食評，以後睇我！我唔係食家之麥兆記~

所以話，盡信書不如無書。盡信作家不如吔蕉！(尤其是食家！)

今日，去咗天后嘅麥兆記。

其實今次係第二次去。上一次 (嗰次冇帶手機，所以冇影低。最近我有個怪癖就係唔帶手提。)，剩食咗個雲吞撈麵，盛惠三十幾！嗱，係好味，係用豬油去撈，麵質係特別~ 幼如絲爽然滑 (用鴨蛋打)，湯底係好，但係，喂，唔少舖號都做得到呢個水準噃！而且，價錢平佢唔少同 o埋份量多過佢~ 好多！

今次，同多一個人去，食多幾樣，畀多次機會佢。

今云叫咗兩個套餐，分別係三十幾蚊嘅包括淨雲吞同齋撈麵同 o埋四十幾蚊嘅包括牛腩麵同咸肉粽。

一碗得四小粒嘅雲吞，好味過超市賣嘅包裝東東雲吞小小嘅係~ 我 X~

咸肉粽，我 XX！成「浸」細路仔玩嘅嗰 oD泥膠味。

主角，牛腩麵，我 XXX~ 啲牛腩又薄又冇味，仲頗為散 pel pel tim！

賣單，八十蚊找番三蚊。。。。此店，值得一試 (睇 o埋下段~ 唔佳！)。。。。

蔡生，係您長期讀者 (從中一到而家) 嘅我，您冇「點」我，呢間嘢真係值得去吃。不過，試一次就夠囉。仲係，試一次佢嘅用豬油同鴨蛋打做成嘅撈麵就夠。