上幾個星期其中一晚聽港台嘅講東講西，那晚有黃毓民做嘉賓。
雖然有時認為黃嘅表現過了火位，而且有時候，亦不敢苟同佢嘅觀點，不過，佢好厲害嘅個人魅力，足以蓋過美中不足之處。有佢喺度主持，講嘅話題悶都變唔悶。
就正如有阿叔講嘅波一樣，即使係香港 vs 澳門都變得好好睇。又好像有驃叔喺度講嘅賽馬節目一樣，就算唔賭馬 (唔識賭馬) 嘅人都會覺得好好聽，仲有好多嘢，例如人生哲理學到！
今日呢篇主要想講嘅，除咗以上，就係要講吓呢個節目嘅其中一個主持~ 岑逸飛。
自號山中老人嘅岑逸飛，平心而論，佢喺文、史、哲嘅造詣的確幾高，而且偶爾都有獨到見解。但係，佢嘅道行，應該講，係佢嘅一啲做人作風，我就不敢恭維，甚至不屑。
好似喺嗰晚節目入面，黃毓民講起某專欄作家，山中老人就急不及待插咀話：「有一次，佢上完嚟我哋嘅節目，離開嘅時候同我講話好開心，因為我開導咗佢！」然後輔以一陣作為自己完美 show off 嘅嘻嘻笑聲結束。
毛管棟！
有一次，佢同某專欄作家筆戰關於前日本天皇應否為侵華及二次大戰負上責任，最後佢喺自己嘅專欄話李天命都評佢為勝方！真係。。。。李天命同梁燕城單挑嘅時候，見唔見李天命要 wea 人話自己贏？！呢 oD先叫 POWER 吖嘛~
佢嘅節目同專欄，週不時會煞有介事 (嗰種嬾係隱名埋姓但又呼之欲出方式) 咁話自己最近同某全港都識嘅猛人食飯，又話識呢個識嗰個云 。喂，高人，你識 oD咩人，關其他人咩喎？！
不攀龍附鳳。連最基本，文人風骨都冇，仲要成日將自己識啲甚麼權貴勁人掛喺咀邊，咁就算話之你有幾滿腹經綸幾學富五車，都只不過係一金玉其外，俗氣薰天嘅假道學。
山中老人？！
Haven't heard his program. However, from your description, he's quite desperate. Still far from the stage of "not wanting anything".
ReplyDeleteWell, maybe he's just normal and needs to make a living.
就等如有D人鍾意掛D牌子上身
ReplyDelete有D人鍾意晒D名人合照
We are on the same topic again. Just I talk about showing off money and you talk about showing off quanxi.
ReplyDelete梁兄你好,
ReplyDelete香港真的很少德國躉嗎?
我由三劍俠的時代已愛上了
愛上他們的機動性,
打不死的精神,
落後也能趕上,
所以,我還是個利迷呢,呵呵.
岑老人嗎？少留意.....我會比較喜歡馬鼎盛。
ReplyDelete毓民嗎？那份charisma不是人人都有。
明報中岑老人與華叔及洪清田合寫三言堂。
偶然拜讀，岑老人的文章都不俗的(可能睇正佢無賴叻的)，華叔的平實，洪清田就最怪。可能我能力有限，打從標題就唔係太明佢寫甚麼，文中會無端端加(add)些英文(English)，真的(truely)很古怪(very strange)。
曾經喺講東講西忠實聽眾，當時係劉文賜拍文潔華陶傑等．後來頂唔順阿才子啲霸氣（最喜搶咪及一錘定音）同埋酸氣．
ReplyDelete讀岑嘅專欄有同感，祇見播弄知識而沒真性情．
近來多在讀者文摘看見他的大作，懶"文史哲通"的那種，然而也看得出他刻意"忽略"掉一些"既然講這個題目就應該提及"的東西，從文知人，可以不理。
ReplyDelete巔巔所言甚是哩! :o
ReplyDelete也由得他(岑老人)吧,唉...他自己所作的,他不知道..
岑老身體殘障(腳跛),因年少得小兒麻痺,未及醫治,經歷過受人白眼的日子.
現在能自力更生之餘,算有小成,故大家也試試一起包容岑老這種喜歡" 開導咗佢" 的性情吧.也許他唯有如此思考,原先不完整的自我價值,才得以比較完全,比較站得住腳吧....
自卑與自大有時袛是一線間,
ReplyDelete你說他自大?
或許是其自卑感又作祟呢?
誰知道? 天知道!