慨~

一人天驕萬人塚
半生功過難評說

萬代千秋愚昧事
珠光寶氣不留名

停

可否如古老不動的古錶一樣，只要喜歡，便突然將時間永遠停留在那一刻。

溫拿有感~

「L ~ O ~ V ~ E ~ LOVE~~~~」

「今朝玩到依家！囉囉攣心掛掛！家吓乜嘢都假，最好係唱嘢玩結他！」

「陪著她/他~~~~ 一早呷啖紅茶楊柳下，身心輕快 fing 吓手腳瓜，不需驚怕落雪風雨打~」

「Sha la la la la~ Sha la la in the morning~~~~~」

「世界上有千百萬人~ 只有知心一個~~~」

今晚在看溫拿特輯，勾起不少兒時回憶。其中一樣，係一切是否新不如舊？！

七十年代中至80年代尾，一切是美好的。講的是香江文化及精神靈魂方面。

。。。。

係點？下年搵日再詳細講~

唔該禁絕啲~

仲有兩天，2007年嚟喇！

從2007年的第一日開始，亦係所有我哋呢啲煙民，將會好似曱甴咁，被趕盡殺絕！！！！

。。。。我冇嘢反對~ 畢竟，食煙完全有百害而且連啲 the 好處都冇！仲會害唔食煙嘅人，全面禁，都啱嘅~

但，香港特區政府，既然係咁，不如激 oD、絕 oD、徹底 oD啦！一於好似土耳其咁，直頭唔畀食兼冇得買啦！

唔好好似而家咁，攪到畀人話惡法又擾民！禁與唔禁嘅灰色地帶令人有隨時被跣嘅感覺！不倫不類！正渣料！

網絡魂斷

又入又出，又出又入，來來回回 n 云先入到 Blogger 寫嘢！噓~

先講一 oD題外話。

前晚26號，台灣南部發生大地震，攪到啲網絡死晒。但係，點解27號我凌晨十二點幾仲寫到篇「呵呵呵~~~」讚自己嘅？！奇呀？有冇 I.T. 勁人可以話我知？

Okay，入正題。我真係想 X 一 X 啲網絡公司。

今次呢個事件，係~ 係一個意外。但點解要成五日至一個禮拜時間先能夠攪番掂？！佢哋呢 oD咁巨規模嘅科技工程機構，唔係應該有個「安全網」或者其他後著去應付呢 oD意外嘅咩？！唔好解釋話呢啲係天災、意外，所以預期唔到。做得鋪海底光纖電纜嘅，唔好話我聽你哋冇預計地震或者其他意外會做成好似今次咁嘅災難呀！X！

喂，如果呢幾 day 社會上有セ事發生，因網絡癱瘓做成經濟甚至人命上嘅損失，條數真係唔知點計！？！

其實，唔駛咁大單意外~ 平時好似平安夜、新年除夕、農曆年年三十晚呢啲日子嘅十一點零十二點，oD電話嘅線都 jam 晒咖啦！有時仲衰到平日都塞一塞！有冇攪 X 錯！都係嗰句，如果嗰段時間，有咩意外，大家都要用手機聯絡，但打唔到，咁咪你我他一齊 Titanic？！

最抵 X 嘅係號稱最掂嘅123321！$ 你又識收！喂，我用你係因為我以為你比其他優勝。但原來一到繁忙、緊要時刻你同其他嘅一 X 樣！咁你收得貴我就覺得你唔 X 值！

講完。

祝大家上網兼寫 Blog 順利！

P.S. 新一年快到，唔知31號可唔可以咁好運上到 Blogger 寫，所以，先祝各位親愛的新年快樂！2007更正！

呵呵呵~~~~~

呼~~~~~~~

今日，部電腦死 Q 咗。。。。其實尋晚已經出事 ga 喇！大家記住，如果熄機嗰陣，個仆街電腦熄極都熄唔到嘅話，千祈唔好長「襟」個 OFF/ON 制去關機。如果唔係，就好似我咁，「因在不正常的關機情況下對數據有所損失」。。。。頂~ something like that 啦~ boot 極部機揀勻晒 啲咩安全模式不安全模式安全模式上一次安全登入喃嘸喃嘸訶里陀~~~~~~ 都入唔番去「士娼 」，hee heee heee，入面，就死 # 得！唔 X 掂！

係~ 我係電腦白痴 (阿風信子閃閃聽到咪笑) ~ 但係，但係，yo~~~~~~ 我今日一手一腳，一頭一腦，一指一摸，一鼓作氣咁攪番掂晒！！！！！！ 勁！梁巔巔呀梁巔巔，我為您嘅毅力而「婉惜」吖！大佬，我除咗2000年之後先識喺部電腦嘅左下角「關掉這部電腦」外，我未裝過機咖！X~

咁，大家話嘞，我係唔係叻先~ 呀哈哈哈哈哈哈哈~~~~~~

人話我聰明~ 生得標準 Beautiful~ 認真冇問題！(啱啱攪掂晒！) ^~

粗口之「杏 + 橙」都唔夠

廣東話粗口，有好多，而且千變萬化，配搭任君隨意。而且鏗鏘有力，絕核到肉，狠準勁非常。曾講過，在說粗口的時候。廣東話粗口中的「til」同「dil」，就絕對應咗聲韻裏的「咬字有嘴勁；吐音有餘韻」。這比起英文裏的「ed」和 fuck 的「k」嘅亦係要全音發出來的音更要厲害得多。試讀一次吧：Wanted，ed；Fuck~ ka；ed 完 ka 完就音力全消，咩都冇嘞。但廣東話呢，嘿，勁咯~ 我「挑」~~~~；我「dil」~~~~ 。嘩，個 key 由低至高又再由漸由高轉番低、喜歡的話，亦可以一次過，我「dil」！亦可。勁乎？！

而廣東話粗口入面，最毒的一句，肯定係罵人「冚家鏟」。

這句粗口，就連甚喜歡講粗口的小弟我也非常少用。因為，「冚家鏟」者，即係全家 Titanic！那您說毒不毒？！只是那個人對不住您，關他的家人啥事？！

但最惡毒，最恐怖，毒到整個畫面會呈現在您腦裡的，是出自吉卜賽人以下的詛咒：「願你永遠在這世上顛沛流離；一張床睡不超過兩次；一個地方到不過兩次；一口井喝不過兩次水；渡江過河，也不會是同條江，同條河。」

所以，對例如擦鞋 Don 、香港毒瘤壽仔之流，頂多 DKLM。但對住例如以前曾侵華的日本軍人，就「冚家鏟」都不夠！還要加上以上吉卜賽人的詛咒先 perfect！

祝平安夜高潮迭起！聖誕節快樂！

All I Want For Christmas (Is My Two Front Teenth)

樂兒天使，生日快樂！

樂兒天使，



願快樂如妳的名字，永遠快樂~ 無論那一天。

12月24號生日快樂。

B ~ L ~ O ~ G

話咁快，風巔信霜，生日快樂！三個人，兩男一女，本來互不相識，喺 Blog 由唔順超，過兩招，吹水鬥嘴。再走一齊寫嘢，咁就一年咯喎！希望年年有今日，歲歲朝朝更勝今天！

B~ L~ O~ G

BLOG~~~~~~~~~~~~~

log log log log log log log log log log

BLOG~~~~~~~~~~~~~

Blog is our life and relish
We won't let it finish
We do say
The power of our faith
WRIT E

blog blog blog blog blog blog blog blog blog blog blog

BLOG~~~~~~~~~~~~~~

B is for beloved，being
L is for love and living
O & G oath of gathered forever

B~ L~ O~ G

blog blog blog blog blog blog blog blog blog blog blog

Remembered our friendship
Grew from it and till now it's real
Here's the vow for you to keep
You're my friend
Forever ever (B~ L~ O~ G)

I'll beside you as always
Always do it in this way
Please let us know when you are feeling blue
I'll be here anytime with you

lu lu lu lu lu lu lu lu lu lu lu

B~ L~ O~G

BLOG

填詞：梁巔巔
原曲：L~ O~ V~ E
原唱：Wynners 溫拿樂隊
而家：風巔信霜仝人

BLOG 試聽

祝大家笑住番 o埋聖誕假期前嘅最後呢一 Day~

呢個上世紀嘅經典攪笑節目，笑聲救地球，由廖偉雄同胡大為主持 (呢個節目亦令到當時的一位由幕後跑到幕前嘅細龜上位)。真係好好笑！

廖偉雄真係好會演，扮セ似セ！好似以下片段佢就係射我哋嗰位「極其能幹」，「攪邊瓣邊瓣掂」嘅周梁淑怡。大家睇嗰時，留意吓佢個嘴，同 oD表情，好抵死！XD！！！！

另外嗰個胡大為，喺電影界出名剪接勁，估唔到攪笑都有一手！

祝大家笑住番聖誕假期前嘅最後呢一 Day！

Sally (JY)，Welcome Home！！！！

Sally，出嚟慢慢傾！

露兩點之整容 & 生死誓相隨~

整容

小弟唔抗拒整容 (俊，唔駛整。)，更唔抗拒別人整容 (話晒塊面同成個 body 係佢自己。而且，變得靚，佢自己滿足時其他人見到又醒神，好！)。但只限於割雙眼皮，削吓面，隆吓胸或大概地執一執。

不過，如果係整到今期數字週刊入面嗰位吳姓女藝員咁，完全變成另外一個樣，咁就完全接受唔到。個感覺，好 X 恐怖。

當然，如果嗰個人，我之前根本係未見過，唔認識嘅，就唔會有恐怖感覺啦！但係，有朝一日，畀您發覺咗佢 (仲要已經係您另外嗰半) 以前個樣完全唔係咁。。。。您都咪話唔「希治閣」。

生死誓相隨

戰績彪炳，一向積極樂觀，正處當打之年嘅女保險從業員突然走上自殺之路，原因生果報大致有講。

我睇咗，有兩樣嘢想嗡。

一，嗰 oD平日經常話自己痛苦，呻吟怨嘆嘅人 (即使佢哋真係有嘢唔開心，並非無病呻吟~)，往往反而比其他人，甚至比平時積極樂觀，懂得勉勵自己嘅人都要 tough！

二，唔講自殺啱唔啱，唔講做セ要自殺。。。。

一對夫妻，從芸芸眾生的互不相干，到邂逅，到走在一起，再到彼此相對講一聲：「I Do！」，之後再一同經歷以後每天的一切，無分彼此，身心相連，您是我，我是您。其中一個要走喇，叫另外的那一個怎樣繼續孤單上路？！已是比翼鳥，連理枝，唯生死誓相隨，才是完成大家今世的濃緣。

「拆」之隨想

天星碼頭要拆了、皇后碼頭要拆了。之前，有好多值得回憶的建築如卜公碼頭，遠至從以的平安戲院、雀仔街等等地方也已一早拆了。

分別是後者由港英政府出手，而前者由特區政府開刀。兩者都是拆！拆！拆！為何在港英政府時期沒有像今天市民保衛天星的情形？

首先是由於以往香港人還在打拼階段，七、八十年代雖經濟起飛兼步入黃金時代，但仍未有足夠時間培養出「閒情」和意識去反對。

第二是中國人有一種好奇怪的心理，就係到現在仍對外國洋人有「敬畏」之心。說一個真實故事吧。唸中學時，有一位老師，他告訴我們他以前讀的那間英 X 男校，一直由一位洋人做校長，學校的老師及學生都完全安份守紀。到到有一年，換了一位本地華人，由那一天開始，整間學校忽然像吃了春藥或「弗得」，學生與老師們都好像變了另一個人，學生校內操行直線下降，老師突然充滿了權威反這樣反那樣。全部原因只是因為一位洋人校長換了一位本地華人校長。

最後一點，由第二點引申到的，亦是事實如此，就是我們的而且確對由洋人領導的港英政府的品味有信心。不要說香港及大陸國內了，連台灣也如是 (竟然可以在台北故宮博物館正正對面起一楝超級豪宅~ 至善天下)。英國人在香港至少能做到有品味 (雖偶爾亦有敗筆之作) 如看看九龍半島，特別係尖沙咀那部份。以前，港英政府為了保護城市美觀，整個尖沙咀的建築物不可以超過某個高度。結果，起出了一片大平原的九龍半島，並與高低起伏各不同的港島嚴如一幅對比鮮明，卻又相映成趣的美麗油畫。但九七後，常把「不義而富且貴，於他如浮雲」掛在咀邊的李超人，卻竟可在那裡起了一幢參天巨廈，結果，嚴重破壞了整個九龍半島，以至整個香港的輪廓、美觀。這簡直是毀容！英國人都懂得珍惜香港的本錢 (這當然是因為基於他們的利益)。但自已本身在香港長大、自己是香港人的那班富豪、官員，各自為了自己的利益去官商勾結而妄顧香港的一切，無廉恥地掏空、破壞，自私自利。這是否証實了中國人的 DNA 真的隱存著劣根性？

今早得知以擦鞋曾為首的特區政府，竟然將天星鍾樓拆碎後丟進垃圾堆田區，在這個非常敏感時期做出如此狠事，這是否要向香港人証明此正乃強政厲治？！

小人，真正強政厲治不是如此的，看看以前港英政府，又或看看你的主子中共中央吧。你這樣的行為，只是一個劣質小家的政府德性。而且，即使這是強政，也不只是對平民百姓，也要對大財閥們強得起才行，不要兩幅面孔，在他們面前，只識伸出前臂，一路搖頭擺尾，吓~ 吓~ 吓~

話明「拆」之隨想，總有隨想到另一些人、事、物。鏡頭一轉，政府這做法，也切合某一類朋友。這一類朋友，就如特區政府般，一方面扮著強硬而正氣的態度，而另一方面，又神經兮兮，底氣不足而胡亂狂呼。而這一種人，比政府優勝的是包裝得很好，形象一流。遇到這一類人，最好是避之則吉。但分別是，好的，是政府沒得避，而這類朋友，可以沒有；壞的，是這類朋友，如癌細胞，一日您未不幸地觸碰到它，也不會知道它是如斯恐怖，還安心快樂地與它共處。但到有一天，它發作起來，一切已太遲。

A Trip To The Moon

曾經講過，有好多歌，好好聽，但唔出名，亦唔會知唱嗰個係邊個。

以下呢首歌 (當年唔太流行)，99年聽過一次，就係嗰次，鍾意咗！但嗰時唔識玩電腦 (我2001年先識去電腦左下角嘅開始嗰度關機 ga 咋)，所以搵唔到呢首歌叫咩名。

今日心情好，上網打呢首歌我僅僅記得嘅一句~「願雙雙到月亮 誰人願愛得這樣」，哈哈！成首歌出晒！而且，仲搵到試聽條 link ！Hoooooo~~~~~~~~~

喂，嚟喇！願雙雙到月亮，誰人願愛得這樣？！立即跟我盡情漂亮~~~~~~~

從不需要吃藥能成仙
如愛便愛得飄飄然
若能一心一意 便沉溺它一天半天
盡量不睡眠

從不希冀對望和並肩
如愛便愛得最極致
如我話去天邊 便拉你去天邊
不必明白為甚麼鍾意

誰來伴我 編一個奇妙故事
越迷幻卻愈有意思
願雙雙到月亮 誰人願愛得這樣
立即跟我盡情漂亮

像天仙到月亮誰人願愛得這樣 立即跟我做遊玩對象
A trip to the moon to the moon
A trip to the moon to the moon

從不需要結局能預知
如愛便愛得飄飄然
未能一生一世 便沉溺他一天半天
盡量不睡眠

從不希冀怨恨和沉思
如愛便愛得有大志
如我話去天邊 便跟我去天邊
不必明白為甚麼鍾意

試聽

兒時追憶~ 幻海奇情 (鬼故)

YouTube，2006掀天動地，將互聯網帶入新模式新一頁，獨攬風雲，又攪到我哋周圍危機伏，真係實至名歸。

壞嗰方面唔講 (通寶兄嗰邊寫咗好多)，講好嗰方面，除咗人人都可以自己 upload 做主角，亦可以搵到好多珍貴片段 (包括各類音樂、運動同知識等等)，仲能夠搵番好多回憶！

好似以下呢兩齣戲，係70年代尾八十年代初，無記嘅經典之一~ 幻海奇情內其中兩個單元故事。竟然可以喺 YouTube 重溫到！正！！！！

尋晚一口氣睇咗幾集，感覺真係好過癮！直頭每個細胞都喺高潮之中，每條神經都喺迷幻之內！可以睇得番已經消失咗嘅香港以前嘅實境；舊物好似以前嘅巴士、十四座、火車、報紙等；以及好多已經冇做電視嘅熟悉但唔知佢哋叫セ名嘅面孔，好似走咗入時光隧道。仲有聽番啲對白，原來以前叉燒飯賣$10、牛腩河$4、月薪人工$800算係好待遇等等呢 oD內容，哎吔，好正呀個感覺真係~~~~~

另外，另一感想係，社會唔係不斷進步嘅咩？！點解廿幾三十年前拍嘅嘢仲有 feel 有水準過而家嘅？！嘩，真係唔係講笑 (大家睇過就知)，幻海奇情拍得住美國 CBS 嘅迷離境界！唔怪得成日聽到啲人話香港嘅電視，嚴重缺乏新嘅人材啦！對上由電視走去電影嘅，已經係數到去韋家輝。之後，well，好似冇咯喎。

揀咗其中兩齣同大家分享~

時間之鍾

重現

想睇其他單元嘅話，去呢度。

幻海奇情同迷離境界一樣，唔係只得一味恐怖，有好多仲有警世意思！

補充：記得當年小弟我睇完之後，要媽咪陪我瞓；夜晚疴尿嗰陣時要叫醒媽咪；仲有，自己如果仲未瞓著，就試吓叫媽咪，等佢應。。。。若然佢瞓著咗，唔應或應唔到，就再斷斷續續叫多幾聲。。。。

細個嘅時候，鬼故，又要聽 (睇)，又要驚~

鮑，等我食。

o騎 o騎 o騎~~~~

極品南非鮑，要浸十日，等佢哋浸「」晒先整得。

啱啱拎咗佢哋去浸，今日係第一日。

仲有9 days~ 鮑，等我~~~~ 我等~~~~~

寒風~~~ 呼！呼！呼！一個人最好 Sabu Sabu~~~~

天寒地凍，有好多嘢係平常做嚟冇冬天嚟做咁正嘅！

好似食糖炒栗子、食蒸粟米、露天飲酒、Kissy、喺被窩入面。。。。等等。

除咗以上呢幾樣，最正自然係打邊爐！

肥牛、肥羊、肥豬、生蠔、墨魚丸、貢丸、台灣香腸、粟米、粉絲、白蘿蔔、加多包小肥羊湯底，呢煲嘢，可以食三日！爽呀！爽到唔曉形容！

總之，一個人做蝗蟲，感覺亦佳！如題~ 寒風~~~ 呼！呼！呼！一個人最好 Sabu Sabu~~~~ (加多三個字) 好好 Mood！

冬天齊齊強強滾，贊贊贊！！！！

寒冬之日記

昨日，星期五。陰天，毛毛細雨。

早。

早，早晨。

早，早晨，毛毛細雨。

早，早晨，毛毛細雨，外出。

早，早晨，毛毛細雨，外出，好暖 (以為)。

所以，我只穿了一件絨質恤衫。

到冇幾耐，「甘」呀！我大佬問我：「點解你『震』嘅？！！？！？！」

冇咯，冇咯，冇咯。。。。八、九歲以前嘅時候，喺北美同台灣十度以下四度上以上，著件 T - Shirt 就可以走嚟走去。十幾年後嘅而家，虛兼弱~

。。。。

昨日，真係差點死掉。

爭 (一齊嚟頓悟)~

中國人真係好聰明！尤其是深明快人一步，理想達到精要。

其中修練 (佛、道)，亦可見一斑。

例如禪宗，係中國發明的。其精要就係點講點領悟，九唔搭八，都通~

好似：

何為禪？

Ans：一二三，三二一。

中環食飯貴唔貴？！

Ans：西藏賣布七千一。

08北京奧運去唔去？

Ans：美國熱狗兩塊半。

我愛妳！

Ans：。。。。

老生常談一則~

我揹女施主過河，為何你介意？

~~~~

總之，一問一答，千祈就唔好對題，答嗰方，一對題呢，就落在下乘 ga 喇~

又有好多平時「嬾」有道行嘅人，開口埋口均以高深莫測姿態出現。言行文字間又亦係問非所答，答非所問，以為咁樣就係有料到。笑 X 死 。諗起一宋代大才子蘇東坡的故事~ 話說有一次，一向醉心禪宗佛道的他，有一天，他自覺已達某一高境界，於是就作了以下幾句：「稽首天中天，毫光照大千，八風吹不動，端坐紫金蓮。」有一高僧見了，批了一個「屁」字，蘇東坡立刻上前問個究竟。那僧人答：「喂，你又話自己八風吹不動？！你唔係好高境界嘅咩？！」(嗱，唔係郁 o緊人呀，唔好誤會兼認頭。我要郁人，會開名咖~) ^~

講番轉頭，後來，禪宗都嫌麻煩，所以，就有頓悟的誕生。例如水滸傳內的花和尚魯智深，臨尾他半夜突然聽得錢塘江的潮聲，想起智真長老所贈的佛偈中的「聽潮而圓，見信而寂」，於是呢，「頓悟」了！See？！幾慳水慳力慳時候！

又好似：

您有一天走在街上，見到，吃了一串售價$5的魚蛋，驚覺，原來便宜都能如此滿足！啊！「頓悟」了人生的滿足可如此簡單！而不再一味追求富有。

所以，頓悟好有用咖！呀哈哈哈哈~~~~

最後，有樣實例畀大家嚟頓悟。

有一次，我在一位朋友的家聊天，他有兩個兒子，我與他們玩耍。玩耍中，他倆為了爭一樣東西而拉据，我見過癮，於是不加阻止。最後，小的那個爭贏了，但，哭的卻是他！

點解？(答案喺留言度話您知~)

Sunshine，Happy Birthday~

十月尾，我終於同喺 Blog 上認識咗一年有多嘅星洲 Sunshine 見面。

嗰日，約咗喺旺角地鐵站恆生等，大家準時到達 (講起呢度，有必要提一提~ 佢所住嘅酒店原來喺太子，因之前大家冇攪清楚，佢為咗守時，竟由太子跑到旺角！勁！呢 oD誠意，堅！) 我喺閘內，佢喺閘外，彼此相認微笑 ，唔知點解嗰一刻一切變得好慢 (好電影)，然後，我哋首先去咗中環飲酒。

一路上，唔駛有酒，我同佢都雞啄唔斷，直如兩個八婆，A~ 係有水準嘅八婆。上至天文中至人世下至地理無所不談。

去到 Zentro 後，杯中有酒，豪氣頓生，我哋講得更放。Sunshine 講嘢快、反應快、鬼馬，粗口拍得住小弟，有時甚至猶有過之！而且，佢講嘢完全捉到嗰個 beat，非常幽默！

飲酒，佢簡直係酒魔！點解？程霜大哥哥飲 Long Island 如飲啤酒，但 Sunshine 佢溝完啤酒再飲加強版「長島冰茶」，而且仲喺極短時間之內飲晒！連我呢個過氣酒聖都佩服！

我一向坦蕩蕩，但 Sunshine 更如劏開肚腸同您交心！小弟我廿歲左右出道，雖生於正常之家，但有十多年日子，係浸淫喺極黑豚豬入面 (好彩有可以重見天日，爬番出嚟時！)，睇到佢冇一絲扮嘢、作狀、故作低調，以心比心的與我交友，這於我嚟講，非常欣賞、感動。

畢業於英國某名牌大學、身居星加坡某機構要職的他，沒半分驕氣，很踏實。有話要說就說，要 X 就 X (例如一齊踩勻 X 盡中、港、台、星、馬~)，有嗰句講嗰句，喺佢身上，有嘅只係正直與傲氣，與及鬼馬笑聲。鏗鏘嘅聲線，更將佢嘅說話有力咁傳到您耳邊。

識朋友，交往，起初總係精彩、迷人、浪漫。而當熱熾之後，誰能延續下去？！ 慶幸地，到現時為止，已見的他們當中，好像全部都昔緣勝金。

Sunshine，12月14號，生日快樂！

並祝事事順意

Happy Birthday

What Tarot Card are You？

喺 Ruth 姐姐度玩咗呢個~

You are The Devil

Materiality. Material Force. Material temptation; sometimes obsession

The Devil is often a great card for business success; hard work and ambition.

Perhaps the most misunderstood of all the major arcana, the Devil is not really "Satan" at all, but Pan the half-goat nature god and/or Dionysius. These are gods of pleasure and abandon, of wild behavior and unbridled desires. This is a card about ambitions; it is also synonymous with temptation and addiction. On the flip side, however, the card can be a warning to someone who is too restrained, someone who never allows themselves to get passionate or messy or wild - or ambitious. This, too, is a form of enslavement. As a person, the Devil can stand for a man of money or erotic power, aggressive, controlling, or just persuasive. This is not to say a bad man, but certainly a powerful man who is hard to resist. The important thing is to remember that any chain is freely worn. In most cases, you are enslaved only because you allow it.

What Tarot Card are You?
Take the Test to Find Out.

牛頭馬面？！魔鬼？！唔係啩？！

Yil~ 佢哋個個唔係仙女就神仙，一係就美女或隱士，幅圖鬼死咁靚。。。。

「the Devil can stand for a man of money or erotic power, aggressive, controlling, or just persuasive. This is not to say a bad man, but certainly a powerful man who is hard to resist. The important thing is to remember that any chain is freely worn. In most cases, you are enslaved only because you allow it.」

點算？

沒有星光伴心時~

今日，有一些事情，令我 period 又至。

喜不喜歡香水？有沒有試過，走在街上，一股突如其來的香水味令您整個人怔住，又或心波跌盪。然後昔日百般滋味餘韻盡湧心頭？

古典音樂、英粵金曲、或各種流行音樂等等，您會否總懂得幾首？

「行到水窮處，坐看雲起時。」這等佳句，您間中會把其中一兩句抄下嗎？

李白杜甫蘇軾的詩辭，有一兩首您一定曉背讀，對吧？

孤獨的時候，想起幾句首好詩辭，孤獨都變得可憐可戀。

心碎的時候，唱幾首歌，讓音樂伴著眼淚洗去心窩每片碎片，多痛快淋漓。

跌倒的時候，記起幾句勵志好話，不皺一皺眉，便可再重新上路。

無限思念盤旋，洒幾下屬於自己的香水，每隻香水都包含著每一個人獨一無二的意義、過去，洒下了，思念的虛幻，即時變成彷彿捉得到的實在。

開心順意之時，她們更能錦上添花。

每枝香水，每首好歌，每句好話，每首好詩辭都是滿載回憶的魔法水晶杯，都是注滿生命力量的天然治療藥，多記著幾枝幾首幾句，待每次她們一出現的時候，回憶就現、勁力就來。

生命自然有色彩。

每一個經歷，都係獨一無二；每一下感覺，都係一生一次。試試吧。起碼記下美妙音符，儘管只是少少的幾個，在悲傷及快樂的一刻，沒有星光伴您心之時，把它們細細哼著，也妙不可言。

男女攻防黐黐轉~

男人同女人，由相識，到走在一起，再到結婚，若彼此緣深情重，就長相廝守，伴至終老。而這個過程，男女雙方都有一攻守互調次序。

首先，男人最初主攻，要黐到實。到關係一穩，女人便反客為主，而且攻勢更為凌厲，管這樣管那樣。結婚後，形勢仍是沒改變，女人的連串主動以波浪式進逼，當然亦黐著男人黐得更緊。

但到了有了孩子，便調轉，男人便開始失寵，因為，已為人母的女人把愛的重心從男人轉移到子女身上。再等到子女長大一點，通常，母親與他們的關係總是比父親密切得多。那時，男人有被孤立的感覺。

到到男人五十幾歲開始，情況更糟。這時，男人怕孤獨，就會一整天對著老伴~ 女人，如開籠雀，蜜蜂黐蜂后般。到到這階段，而女人，一切已將男人盡握手中。

最後勝利，始終都係靈氣逼人的女人。

素質如此

台灣選舉，一場鬧劇，烏煙瘴氣~

觀其陳水扁還可上台助選之厚顏、台灣南部人仍對他之熱烈支持、選舉期間之相互指控、兩黨候選人之相不似人話等等，一切一切，不知所謂。

如此民主選舉，問題在於人民的素質，人民沒有素質，那樣的民主，只不過是變質的惡權、獨裁。

有人會說：「這比沒有民主好！」

看台灣，陳水扁的德行跟獨裁者有甚麼分別？！

可笑的是，香港沒民主，但我們可令上面換人；台灣，有民主，可以一人一票選出自己心中的理想人選，然而，卻竟不能透過上街示威令被他們選出來的人下台。

1990年，一場辯論比賽，我指出，要有真正民主，不是要推行經濟改革或政治改革，而是要有公民教育。

P.S. 高雄市民進黨贏了！台灣人真好笑！(5:07 pm)

生日密碼

唔駛時辰八字，唔駛計，知自己生日，一 click 就得。

幾準~

您的生日密碼

P.S. 如果 click 入去出怪字嘅話，去檢視，然後揀編碼入面嘅繁體中文 (Big 5)。

雲吞麵~

一碗雲吞麵，或者加多一碟菜心，家的感覺，直湧心頭。

有時更會連吃兩大碗，吃完後，喝著可樂或啤酒，口咬著牙纖，滿足的呼出一口氣，嘆到：「活在香港，真妙~」

。。。。已是以前的感受了。

人馬座~

阿波羅與戴奧尼索斯的結合。。。。

理性與野性

是貴族，也是爛仔

有誰明白我？！

I don't care~

那一剎，

塵埃落定、真心一意之時，

會就如我的箭，

與妳一起停不下來射向無盡的穹蒼~

Forever。

您哋好正！

想同你哋講呀~~~~

不論係喺呢度留言、喺 sms、用 e - card、透過電話、以寫信與及親身同我過生日去跟我講：「Happy Birthday！」嘅您哋，說：「多謝。」

Merci！ 您哋好正！

P.S. 愛美姐姐、風信子 & Carrie，今晚多謝晒！老套而真心一句：「平常的一餐，浪漫的一晚。」

自己，生日快樂。

誰散發美態與花香這樣濃。。。。

寫咩都冇問題冇難度，但偏偏寫自已寫唔到。。。。總之，來年及以後唔好再「吔」咁多蕉 (完全唔駛「吔」喺以後嘅人生嚟講冇可能嘛)！

Happy Birthday To Me

並祝順風順水

夢幻的笑容

Dying Inside (To Hold You)

腦震盪、興國邦！

喺柯蓮娜今日嗰篇香港地名度腦震盪完，有感而發，特此記下。

香港有唔少商廈住宅 (包括豪宅及扮豪宅) 都會用外國地名或已有建築物名稱去命名，如比華利山、加州花園、凱旋門、世貿中心、時代廣場。

崇洋媚外到暈！

但，唉~ 或者，有咁嘅銷售對象先會有咁嘅起名方針策略。

其實，將 oD豪宅及所謂豪宅叫「紫禁城」、「珠光寶氣閣」、「玄武門」、「醉翁亭樓」、「雲南花園」或乾脆用番香港地名如「銅鑼灣豪園」、「金鐘天樓」、「上環古鄉」、「薄扶林峰嶺」等等，咪仲好過而家嗰啲甚麼凱旋門、XX 豪庭 (大家唔覺嘛，好興 XX 配咩豪庭、豪園、華庭 ga！) 比華利山同加州花園啦！

班吸血大地產商有 $ cheap 友，有錢冇品味，慘~ 但我哋呢啲，冇 $ 有品味，仲慘。。。。

柯蓮娜佢話：「不如我地努力 oD，第日響外國做豪宅，然後全部用中國地方名！而家中國咁熱，一定有市。」

有得做到癲啦！

我哋 (仲有 Mad Dog) 約實咗廿年後瓜分美國地產 (大茶飯呀哩) ga 喇！並要喺紐約曼克頓起「君臨香江」、喺芝加哥起「西安古都」、休斯敦 (嗱，柯蓮娜，妳睇我幾接受意見~) 起「青藏天域」、三藩市起「蘭州雅園」、洛杉磯起「大上海影城」。。。。etc., 嘩哈哈哈哈哈哈~~~~~~~~

終極目標要喺美國首都 Washington D.C. 起「中華天下」。

佢仲勁，要攪國際版圖：Paris：Jinxiuzhonghua (錦繡中華)、Milan：Beijingzhichuang (北京之窗)、London: Chongqingsenlin (重慶森林)、Tokyo: Dongfangzhizhu (東方之珠)

另有 Bill 兄嘅建議：華景山莊：華景、山莊 (100%中國)、陽明山莊也不錯。夠晒台灣味。

呢個下晝好美好呀！

P.S. 歡迎加入吹水，共建廣闊中華！

最愛武俠小說~ 陸小鳳

陸小鳳呢套小說，由中學到而家睇過超過一百次，多到離譜。尤其是第一至第三集，更係愛不釋手。

其實古龍嘅小說同金庸嘅，無論喺各方面如資料搜集、歷史及文學價值、結構之嚴緊、描述之細膩均冇得比。但佢啲小說有一種味道、氣氛，係金庸小說所冇嘅。

另外，可能由於前者冇後者嘅精細，好似古龍嗰 oD，往往係咁嘅~「。。。。劍如虹，刀如風，電光火石間，兩人之戰已完。」有不少讀者就嫌佢嘅小說粗糙簡陋。

但亦因為咁，畀到您無限幻想發展空間。(所以話，鍾意嘅話，點都得，短處都可以變長處！)

一套七集嘅陸小鳳，第一至第三集最正，第三集嘅決戰前後講西門吹雪大戰葉孤城更係經典中嘅經典。至於第四至第六集只屬一般，第七集更慘不忍賭 (已唔係古龍寫)。

我哋而家有唔少哲理、句子其實都係出自古龍啲小說。好似「人在江湖，身不由己」、「無招勝有招」、「最危險嘅地方就係最安全嘅地方」、「還未開始，卻已完結」、「女人係最危險嘅」等等。

電視亦曾拍過陸小鳳，我最愛1977年由劉松仁同黃元申演嘅系列。

呢幾晚又再重睇呢套小說，每一次睇，唔知點解好似返番以前，好奇怪，好迷離。

誓要去　入刀山　
浩氣壯　過千關
豪情無限　男兒傲氣
地獄也獨來獨往返

存心一闖虎豹穴　今朝去幾時還
奈何難盡歡千日醉　此刻相對恨晚

願與你　盡一杯　
聚與散　記心間
毋忘情義　長存浩氣
日後再相知末晚 　

豪情無限　男兒傲氣
日後再相知末晚

試聽

電車吾愛

純粹個人喜好。

我喜歡地鐵的快速，卻不會對凍冰冰的她付出感情；小巴的亡命，就如一夜情，只適合偶爾來一下；恰似千金小姐的的士，不是每個人都抵得住；巴士本來不錯，但自從有了車上電視之後，便嫌她嘮叨煩擾；還有，私家車嘛。。。。有哪個男人不怕結婚？

剩下來，只有電車。

我對電車，情有獨鐘，直是對她偏心。

對她情有獨鐘，對她偏心，便宜，不是主要原因。巴士也便宜，但沒有電車的味道。小巴也算便宜，但沒有電車的情趣。電車除了便宜，最重要的是還有一份包含了愛情、感情及從古至今的細水長流，百年堆積情感。

平常白天，電車雖很擠逼，但可愛之處是您要到的目的地，由於每一個站跟每一個站之間距離得恰到好處，沒半點太近又沒半分太遠，幾乎能送您送到剛剛好的地方，體貼之情，要您說棒要您冧！

假日的白晝，只要兩元，就可盡享閒情一刻。平時的擁擠，在假日那刻，坐在電車上層，一派悠然逍遙，方再覺，人生如此。

夜晚、凌晨，也只需憑兩元，便可向浪漫與回憶進發。北角除了有一兩楝新式大廈之外，一切難得仍然依舊。經過炮臺山、天后，進入車水馬龍的銅鑼灣、灣仔；然後是燦爛優皮的金鐘；再鐵軌灣路一轉，步入舊中銀總行和立法會那剎，黃金時刻，金光燦爛。慢慢，行入「香燭處處」，「魚米之鄉」的上環，漸漸，突然驚覺舊有的一切已無聲消失！

西營盤、西環、屈地街、堅尼地城，她陪著您見証，沒有了。這沉甸甸的香味與聲音，如淒厲的鬼魂向您呼喚哀訴。

您知嘛，她原來真的有情。拖著一條黑漆漆，暗暗的黑辮，循「軌」蹈矩，「笨拙」得可愛迷人。間斷「叮！」「叮！」「叮！」的說話，更見她的佻皮。

從上世紀初的蒼涼到上世紀末的繁榮；到今世紀初至不知何世的金光璀燦，願妳繼續活在廿一世紀，到我再投胎的再生。

電車之輓曲

默默等在這寒冬的十二月燈光下

Do That To Me One More Time

藍色傘下等

前夕十一月~

Village People - Can't Stop the Music


十一月，是一個好特別的月份。

她沒有之前剛過去的月份那麼炎熱不舒服，存在於深秋，西山的楓葉已紅，滿地枯黃的樹葉遍佈，秋風觸人，一遍詩意。她也沒有十二月，一月的嚴寒，活於冬來前，彷似為您在嚴寒前叮囑您快要披多件寒衣般催寒問暖。

她亦像是為十二月的高潮迭起而設的一個寂靜前夕。歡樂的前夕，總是最浪漫，也最叫人留不住。然而，十一月卻是那麼低調，寧於靜悄悄的默然路過。

與情人分手，最好在十一月。因為可避過了之後溫馨醉人的斯人獨憔悴。但與意中人在一起，最美妙卻亦是在十一月。因為，躍起之前，蓄勢待發，如箭在弦，高潮之先，往往，是最美妙迷人。

在這個月彈秋的喁語，拉流浪者之歌，或看紅樓夢，別有一番滋味。

這幾天，寒風來探，氣溫驟降。除了在添多件衣服之餘，您有否怔了怔，然後想了一想，她/他，回來了？！

有沒有發覺，今個十一月好像比以前的回復了本色。

兒時追憶~ 罰抄

我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話~~~~~~~

關於罰抄的一些些補充與感受：

1. 記得小六時有個阿 Sir 好鍾意玩擴張句子嚟加重受罰者嘅痛苦。如呢篇~ 「我以後上課時不再談話。」佢會擴張到~ 「我梁巔巔保証以後上課時不再做出胡亂與同學談話、叫囂、倒亂等惡劣行為。」及「我以後一定會準時交功課。」擴張成「學生梁巔巔保証以後必定會準時遞交老師所給予的家課作業。」

XQYZ#$!%XXQQY#ZX!XXY#X

2. 罰抄一般最少以一百句為交易單位。上限。。。。小弟試過最多被罰抄二千五百句。。。。

3. 有啲 Missy 阿 Sir 有價講，一般可減刑五十至一百句。若上千，都可以減百零二百左右到。

4. 小二時第一次被罰抄。嗰位女 Missy 罰了我抄二百句 (印象深刻)。

5. 由於有罰抄嘅劣質惡刑出現，故此就有以「雙筆」甚至「三筆」進行罰抄嘅優秀絕技應付 (即係一手手執兩枝筆或甚至三枝筆去抄罰句)。但有啲 Missy 及阿 Sir 睇得出，會唔收貨，再重寫！好 X 變態！

6. 罰抄嗰 oD句字，無聊冇意思。好心佢哋若然真係要以罰抄去懲罰學生嘅話，就罰抄心經或聖經某一章或一篇文學範文。咁先有益有建設性先至係路。如要罰嘅話，問個學生有冇宗教信仰，有嘅話，問佢咩教。基督教、天主教嘅，罰抄聖經；佛教嘅，抄心經；道教嘅話，抄太上老君說常清靜妙經；回教嘅，抄可蘭經；冇宗教仰信仰嘅呢，抄文學範文或唐詩宋詞元曲等等。

7. 唔知而家啲中小學仲有冇罰抄呢個惡刑呢？

地鐵驚魂 (二)

一出閘~

大家留意吓咯喎，香港人一入閘 (地鐵車廂)，首「賽馬日」嘅音樂就會播起。啲人正在全力向前匯聚嘅眼神，臉部不自覺嘅抽蓄，加大無畏嘅步伐，男女一樣，包括俊男美女，就好似一群饑餓嘅蝗蟲咁向車廂有空位嘅座位瘋撲，連就只有少少剩餘的空隙都不放過噃。

一個個龐大嘅 pat pat 肆無忌憚有理無理一嘢坐落去，最後以一個滿足，淡定，放鬆晒嘅表情謝幕。

小弟我不久前就畀呢班清兵 (為有位坐而心口有個勇字セ都唔 Q 理) 攪到出唔到車，過咗站！D ~ K ~ L ~ M！_ 那星！

誠意推介右下圖呢個 invention 畀呢啲靚仔靚女阿叔阿閃屍九阿伯。呢個架仔發明嘅櫈真係好啱喺香港用。不是嗎！？ 一開波，以呢張小櫈放喺胸前開路，見到目標，描準獵物後，「唔好意思呀！」or「咩呀！」，甚至咩都慳番，一嘢「o篷」落去，包保原本坐喺度嗰個彈開。就算冇，呢張嘢起碼可以把空位撬開大oD！

諗諗吓，呢樣發明唔單只適用於地鐵，喺好多地方都大派用場例如火車、輕鐵、電車、排隊等位，排隊買飛， 排隊輪籌 (飲茶 & 炒樓)，etc., 好過oD國內同胞咁，成日施展國技~「mou」呢！

賽馬

海天一色伸延無限~~~~~

八十年代，美妙音樂陪伴左右~

海天一色伸延無限
化作海鷗飛渡遠方
衝出天邊胸懷大志闖一闖

兒時夢印腦海裏
此瑣碎片段現已一賞願
種種依稀今天清晰記起

這空中的溫馨
陪伴你到美國每一處~

生爺，生日快樂~

在我眾多的朋友當中，最沒機心、最福星高照、最爆笑、最可愛、亦是最靚仔之一的，是他了。我的師兄~ 冬生，生爺。

他雖個子較為矮小，但五官極為標緻，且英氣十足。曾有一次，與他在台北的夜店浮游，其中有間餐廳的老闆說他很有皇帝的相貌。我在旁邊。。。。那我不是等於太。。。。？！頂~

他賭盡台北大小水果盤場 (台灣的一種類似老虎機玩意兒)，亦係 Show Hand 高手，他一見到我，就會跟我說：「Victor，Show Hand 喔~~~~~」典型人馬座代表。

試過去 walk 的時候，有一間 Bar 的美麗職員寫了一封情信給他，在旁的我，「恨」得牙癢癢。到現在，有時他仍得戚的跟我說這件威水史。雖然，那位漂亮小姐好像比他高了一點點。。。。

他試過騎烈火戰車的時候，在一次意外中，撞至整個人飛彈出幾丈遠再倒掛在樹上 (真的，沒誇張。)，竟還清醒！！！！被救的時候，第一件事是問：「我塊面有沒有花？！」。。。。所以，他現在身上有多處疤痕，有時候，他會自豪的展示出來，彷彿在說：「像不像劈友劈回來？」

。。。。

他有很多古董錶，當中以勞力士最多。他非常喜歡將它們拆拆裝裝，裝裝拆拆，樂此不疲。很古怪！

回港後，我有幸是他唯一還不時有聯絡的朋友，生爺，你知嗎，每一次接到你的電話，每一次見到你，我都感到好開心。因為，你的語調、樣子真係好可愛！

生爺，11月26號，生日快樂！

並祝心想事成

勞力士越整越多

Happy Birthday

真 (淚) 的訪問

台灣女人一直所向披靡。自從在那裡生活過後，更親身感受到她們的精彩。

她們有著西方女人的豪放率性，同時揉合著東方女性的含蓄嬌媚。她們愛得徹底，完全奉獻。然另方面，卻八面玲瓏，心清腦明。

但再厲害，也逃不過情的一關。

看了張美瑤的訪問，更感到她們對愛的傻勁執著，情的傷人之深。

在台灣時曾在電影資料室看過她與他的一些故事。那時，柯俊雄還是來自台灣南部的小混混，咬著檳榔，帶著一絲邪氣的煞食俊臉，把當時得令的張美瑤徹底俘虜。在一起拍過幾部電影後，她們結婚了。婚後，她退出水銀燈下，為他相夫教子，可是，生性風流的他怎會就安於此？

聽聞，三十多年來，他在外胡天胡帝，生活亂七八糟，亦未曾盡力為她們的家付過責任，到不久前，她終忍不住，離婚了。最動人的是，在他選立委的時候 (那時好像已離了婚)，她還站出來為他拉票。到他選上了，她便悄悄歸返環境不太理想的台北住處。而他，卻依舊一如往昔，在外風流快活 (據聞，前幾年她因經濟問題而與他鬧上法庭。)。

但於整個訪問中，看不出她對她的一點怨恨。有的，是絲絲迥腸思念。主持問她：「若小柯回來找妳，妳還會接受嗎？」她眼珠彷似凝望無盡浩瀚，語帶無奈的只回了句：「。。。。是他根本不會。。。。」

他這樣子對她，超過一萬多天了，到如今，她還可這樣情重，嘆一句傻之餘，還嘆愛的毒人之深。解不了，也將永鬱著餘生的心，直至長眠。

節目結尾，主持亦作幾句勉勵之言，一路卻哭了。我看得出，老江湖的她，那咽哽，是發乎心底為她好友~ 張美瑤的不值，以及對她呵護之心。

照妖翻版

一向對肥谷冇好感。

尋日睇免費報，條友講嘅嘢真係冇水準到哩~

佢話：「想瞭解體驗吓時下啲人買翻版碟嘅心態，所以就去試吓買。」

嘩哈哈哈哈哈~ 唔係 fa？！

真係想問，佢做 o緊學術研究？！又，佢如果佢下次開部戲係講同性戀，咁佢咪要去試吓做基佬，瞭解體驗一下？！錯就錯，錯要認。錯成咁，錯晒，就唔好再掙扎再 ad 啦！咁都嗡得出？！教 Q 壞晒啲細路。肉酸~ 難得佢一路仲以食腦見稱。

認錯，或者唔出聲，有時比「嬾」醒「嬾」幽默嚟遮醜，喺度吱吱呱呱狡辯嚟得「漂亮」。

亦可睇到，唔少平時大義凜然嘅藝人假 X 到~

國基，生日快樂！

「你叫咩名呀？」
「Victor 呀。」
「嗨，Victor 哥。」
「Ai~ 唔好咁講！」

「你呢？」
「阿基呀。」
「嗨，基哥。」
「Ai~ 唔好咁講！」

不知何解，以上這段十一多年前我與阿基初相識時的對話，會是如斯深刻。大概，是因為大家那時的表情都很戲劇化吧。

我與他有著蠻多相似的地方，如彼此都屬快速之人，包括思想、講說話、行動。而且，大家的思想亦很合拍，也許，這是人馬座都擁有的特質。但，我倆連聲線及語調也相近，這就比較恰巧有趣。

他是無敵霹靂嘴，說話更絕核有 point。無論是小學雞式謾罵、古惑仔式開火仰或正經地辯 (討) 論，他的口才都屬上乘之選。我常說，喜歡講說話，並不等於口才好。口才好包括思想跟說話相配合、思維敏捷、有急才、懂得說話的分寸與及懂得甚麼場合說甚麼話等。基，就是一個口才很好的人。

他比我少四歲，但卻比我成熟。例如，他不是沒有脾氣，而且發起來，比誰都兇。但他能控制，很能忍，而且，很懂得適當處理。一個人是否了不起，往往從能否控制自己情緒上可看出。又例如，他唸他沒有興趣的圖書館資訊管理，加上這科惡哽難唸，沒得發揮「吹水」本錢，但他仍能順利畢業，而且，還以不錯的成績攪掂。

他的堅忍毅力，克苦耐勞，亦叫我佩服。做生意的他，經歷了多次風浪，如今仍能圪立不倒。一個男人，一人支撑著頭家，順境時，當然沒問題。要知他是否真漢子，就係在逆境的時候，能否熬過去。他做得到。

從相識到現在，我與他都維繫於君子之交，卻至少比水濃一點的感情上，這一點適當的距離，不遠不近，恰到好處，所以，這十一多年來，我和基連一次少少摩擦都沒有。

一段很舒服的友誼。

基，11月24號，生日快樂！

並祝心想事成

一對子女快高長大

Happy Birthday