南丫島慘過 Di Di 之唔幫我袋。。。。

打麻雀有云：「三娘教子」，小 Di Di 我唔識打麻雀，所以從未領教過。但係，星期日，我終於嚐到神奇三女俠嘅「三女教子」(嚴格嚟講係兩個至啱。因為另外嗰個係古怪小孩 + 白皮阿嬸嚟)！

好悲~

話說經過蒲台島一戰後，信心大增！加上今趟南丫島並不會太難行，所以，小弟我嗰日就好瀟灑咁唔帶袋唔用背囊，兩手 fing fing 咁去。去到集合地點，嘿，我最準時 (不愧係時間皇子)，佢哋三個~ 包括兩位姐姐同我最憎嘅風信子全部遲到。見到影都冇隻，於是我就好悠閒咁聽住 mp3，食番口 _ 啦。冇幾耐，Ruth 姐姐首先出現，o蝦~~~ 仲慢慢行喎！不過，睇到佢優雅嘅儀態 (果然係「el尼近」之神 ar 吓！正！)，兼佢仲有份禮物~ 香香茶包送畀鵝，遲到~ 冇問題！但跟住，有問題！鵝好開心咁接過禮物，然後，好傷心咁拎住份禮物。。。。親愛嘅 Ruth 姐姐竟然笑笑口咁同鵝講：「自己拎。」。。。。(哎唷，點解唔同平時嘅姐姐 ga？！) 冇耐，古怪小孩 + 白皮阿嬸混合體風信子詭詭秘秘咁出現，仲同 Ruth 姐姐佢夾最遲先到，如神風般 (好鬼趕咁) 趕嚟嘅姐姐愛美，唔好幫我袋喎！！頂！整蠱我！天啊！呢鋪杰呀！攪到我之後嘅全程 (四個幾五個鐘呀大佬！) 要拎住佢，又仲有水要拎，頸又掛住部電話，褲袋又袋住鬼死咁多嘢，後嚟又戴多頂牛仔藤帽，總之就好 Q 有多嘢左拎右拿，左袋右袋，唔知典解竟然都 handle 到！勁！

佢哋三位呢，仲好過癮喎~ 唔夠，影相時仲玩整蠱！最心碎係畀鵝見到 Ruth 姐姐佢竟然有份！佢當時嗰樣開心到吖？！仲有呀，話說鵝揸到份禮物極為樣衰 (大佬，行山好「金」 ga 嘛~)，嘿，姐姐愛美竟然好不屑咁望住我份嘢笑喎！跟住仲專登拎自己嗰份出嚟得戚咁話：「o蝦~~~ 點解我嗰份咁靚嘅？！」！！！！呀~~~~ 呀~~~~ 呀~ 呀~ 呀~ 呀~~~~ 呀~~~~~呀~ 獨在痛苦中活下去~~~~

臨走，古怪小孩 + 白皮阿嬸混合體的風信子仲要作最後一擊，同我爭位坐！o胡~~~~~~~~

途中，同 oD拎住嘅嘢搏鬥之餘，不忘拍下佢哋嘅罪行~ 害我之鐵証 (見圖~ 睇吓畀我揸到幾「巢」！)！

心傷透~~~~~~~ 不過，heee heeee，見嗰日係姐姐愛美嘅生日，算啦！當送自己畀佢做禮物！呵呵呵呵~

P.S. 南丫島之行確實唔錯。唔難行，好舒服 (雖然我而家條腰硬咗。。。。)。而且，啲餐廳嘅水準好好，最正係 oD乳鴿！乳鴿大餐好食到入肺入心~~~~ Yum Yum~~~~