巔巔寓言

從前，喺若干年前嘅有一天，我去咗一個已婚並且育有一對仔女嘅朋友度敘舊。嗰日同佢兩夫婦一家四口食完晚飯之後，繼續一齊聊天。

過咗一陣，我朋友去洗碗，佢老公落街買啤酒。於是，成個廳得番我同兩個大約五、六歲左右嘅細路。

我最鐘意細路。最鐘意玩細路咖嘞！

我同佢哋玩番攤、格鬥黐手同玩口水。

當然，佢哋都有同我分享佢兩兄妹嘅玩具。

其中，佢兩兄妹起咗衝突，喺度爭 o緊一樣嘢。我好仆街咁喺旁邊，坐喺度睇佢兩個豆 o靚邊個會爭贏。

爭呀爭，當中當然不乏口角。結果，個妹爭贏咗。不過！不過喊嘅竟然係佢喎！奇呀呵？！爭贏嗰個竟然會喊，輸咗嗰個又竟然笑嘅！

咁，大家估吓點解？

原來，佢兩個爭嘅係一條橡筋。個妹爭贏但卻畀條橡筋彈 o親。

有時，真的，爭得到未必好，塞翁失馬，焉知非福？！

人生既短非短，似長亦非長，隨意隨心，得失由他，過得舒服，最緊要識得 o錫自己。

以上故事乃真人真事嚟嘅。