神棍發功 (X 嗡)

神棍？！咪係小弟我囉~ 但今次唔係嗡星座紫微斗數子平八字鬼鬼怪怪，而係~ 股市。

嘩，唔係啩？！係喎！

個市勁到直頭堅過食咗春藥同4仔，加上新一年，所以，發吓嗡風啦！只此一篇呀！當然，我唔係炒慣股嘅「神」民；亦唔係日日都有嘢嗡嘅嗰班「財經分析講股佬」嗰啲；更唔係陸東原復生港燦「壹」東尼 (Tony Measor) 嗰隻，所以，o騎 o騎，聽吓算喇！

詳細唔曉點寫，大致如下：

今年全個一月會升，但到二月或三月 (就算唔係都總會有一兩個月係) oD國企會回一回二、三千點度 (建基於啲セ嘢咁講？第一，國企大癲喇！好似嗰隻國壽咁，P/E 成80倍喎，都黐 X 線嘅！第二，而家唔回番啲，邊有力再上？！)。恒指應該會回落到一萬七千五至萬八左右，之後，當然會「冚冚聲」係咁颷 (中間少不免會有啲穫利嘅調整嘅~)！颷到2008年奧運為止。一言之蔽之，由而家到2008北京奧運，係一個大升浪。基本上買邊隻都會有 $ 賺！

之後，Titanic 都唔只，我睇直頭會衰到係「明日之後」。所以，呢段時間，有得玩嘅，好玩喇，到到咁上下，要收呢！

至於樓市方面，連最大粒嗰幾個都唔睇好，所以，要買樓自住嘅，等多陣啦，除咗啲豪宅 (呢 oD係 for 啲大陸富 (土) 豪同本地嘅富者越富)，一般私人樓會再低啲 ga 個價。