精武英雄

呢兩日病，令我諗起健康；諗起健康呢，令我諗起強壯；諗呢強壯，就令我諗起功夫喎。

細細個嘅時候幾打得吓嘅。記得小學二、三年級時成日同啲同學仔話：「不如我哋切磋吓咯！」跟住就模倣電視、連環圖人物裏面用嘅招式對打。唔好講笑，通常都係贏嘅多！Hooooo~~~~

又試過發動同啲同學仔組成龍虎門，伸張正義 (仲記得當時同個同學仔開頭爭做王小虎，跟住爭做石黑龍)！因為嗰時嗰 oD小五小六年級嘅風紀好奸，於是我哋就組織起嚟對抗。試過有一次仲大規摸圍剿佢哋，我仲將屋企媽咪用嗰枝蕂條斷成兩截，用橡筋連一起當係李小龍石黑龍技雙節棍嚟駛。夠 pop 又夠創意！勁！

後嚟上到中學，柔道呀、「fing」春呀、劍擊甚至舞雙節棍都學過，但冇幾耐，自己突然覺得打冇用，成日打交比人打又打人，好反感。之後自己嘅重心就只向「文」方面發展。日後再詳錄這方面的輝煌戰績。

說回打交，後嚟去到美國及台灣讀書分別跟一名退役老兵和中校教官學嘢時，先明白到根本不用打，因為誠心正義，以禮代人方是王道正本。而且，打？在擂台上嗎？！要不，若情非得已，真正要做到保護自己，就係先踢佢最敏感嘅部位再一拳補在對方的下顎，保證，佢即刻瞓低。各女仕可作參考以作防狼之用。不過，對於風信子大法師就多此一舉，因為佢一唸咒，就將侵犯佢嘅人 K.O.！就 okay 呀！Hoooooo~~~~