再續前緣

小時候幾乎甚麼都養過。魚啦、雀仔呀、白兔、葵鼠、雞仔、白老鼠、蠶蟲、螳螂、金絲貓，甚至螞蟻都養過。唯獨係貓和狗從沒此緣。

其實，都係好事嚟嘅~ 因為都不知為甚麼，除了後來在美國養鷹隼 (至少我離開時牠還翱翔萬里) 及台灣養雞那兩次之外 (那次最成功！亦是唯一一次在我的飼養下牠們能開枝散葉、傳宗接代。結果弄至我住的那個地方整個後山都係雞！)，其他養甚麼都死的。。。。有些仲係慘死。

魚，翻肚；白兔，人哋帶隻兔仔去公園食草好地地，我帶完之後隻兔仔就會爛口死咗；葵鼠，無端端甩毛死；雞仔，有日無 la la 癱渙，之後就走了；蠶蟲，有次因打風天氣惡劣買不到桑葉餓死。雀仔呢，還好，自己飛走。可能感應到我這個主人 oD氣，feel 到唔走遲早都。。。。白老鼠呢，連老鼠咁強生力都頂唔住，唉。

不過，若日後情況容許，我還是要養我還未出世前，爸媽曾養過的銀狐犬 (Japanese Spitzes)。現在睇番那時「菲菲」和「艾加」的相片，真係非常可愛。將來得自己若真的再養，仍會叫牠們做菲菲、艾加。