英文

周圍高手如雲，好似我女友 Carrie，Ruth 及風信子法師等都係一流高手。而自己嘅英文又係緊緊啱啱剛剛勉強OK夠用，故不賣弄了。但仍想寫出一些關於 English 有趣的事情。

I.

N 年前有一個某間補習社嘅電視廣告，一群學生哥喺度燒嘢食郊遊，幾個樣子平凡表情迷惘嘅學生你一言佢一句咁討論英文唔掂咁點？英文好難！講講吓就梗係自然講到邊間補習社正啦！廣告嘛。跟住，一個樣貌醒目表情堅定嘅 "英雄" 出現嘞，佢同班羔羊同學講："去 XXX 補習社啦。佢哋嗰度 oD乜又好、o物又正，啲老師仲好 (嗱，嚟料啦) profession ！"

-________-"""" 大佬，你呢個係廣告嚟！仲係補習社廣告嚟！個賣點更仲係喺佢哋補習社補英文會好掂嘅廣告嚟 ga！喎X！

呢件事亦反映咗廣告界嘅良莠不齊。

II.

爸爸尋日又發作，問我 "out of question" 跟 "out of the question" 兩者有冇分別。

"冇吖" 我一話 "冇吖" 嘅同時間爸爸佢就話 "吓"！

"冇噃"。。。。
"冇啩"。。。。
我話。

"Check 吓字典啦！"

-_- 於是我 check 啦。一查到，原來分別大呀！！！！！！！"Out of question" 解 "毫無疑問"；而 "Out of the question" 就解 "不可能的"。爸爸話："今日聽到個幫人補習英文嘅廣告講，入面個阿 sir 話喺佢哋嗰度補習英文，第日考試肥佬呢樣嘢係 out of question o架！"

-__________-。。。。

我聽到後笑到吖！

。。。。um。。。。都有一排冇對他笑得那麼燦爛了。