週日好介紹

今次要介紹嘅係呢盒外表的骰吸引入面又好味嘅 Sealect 白汁雞柳餐。

的骰一小盒入面包括一小包六塊 (五塊？) 鬆脆可口小餅乾，一小罐白汁粟米滑雞肉醬，再細心的附上小小的塗醬器及紙巾一張，掂！

好睇，亦好好食！

最抵死係用嗰個小小塗醬器搽 oD白汁粟米雞肉醬落啲鬆脆可口小餅乾，一罐六塊，啱啱好！頂多只剩少少！

要宵夜又唔想食咁飽咁過份，此物一流！港幣十個幾，間中買嚟食，可以接受啦！

佢仲有吞那魚口味。

如果佢嗰罐醬會獨立銷售，我一定捧場！