偉論建議~ 唔好攪！

香港啲大魔 (Mall) 越嚟越多，又下下起晒啲摩天大樓，喂，oD遊客嚟香港想睇啲乜唧？！梗係想睇佢哋住嘅地方冇嘅嘢啦！啲「魔」同摩天大樓，駛 Q 由山長水遠咁嚟香港睇呀？！

香港最近又唔掂，為咗吸引遊客嚟振興經濟，見議政府唔好再破壞香港嘅舊有正觀點，並加以宣傳發大嚟做！

1. 大澳~ 唔該！真係唔該！唔好又「嬾」醒咁又整呢樣又整嗰樣！唔駛做任何嘢！保留番而家嘅面貌得咖嘞！唔該！

2. 油麻地榕樹頭~ 好多外國遊客都話，最有趣最愛之一就係呢度嘅環境同捉棋 oD阿叔阿伯。

3. 香港仔海旁~ 唔好又學人整乜鳩漁人碼頭嘞拜託！遊客就係鍾意香港以前嗰隻舊有漁鄉風貌。

4. 中環大館至舊警察宿舍~ 之前聽到話政府準備有個大 Project，諗住大興土木，以周圍新建築同翻新嘅大館及舊警察宿舍，造成一個全新「聖地」。。。。嗱，乜都唔好郁！剩係將呢兩度地方修葺好就 okay。

5. 西營盤至西環~ 繼觀塘之後，西營盤至西環將會全面改造。。。。全新嘅，仲會有嗰種老香江嘅魚米海味味道嗎？！

6. 九龍城~ 九龍半島唯一死剩嘅韻味猶存嘅地方，千祈咪攪佢！

7. 尖沙咀天星碼頭~ 三個字~ 唔好搬！

嗱，唔係話乜都唔變！而係，喂，政府，因為你 Cheap 你冇 Taste 你亂鳩咁嚟所以唔做好過做！如果唔係，好都變唔好！唔衰都變衰！

仲有，建議重開大笪地，以前嗰隻喎！另再容許街邊大排檔回歸！一個真正魅力之都，係完全能夠將新舊融匯集一身嘅地方。