我，係水腫皇子。水腫，好慘！簡直係暴殄天物！一位輪廓分明，眼睛線優美鼻高瓜子臉嘅靚仔，唉，變成眼睛浮腫，臉龐忽如蒙古包嘅「人」樣，真係呢。。。。
水腫因由甚多，如唔夠瞓、睡前飲咗好多水、平日食得太鹹或太油膩或太甜、肝臟間歇性去酒功能減弱同 o埋月經嚟嘅時候 (咁呢樣我梗係冇！) 等。所以，我而家都盡量唔食太鹹，味夠就得。
講開呢樣，有一個好簡單嘅方法可以睇到您係唔係平日食得太鹹同有水腫嘅。就係用手指「襟」落去手臂度，然後放開。如果「襟」落去個印唔係即刻冇，而係慢慢先消失，咁嗰排就要注意一下喇！
要去水腫除咗戒口，仲可以透過運動去攪掂。嬾，唔想做？咁想唔想自己正呀？！不過 okay，冇問題，我都好嬾嘅，好彩亦可以飲多 oD薏米水或者薑水，食多啲西瓜或者菠菜咁都一樣得。
當然仲有要飲少飲啲酒。。。。
係唔係同個腎有關???
ReplyDelete好腰好臀好男人呀!!!
唷.... 好彩唔係呀!
ReplyDelete老友,
ReplyDelete手臂襟落去會有印?
情程好嚴重喎,
唔好估,
做全身檢查最實際,
靠估好易變羊牯!!
小心!
多謝關心. Check 過 lu, 託賴, 好彩唔係肝同腎嘅問題. :)
ReplyDelete哈,年紀大啦要小心!祝福!
ReplyDelete仲有，飲得寒涼冷飲多，都會水腫．
ReplyDelete巔巔兄,乜你原來係俊男泥?失覺晒.你的水腫test好驚嚇呀,就算點腫都冇可能咁ga反應,死人就係咁,係真架,我契爺大檢時我試過握佢隻手,皮膚係凹左入去好耐都冇凸反出來,吾通佢又水腫?但係戒太咸,太味濃係真的有幫助,飲用冬瓜薏米水又是絕對正確的有美白瘦身功效. 祝巔兄繼續俊俏迷盡愴生.
ReplyDeleteJoyce: -_______-""""
ReplyDeleteep: 尤其係女性!
聶秀康: 唏, 唔係凹入去呀! 係印呀! 平時食得鹹嘅人, 個印係會慢 oD先消失 ga!
係呀, 我好靚仔的!
個test有冇根據架？
ReplyDelete我都嗜鹹，是唔鹹濕的鹹蟲。
我用手指「襟」落去手臂度，然後放開，「襟」落去個度，唔見有印噃。
咁係即刻冇水腫冇事喇，喺咪？
即係你健康嘞! 恭喜!
ReplyDelete其實按手臂唔係咁易見到有無水腫，但按腳眼位置就一定知，尤其是夜晚黑，如果按係會有印甚至”粒”落去就一定有水腫。
ReplyDelete如果你地試過搭長途機，又或者坐成日唔係點起身，對腳就會好易腫架啦。
腳眼係粒骨嚟咖噃! 點按到落去? :O
ReplyDelete今日咁聽人講，吃蕉可以去水腫。
ReplyDelete不妨一試。
係?!
ReplyDelete我剩係知 Banana 可以令頭腦靈活~
吔蕉去水腫, okay, 等我試試!
講到巔巔兄o既靚仔樣,
ReplyDelete實在好難搭得到嘴...
最近同巔巔兄好似樣o個位仁兄都好出位,
哈哈哈~~~
大劉同我大梁邊有得 fight 吖!!!! 我靚又靚仔過佢 (雖然係~~~ 佢係有啲啲似我), 瀟又瀟洒過佢, 窮又窮過佢, 女又同佢差唔多咁多 (但我唔係玩女人噃!), 咁, 佢邊可以同我比~
ReplyDelete^~