我最難忘的電視劇角色

我好多時會鐘意啲二線主角同大配角，另外又唔會話對某 oD角色特別鐘意，亦好少會諗番。今次呢個集體吹水題目，正好嚟個回到當年。

GO！

無記嘅~

陸小鳳 (1977年版本)：陸小鳳同西門吹雪。劉松仁和黃元申將小說內嘅兩大主角演得活靈活現，同以下嘅另一對堪稱後無來者。

射雕英雄傳 (1984年版本)：黃蓉同郭靖。翁美玲與黃日華嘅演出，冇得
彈！

順帶一提，翁美玲到而家我仲迷 o緊。七年前我為咗買佢幅相，專登去旺角信和。嗰次仲畀個老板娘 wet 咗幾吓：「請問有冇好耐以前明星嘅相？」

「死咗定未死 ga？」

「死咗好耐。。。。ga 喇。」

「邊個呀？」

「翁美玲。」

由於我冇買過呢 oD相同第一次去信和，有少少陌生，所以有少少伯醜囉。

誓不低頭：幫主角謝文武翻案兼告大奸鬼陸國榮嘅大配角曹珠 (胡楓) 和佢師父 (名字忘記咗，係由關海山飾演嘅。)。

胡楓演嘅口吃大狀演得好可愛。另外，佢哋兩個嗰一系列法庭戲，勁！

巨人：幫主角萬梓良醫番好對眼嗰個玩世不恭，放浪形骸又講道義大配角 (又唔記得個名。又係由關海山做嘅！)。

大時代：方展博。佢嘅有恩報恩，有仇報仇，冇一絲婆媽猶豫，快意恩仇，爽！

亞記嘅 (麗的)~

三國春秋：諸葛亮。張瑛，堅！

再見太平山：從浴血太平山玩物喪志嘅中年到脫變成歷盡滄桑嘅晚年，幫了主角一大把嘅大配角 (又唔記得個名)。又係張瑛。

天龍訣：小子。梁小龍演嘅小子好生鬼過癮，恩怨分明又爽快，好好睇！

縱橫四海：利兆天。佢嗰種囂同自信，又粗皮又細膩，既霸道又有文化，正！

仲有大配角大跟班大肥佬阿郁，都好鐘意。

外地嘅~

Family Ties (一家親)：米高霍士主演嘅大仔 Alex，精彩到暈！套劇冇咗佢，摺得。

Head Of The Class (替工人之患)：Dan Schneider 演嘅其中一名學生 Dennis 好爆笑，有佢，絕無冷場！周星馳都唔係嗰皮~

Friends：兩個~ Rachel 同 Joey。兩個都咁傻咁可愛！尤其是 Joey！

各路 Blog 壇吹水名嘴最難忘的電視劇角色名單

牢騷絮語 ： 我最「難忘」的電視劇角色：濫看者嚴選十大

一個好人： 我最「難忘」的電視劇角色：Lynette Scavo @ Desperate Housewives

Island Blue：我最「難忘」的電視劇角色：金三珣的成功之道（又名：肥田完敗之謎）

紫熊部屋：我最「難忘」的電視劇角色 - 翁美玲飾演的黃蓉

加百列傳：我最「難忘」的電視劇角色: 庶務二課生電王

五師兄字：我最「難忘」的電視劇角色：方展博

Blah Blah Blah: 我最「喜愛」的電視劇角色

PK_日記 Episode II: 我最「難忘」的電視劇角色

Life as a 2 hit 6: 我最「難忘」的電視劇角色…@TBB

存在寫虛無：劇集