Lawrence，Happy Birthday~

「喂，借枝筆嚟。唔該。」我問他。
「咦，又係名牌嚟？」用完後我說。
「卡地亞。」他故是裝著淡然的表情回應。
「得一樣係？」
「成身都係！」他得意洋洋地答道。

「話樣嘢你知，我整咗個座位『顯示』圖。」他煞有介事詭祕笑著話。
我一睇：「嘩，你幾時做番小學雞吖？」
「嗱，由呢個位開始數。呢個，X~ 人、呢個，X~ 人、呢個，你嚟啦，。。。。自己人、呢個，好~ 人、呢個，X~ 人。」這時，我已被他的「行動」及鏗鏘抑揚的聲調運用笑得不亦樂乎。而他繼續上身：「對面嘞。呢個，唔知咩人、呢個，X~ 人、呢個，好~ 人、呢個，X~ 人！」
說完，他嘰嘰嘰嘰地望著我。。。。

他是一個有趣的人。

我與這位樣貌甚至在感覺上都有8成似拍電影的演員方平 (喺杜琪峰啲戲入面專做有錢佬黑社會壞蛋嗰個) 的好朋友，晃眼已相識了兩年。

第一次與他見面時，我以為他是律師 (蠱惑嗰隻)，跟住覺得係黑社會啲軍師 (甚至以為佢係新 Beyond 的家族成員。。。。佢都係姓向)，最攪笑是他拿的那個篋，他強調可以擋子彈。。。。

他滿身名牌，但，坦白講，除了覺得他油頭玉面，sharp 之外，並沒有淪為名牌奴隸之感。他雖然輕挑，但當他認真起來的時候，你會知道甚麼叫做嘢。而且，他甚有毅力，以他這個年紀，仍願意辛苦地半工讀。難得！

缺點，人總是有的。做朋友，包容就是。到有一天若真的受不了，那少點見面或向著他大發脾氣一次便算了。優點，放大欣賞；缺點，縮少包容。That's what friends are for 嘛~

之前的幾年，他並不如意。但最近，他已找到了屬於自己的舞台，作為他的好友，很是替他高興。

阿向，祝你今天生日快樂！

祝一帆風順

Happy Birthday