另類隻揪 & 反面教材

煲呔 vs 傑仔，高下已分~

擦鞋 Don，唔太得。

遲 oD再寫。

7:27 PM March 01

本來對這場特首候選人答問大會期望不高，但總算是破天荒 (在香港而言)，也值得一看。

但見一開始，一向文質彬彬，公子哥兒的「袋巾」，爛仔上身，化成「爛仔傑」，便搶韁舌挑「擦鞋 Don」，即時知道往後的接近六十分鐘必然好戲連場。

果然，開場不到二十分鍾，一向高高在上，皮笑肉不笑的「擦鞋 Don」已面泛紅氣，牽強的笑容已呈現，已知今次他必落在下風，所以，便開心地立刻記下。

要聲明，相信大家都知道，或只要看此篇開首，便可知我是不喜歡「鴨 Don」的。今得見到我好討厭的「鴨 Don」被「爛仔傑」差不多插足全程，其心涼亢奮程度自妙不可言。但，人呢，要中立嘛 (這不是我 style，但，扮也要扮呢~ 這才有認受性。嘿~)，所以，我認為他落得這樣，是位置問題使然。「爛仔傑」不是在位者，更重要係，他自知無論如何都不會當選 (變種中央委位制嘛)，所以，在完全沒有包袱的環境及心理狀況下，可放開一切後顧憂慮 (更哪怕開的是空頭支票)，開足馬力放到盡一盡全攻型地去攻擊對手。

「鴨 Don」則不然。他既是在位者，也肯定是這次選舉的當選人，因此，顧慮特多。而且，一方面又要顧及風度，一方面又要不能承諾太多，所以，不如對手般瀟洒、活潑。

不過！！！！！ 渣就係渣！「鴨 Don」呢啲，平日鬧 oD下屬就叻；間中扮一下和藹可親、喺冇壓力之下扮一下有風度就得，但呢次畀對手「爛仔傑」條友無端端入到圍，已好唔爽咖嘞，今云仲整個咁嘅答問大會出嚟，又仲要畀對手狂插勁炳咁羞辱，咁樣之下，佢副真德性即刻現形！由一開始時嘅笑容可掬，到不久後嘅面泛紅氣，然後牽強嘅笑容燦爛地掛上，跟住風度漸消，取而代之的是官威欲欲想現兼夾雜小家敗氣的表現及「氣度」，如，面部表情和眼神費時講嘞，其他就如有難度的提問要「爛仔傑」答先及搶住回應 (一次。就夠~)。

最好笑係佢每次講完之後，尤其是到到中段開始，佢好渴望有掌聲嘅眼神都會即刻出現，哈哈，當然了，攪到咁，梗要下面佔咗大部份係自己人嘅擦鞋仔撐場撐自己。點知，印象中只有幾次掌聲特多，其他的，都只係例行公事應酬式掌聲。有兩三次仲冇竟然！

喺呢類咁嘅場合，唔計內容 (講真，佢嘅內容咪又係嗰 oD~)，「鴨 Don」喺辯才、辭鋒、儀態、眼神、聲調方面全部唔及格！除咗儀態~ 冇小動作或郁嚟郁去 (See？！要求唔高咖！)。

仲有，「鴨 Don」都戇嘅~ 怕セ開頭支票呀 (普選呢張除外)？！喂，你做咗咁耐官又做咗唔少日子政客，都知講過唔算數、選擇性失憶同選前選後兩回事呢個道理咖啦，駛乜怕唧？！

另外，你唔駛風度個喎，我哋又冇得投票，你木口木面咪得咯！高 oD嘅，反正自己做硬個咯，咪全場咁諗住，真笑地去玩呢場 game 囉~ 但佢又要嬴盡喎 (本性質地係咁，大家記唔記得上次嘅特首選舉佢有幾囂又點寸李永達？！)，抵瘀！

至於「爛仔傑」，表現遠勝「鴨 Don」，喺香港，亦叫掂。起碼好過叫做最 top 嘅李柱銘。雖然，有幾下略嫌輕佻了一點，但總體嚟講，不用相對「鴨 Don」，不錯。亦或許對手太弱所以得以全面發揮吧。

但喺香港，冇用咖！唔計「鴨 Don」，台下面班所謂精英，聽佢哋嘅發問，真係差唔多全部屎到痺。

有仔女，而經濟又許可嘅，送佢哋去外地吧。

(續)

好嘢不妨一睇再睇！堅嘢不妨一 X 多樣~ 且看 PK_ 兄 (爵士靡音) 的重炮發功！^~