明又怕老婆 Feel。

8. 彭定康~ 另類性感之最！

9. 米高堅~ 眼緣合晒我河車！好親切！

10. 奇連伊士活~ 硬漢英雄，樣醜但又順眼噃！咁特別去邊度搵！？

11. 梁巔巔~ 此子只應天上有~ 唔要就笨~

成篇，打冷震嗎？哈哈哈哈哈哈哈哈~~~~~