恐怖熱線有感

唔一定要好恐怖 (當然越恐怖越好！)，重要係有嗰種 Feel 同嗰種聽收音機嘅情懷，(雖然有唔少打電話上去嘅人詞不達意兼講嘢好似慘過掘地)。淪為政府喉舌嘅商台，好懷念佢以前嘅怪談。

港台一台嘅香港故事同好似喺星期六下晝嘅歷史講古，都好有呢種 Feel。

呢啲，我自己覺得點都正過而家 oD電台節目，尤其是嗰啲唔知佢講乜但自己又以為言之有物；明明唔好笑又以為好好笑；扮晒中肯正義但卻舔、拍政府同索性亂嗡嘅節目。

唔係話以前嘅一定好，亦唔係話新一定好過舊，但百呎前浪逝矣然後浪嘅不成氣候，大家還記得無可奉告、幸福玻璃球、青春交響曲、三個小神仙同六啤半嗎？

一蟹不如一蟹，事實如此。