呢煲。。。。

前幾日天氣好寒吓，似晒冬天，於是我嘅大雜匯火鍋煲又出場啦！

買咗小肥羊麻辣湯底，大量牛丸、墨魚丸、魚蛋、肥牛、肥羊、白蘿蔔同枝竹等等呢啲料，一鑊過放晒落去左手邊幅相個大煲度，滾呀滾，諗住又好似以往咁大「擦」一頓甘咖啦！嘿，點知，食咗一啲之後，冇幾耐就食唔落咯喎！唔係因為飽喎！係因為竟然有「滯」同厭惡嘅感覺喎！！！

對於我呢個人體黑洞嚟講，真係好奇怪！

其實近嚟我 oD飲食習慣變得都幾犀利吓！例如轉變到喜歡食菜同鐘意食得齋咁。Hummm，都係好事嚟嘅，三十幾歲開始食得清啲健康啲，身體都會好 oD，毛病都會少啲。

自食得清咗同 o埋食大量蔬菜之後，我發覺原來食得多肉係會令人易攰同冇咁精神。大家不妨去領略下。