困獸鬥

大快活最近喺我住嘅屋苑附近開張，我真係唔知小小一個屋苑，怎樣容納到超過十幾間食肆。

麥當奴、Pizza Hut、吉野家、哈迪斯相繼出現，現在又再整多間大快活，呢 oD大集團計過晒數，佢哋有大把彈藥，捱得住，蝕得起。若最後唔掂咩，咪「執」咗佢囉，冇所謂，拉勻條數，其他分店番番嚟。但若企得住呢，咪又多一笪地方賺錢囉~ 道理就正如玩 ShowHand 一樣。另外，爭取市面佔有率亦係主要目的之一。

但其他啲小食肆小租客就慘咯！原本已攤薄晒嘅生意，更雪上加霜。冇生意之餘仲要捱貴租，oD大業主無良地又話經濟已好轉，蘊釀約滿後加租金。。。。X！離晒大譜！冇錯，做生意不是開善堂，但也要有點譜吧？！再者，你整死晒佢哋，又有邊個會租你嘅地方？斷估唔會全部都係大型飲食集團去填滿呢個小商場啩！？

另方面，伸延落去，可得知美食天堂其實係有商榷嘅，因為，啲本錢利潤都用了七成去交付昂貴嘅租金，那唯有怎樣才得以繼續經營生存下去呢？

相信大家心中有數吧。