我本 Handsome。。。。

五年前，剛剛回港，嗰時，好 fit 嘅~ 嗰陣 fit 到吖真係，124磅咋！而且，肌肉仲紮紮實實嘅。

面部輪廓因為冇セ賤肉，所以本身靚仔嘅我呢，更顯得 smart smart 同 sharp sharp！呵呵呵~ 好鍾意。正正！

仲有，由於全身亳無多餘肥膏，行路嗰時好輕，彷彿練咗步驚雲嘅雲蹤魅影、好似天龍八部嘅凌波微步又或者好似少林祖師達摩嘅一葦渡江咁，嘩！嘩嘩嘩！型！諗起都瀟洒舒服回味兼盞鬼。

。。。。維持咗兩年左右，喺好食好住，大量美味佳肴豐富湯水供應之下。。。。26磅油膩膩的肉肉無聲無色且極有效率地同我融為一體。禍 X！

又唔知係好定唔好，就係 X，「佢哋」剩係走去塊面同個肚度，四肢同其他部位又完全唔見有噃。。。。肥都肥得衰過人嘅。

攪到我成日無意識咁強調自己37.5吋胸肌。

本來，今年農歷新年後準備軍訓式訓練減 ga 嘞，但，頂~ 忍唔到口呀真係！而家，我再同自己發誓，一定要操番 fit。

唔可以咁折墮暴殄天物。靚仔唔嘥得。