特別午飯~

今日，中！中乜？！

今日同 Ruth 姐姐食「雁」，佢本來訂咗位喺 IFC 二期間 Isola 度食，點知，今朝早睇到佢嘅 sms 要改地方，原來，Isola 尋晚火燭！

咁啱嘅！咁都中！火燒地旺，呢間嘢有運行啦！我，又可以試吓買六合彩，睇吓又會唔會中？！

於是，我哋改喺怡和大廈地庫間 Miso 度食日本菜。我對日本菜冇話特別喜歡或者唔鍾意，反正我呢啲人體黑洞，咩都食。而且，嗰度食物嘅水準亦甚高，好味！更重要係，同啱嘅人一齊食，仲要係咁「el尼近」嘅人，簡直味覺同視覺嘅享受。

席間除了親切嘅慰問，當然少不了暢談一番。回想起當日喺留言中嘅素未謀面交流，今日呢一刻嘅感覺好得意。

我好怕熱，又好易流汗。嗰度啲冷氣唔夠，唔得勁，對我嚟講本來係美中不足之處，但，見到 Ruth 姐姐輕輕將佢件薄薄的外衣除下，一雙曬得恰到好處的肩旁、手臂，配合整套黑色夏季衣裳，長裙，yo！我熱得舒服熱得抵，汗流得暢快呀！真係~

另外，咁啱，剛去到又收到愛美姐姐嘅短訊問候，好 warm 呀~~~ 呀~~~~ 呀~~~~ 呀~~~呀~~~ 呀~~~ 呀~~~ 呀！

兩位姐姐真好，姐姐s I Love You~ 我要！Heee~