陸小鳳呢套小說，由中學到而家睇過超過一百次，多到離譜。尤其是第一至第三集，更係愛不釋手。
其實古龍嘅小說同金庸嘅，無論喺各方面如資料搜集、歷史及文學價值、結構之嚴緊、描述之細膩均冇得比。但佢啲小說有一種味道、氣氛，係金庸小說所冇嘅。
另外，可能由於前者冇後者嘅精細，好似古龍嗰 oD，往往係咁嘅~「。。。。劍如虹，刀如風，電光火石間，兩人之戰已完。」有不少讀者就嫌佢嘅小說粗糙簡陋。
但亦因為咁，畀到您無限幻想發展空間。(所以話，鍾意嘅話，點都得，短處都可以變長處！)
一套七集嘅陸小鳳，第一至第三集最正，第三集嘅決戰前後講西門吹雪大戰葉孤城更係經典中嘅經典。至於第四至第六集只屬一般，第七集更慘不忍賭 (已唔係古龍寫)。
我哋而家有唔少哲理、句子其實都係出自古龍啲小說。好似「人在江湖，身不由己」、「無招勝有招」、「最危險嘅地方就係最安全嘅地方」、「還未開始，卻已完結」、「女人係最危險嘅」等等。
電視亦曾拍過陸小鳳，我最愛1977年由劉松仁同黃元申演嘅系列。
呢幾晚又再重睇呢套小說，每一次睇，唔知點解好似返番以前，好奇怪，好迷離。
誓要去 入刀山
浩氣壯 過千關
豪情無限 男兒傲氣
地獄也獨來獨往返
存心一闖虎豹穴 今朝去幾時還
奈何難盡歡千日醉 此刻相對恨晚
願與你 盡一杯
聚與散 記心間
毋忘情義 長存浩氣
日後再相知末晚
豪情無限 男兒傲氣
日後再相知末晚
試聽
上星期收到巔巔兄的一則回應時﹐當時有個感覺他是
ReplyDelete“古龍迷”。。。。果然﹐果然。
你身邊最親密的人就是你最大的敵人﹐
你最大的敵人就是你身邊最親密的人。
夫妻如是﹐父母如是﹐siblings 如是﹐師徒如是﹐
朋友如是﹐這個concept 屢屢出現在古龍小說上面。
看多了﹐那個驚恐﹐那個驚奇﹐那個驚喜﹐ 消失了﹐
就沒有再讀古龍的小說。
忘記了，這首歌的歌詞是否黃霑填的?從風格看來就似是他的作品，那種豪邁之中充滿情義，只此一家。但我覺得最正的還是"萬水千山縱橫"和"忘盡心中情"，盡顯他的文學才華之外，更能清楚看出他是何等多情。這樣才能寫出這些詞。
ReplyDelete幽靈山莊還可以，之後的簡直慘不忍睹。
ReplyDeleteMy father got a set of 陸小鳳when i was young, the cover is different as yours, i did read it all, however, until now, the story is forgotten, in my mind, only left 萬子二撇雞.
ReplyDeleteThe Inner Space 兄:
ReplyDelete"上星期收到巔巔兄的一則回應時﹐當時有個感覺他是
“古龍迷”。。。。果然﹐果然。"
.... 驚驚! 咁了解鵝.....
"看多了﹐那個驚恐﹐那個驚奇﹐那個驚喜﹐ 消失了﹐
就沒有再讀古龍的小說。"
呢句好有嚼頭.... 等於有啲人看透了某本書, 如厚黑學, 便不會回頭再看.
小豬:
對, 是黃霑的作品.
"從風格看來就似是他的作品，那種豪邁之中充滿情義，只此一家。但我覺得最正的還是"萬水千山縱橫"和"忘盡心中情"，盡顯他的文學才華之外，更能清楚看出他是何等多情。這樣才能寫出這些詞"
全部同意~ 他是我中學時很喜歡的人.
通寶兄:
對, 第七集嘅鳳舞九天, 名字勁就勁嘞, 但.... 而之後又有劍神一笑, 就更不知所謂! 擺明有 oD友仔藉名掠水!
Vicky:
"My father got a set of 陸小鳳when i was young, the cover is different as yours,"
因為古龍小說 oD版權冇劃一, 所以啲出版商刮得就刮, 出完又出, 攪到亂晒大籠!
"i did read it all, however, until now, the story is forgotten,"
唔緊要! 有機會等我搵日 "口述歷史" 畀妳聽~
陸小鳳我都覺得唔錯,看古龍小說就有點像看偵探小說一樣,跟著主角去查案.而主角的出生來歷,最後何去何從卻不會交代,給你幻想空間,有點謎一樣的味道．
ReplyDelete全對!
ReplyDelete