佢，竹蔗茅根精同利賓納堪稱兒時三大常飲嘅「營養」飲品 (當然仲有好立克、柯華田、美綠。)。
記得細過嗰時除咗溝滾水沖嚟飲，亦會就咁「杰撻撻」加熟油撈飯食。唔知大家試過未呢？噢，好好味！
前幾日無端端諗番起佢，於是走去超級市場度碰吓運氣，睇吓仲有冇得賣，哈哈哈哈！仲有呀！冇錯嘞，係佢~ 保衛爾牛肉汁
大個咗，保衛爾牛肉汁仲多咗一個用途，就係，我發現佢可以解宿醉！而且，效果奇佳 tim！
唔知大家對佢仲有冇印象呢？
另外，前面提到嘅竹蔗茅根精，佢當年嘅廣告有首歌係咁嘅~
「Chane chane chane，常飲竹蔗茅根精
媽咪沖定晒，番學記得帶。
Chane chane chane，常飲竹蔗茅根精！」
大家記得嗎？
我知有此物很久....但真的未食過....或者只試過一點點,好似是咸咸的(如我，哈！)
ReplyDelete家母話老一輩人視它為寶物....以前社會窮,無甚麼雞精....也沒有甚麼才子燕窩,於是牛肉汁(家母叫牛肉茶)就是補身聖品。
你居然連竹蔗水廣告歌都記得....我就沒有印象了。
說來我最有印象的廣告歌是：
我要稱心完美 ,我要美國口味 , 我要美國精神usa,我要雲絲頓~~~美國好煙味。
深入小小年紀的我的腦海中....禁香煙廣告是對的。
另一首經典作是：
笑容最可親,服務夠殷勤,全新風格至創新,豪華好氣氛。消閒寫意確醒神,正宗按摩享受至真,設備完善至稱心~~~還記得嗎？
竹蔗茅根精首歌...完全唔知有哩回事...失覺晒!
ReplyDelete保衛爾牛肉汁!
噢,其實算是童年陰影吧.家裏一定會有一樽.我媽不會拿來開水飲,一定是食粥時加進去的.我小時候最討厭就係食粥(有味糊仔粥除外),因為無味兼且一定係病了的時候才食!!!而且那時覺得味道怪怪...
現在想起來,其實味道是不錯的.
哎呀,講講下,口裏面好似浮現返d牛肉汁o既味道. :P
呢隻牛肉汁一向都有得賣架啦,
ReplyDelete不過我就未食過啦.
咦，我耐唔耐都會買保衛爾喎，好似雪櫃仲有一樽添。我鐘意用黎送粥食囉。 :)
ReplyDelete司各脫cod liver oil ~~ original啊!!!
ReplyDelete嘔。雞精都唔得。
ReplyDelete竹蔗茅根精邊有菊花精咁好飲！
ReplyDelete保衛爾牛肉茶我勁鍾意飲!!!! 以前好多餐廳都有得飲. 中學時捐血後都有得飲架! 好味!
ReplyDelete竹蔗茅根精首歌記得...
雞精, 仲好味!
樂遊兄:
ReplyDelete識貨 ar ha! 雲絲頓嘅煙味確係正! 甚至正過紅萬!
"笑容最可親,服務夠殷勤,全新風格至創新,豪華好氣氛。消閒寫意確醒神,正宗按摩享受至真,設備完善至稱心~~~還記得嗎？"
.... 廟街桑拿?
lu 四妹:
喂, 妳細我好多嘅咩?! 點會未聽過呀?
詹詹:
咁你一定要試吓沖嚟飲喇!
Space 兄:
ReplyDelete我反而鐘意飲原味白色嗰隻!
三三:
哎唷~~~~ 咁妳損失好多正嘢咯~~~~
PK_ 兄:
A~ 菊花精都正! 但好似冇咁流行噃~
阿大:
"保衛爾牛肉茶" !!!!! 有嘅咩?!
喂, 我同妳口味一致吖!
雲絲頓真係未試過....紅萬,對我來說已很勁,味道麻麻，又不及大衛道夫(政府忠告市民，吸煙危害健康)
ReplyDelete係寶力湖桑拿。http://www.youtube.com/watch?v=m5UQX9k_79E
有歌聽,有歌詞....以前有朋友用此歌做聆聲
不過廟佳桑拿系列廣告也的確超奇呢超爆笑http://www.youtube.com/watch?v=cGM6jQvMqaQ
記得當年是有兒童的果味魚肝油﹐但老爸喜歡原裝奶白色的﹐孩子時代不懂上好東西﹐老爸發明了給我們一飯碗熱茶﹐倒魚肝油入去﹐一滴兩滴三滴﹐初時沉在碗底﹐遇熱不久就會浮起來﹐我們叫做蝌蚪仔﹐連茶喝下﹐叫追蝌蚪﹐真是乜都玩得餐!
ReplyDelete梗係細好多.XD 你耐無同我傾偈唔記得左? :P
ReplyDelete鷄精...勁正!!!
細個被逼每日一羹橙汁味司各脫,個時極唔中意.反而後來無飲有d掛住...
樂遊兄:
ReplyDelete大衛道夫, 當年好 high! 煙味好在同價錢成正比.
嗰兩條 link, 好! 但我而家先知有呢間桑那嘅廣告.
四妹:
但我同妳冇代溝噃! Heee, 我年青!
Space 兄:
"初時沉在碗底﹐遇熱不久就會浮起來﹐我們叫做蝌蚪仔﹐連茶喝下﹐叫追蝌蚪﹐真是乜都玩得餐!"
呢句好正!
Xavier 兄:
ReplyDelete同道中人呀!