Thursday, February 02, 2006

「古懂文獻」


昨日,爹神化地給我看了一樣「文獻」,yo!!Yeah 呀~~~~ 堅呀~~~~ 係四十年前,當時很出名的堪輿大師麥炳輝在看了他後而寫下的批命。

「見到你有時睇命盤,信嚟做セ吖~」
「比啲嘢你睇啦!你話準唔準嘞!」
爹以一貫頗寸的語氣發功。

老子呀,成張形式奇古懷舊嘅特長古代紙張上面所寫的優雅古風草書式毛筆字 (這師父都真係好掂,寫呢啲字體,睇唔明嘅!事後若有不準,想再睇番捉錯處都難呀!)。。。。我睇得明頂多六成咋!於是,我唯有把睇得明嘅部份內容回應他啦。

「唔係吖!。。。。話你工作上成就不錯;話你晚年好;妻乃賢內助;子女『聰明伶俐』。。。。幾準吖。」Heee heee~
「啲江湖術士梗係咁講!」爹不屑咁回應。

「我知~ 我初中睇紫微前已先讀英耀賦,oD神棍點郁我好清楚。」 我反抗。
「咁你又睇?!靠自己吖嘛!命運掌握於己手!填上怎樣的色彩由自己選擇填上吖嘛!」佢又話。

跟住我冇再出聲。我夠膽講,我比好多好多人更加積極更加樂觀更加明白要靠自己。因為,我除了懂一點星相命理外,更重要是我經驗經歷了命運的玩笑,所以,我了解何謂真正的憑實力、靠自己;更知道何謂命運;更懂得如何真正做到我自求我道。

七十歲的時候,我會否因已走到隨心所欲之年,而推翻天命論呢?

2 comments:

Hyacinthus said...

係四十年前架? 準唔準唔緊要啦...

成張形式奇古懷舊嘅特長古代紙張上面所寫的優雅古風草書式毛筆字?已經好有型啦,好有味呀...書卷個隻哦...

梁巔巔 said...

風信子,

真係好書卷. 直情武林秘笈一樣.

鳥飛,

"相士高人所說的是其中一至兩個版本. 我們其實還有好幾個版本是我們自己掌握住的."

接近妳這看法.