Thursday, June 28, 2007

仲有得賣呀竟然!哈哈!


佢,竹蔗茅根精同利賓納堪稱兒時三大常飲嘅「營養」飲品 (當然仲有好立克、柯華田、美綠。)。

記得細過嗰時除咗溝滾水沖嚟飲,亦會就咁「杰撻撻」加熟油撈飯食。唔知大家試過未呢?噢,好好味!

前幾日無端端諗番起佢,於是走去超級市場度碰吓運氣,睇吓仲有冇得賣,哈哈哈哈!仲有呀!冇錯嘞,係佢~ 保衛爾牛肉汁

大個咗,保衛爾牛肉汁仲多咗一個用途,就係,我發現佢可以解宿醉!而且,效果奇佳 tim!

唔知大家對佢仲有冇印象呢?

另外,前面提到嘅竹蔗茅根精,佢當年嘅廣告有首歌係咁嘅~

「Chane chane chane,常飲竹蔗茅根精
媽咪沖定晒,番學記得帶。
Chane chane chane,常飲竹蔗茅根精!」

大家記得嗎?

15 comments:

樂遊 said...

我知有此物很久....但真的未食過....或者只試過一點點,好似是咸咸的(如我,哈!)
家母話老一輩人視它為寶物....以前社會窮,無甚麼雞精....也沒有甚麼才子燕窩,於是牛肉汁(家母叫牛肉茶)就是補身聖品。
你居然連竹蔗水廣告歌都記得....我就沒有印象了。
說來我最有印象的廣告歌是:
我要稱心完美 ,我要美國口味 , 我要美國精神usa,我要雲絲頓~~~美國好煙味。
深入小小年紀的我的腦海中....禁香煙廣告是對的。
另一首經典作是:
笑容最可親,服務夠殷勤,全新風格至創新,豪華好氣氛。消閒寫意確醒神,正宗按摩享受至真,設備完善至稱心~~~還記得嗎?

lu said...

竹蔗茅根精首歌...完全唔知有哩回事...失覺晒!

保衛爾牛肉汁!

噢,其實算是童年陰影吧.家裏一定會有一樽.我媽不會拿來開水飲,一定是食粥時加進去的.我小時候最討厭就係食粥(有味糊仔粥除外),因為無味兼且一定係病了的時候才食!!!而且那時覺得味道怪怪...

現在想起來,其實味道是不錯的.

哎呀,講講下,口裏面好似浮現返d牛肉汁o既味道. :P

Jan said...

呢隻牛肉汁一向都有得賣架啦,
不過我就未食過啦.

Xavier said...

咦,我耐唔耐都會買保衛爾喎,好似雪櫃仲有一樽添。我鐘意用黎送粥食囉。 :)

The Inner Space said...

司各脫cod liver oil ~~ original啊!!!

Anonymous said...

嘔。雞精都唔得。

Anonymous said...

竹蔗茅根精邊有菊花精咁好飲!

mad dog said...

保衛爾牛肉茶我勁鍾意飲!!!! 以前好多餐廳都有得飲. 中學時捐血後都有得飲架! 好味!
竹蔗茅根精首歌記得...
雞精, 仲好味!

梁巔巔 said...

樂遊兄:

識貨 ar ha! 雲絲頓嘅煙味確係正! 甚至正過紅萬!

"笑容最可親,服務夠殷勤,全新風格至創新,豪華好氣氛。消閒寫意確醒神,正宗按摩享受至真,設備完善至稱心~~~還記得嗎?"

.... 廟街桑拿?

lu 四妹:

喂, 妳細我好多嘅咩?! 點會未聽過呀?

詹詹:

咁你一定要試吓沖嚟飲喇!

梁巔巔 said...

Space 兄:

我反而鐘意飲原味白色嗰隻!

三三:

哎唷~~~~ 咁妳損失好多正嘢咯~~~~

PK_ 兄:

A~ 菊花精都正! 但好似冇咁流行噃~

阿大:

"保衛爾牛肉茶" !!!!! 有嘅咩?!

喂, 我同妳口味一致吖!

樂遊 said...

雲絲頓真係未試過....紅萬,對我來說已很勁,味道麻麻,又不及大衛道夫(政府忠告市民,吸煙危害健康)
係寶力湖桑拿。http://www.youtube.com/watch?v=m5UQX9k_79E
有歌聽,有歌詞....以前有朋友用此歌做聆聲
不過廟佳桑拿系列廣告也的確超奇呢超爆笑http://www.youtube.com/watch?v=cGM6jQvMqaQ

The Inner Space said...

記得當年是有兒童的果味魚肝油﹐但老爸喜歡原裝奶白色的﹐孩子時代不懂上好東西﹐老爸發明了給我們一飯碗熱茶﹐倒魚肝油入去﹐一滴兩滴三滴﹐初時沉在碗底﹐遇熱不久就會浮起來﹐我們叫做蝌蚪仔﹐連茶喝下﹐叫追蝌蚪﹐真是乜都玩得餐!

lu said...

梗係細好多.XD 你耐無同我傾偈唔記得左? :P

鷄精...勁正!!!

細個被逼每日一羹橙汁味司各脫,個時極唔中意.反而後來無飲有d掛住...

梁巔巔 said...

樂遊兄:

大衛道夫, 當年好 high! 煙味好在同價錢成正比.

嗰兩條 link, 好! 但我而家先知有呢間桑那嘅廣告.

四妹:

但我同妳冇代溝噃! Heee, 我年青!

Space 兄:

"初時沉在碗底﹐遇熱不久就會浮起來﹐我們叫做蝌蚪仔﹐連茶喝下﹐叫追蝌蚪﹐真是乜都玩得餐!"

呢句好正!

梁巔巔 said...

Xavier 兄:

同道中人呀!