法文(二)

法國人很欣賞 (已到自戀狂嘅地步！) 自己嘅語言。他們大都很天真可愛，認為但凡不會說法文的人都係蠢才或有智障。不過，法國人的所謂 "會說法文"，其尺度其實是非常非常寬鬆、寬容的。只要你開始時頭幾句係或者間中彈一兩句法文，他們便會好似阿里巴巴入到滿是金銀珠寶的山洞，歡天喜地拍晒膊頭當你係 friend 兼自己人。

當你去到法國如果一開口便對法國人說英語，他們10個十個都會表示不明白你在說甚麼；甚至乎對你不理睬。

有一個光速令你能夠與法國人交談甚至論盡天南地北的捷徑~ "巔巔法文速成法"！

Yes 嘅法文係 "Oui" (讀：Vee)；No 法文係 "Non" (讀：lone~ 陰上聲)；Thank you 係 "Merci" (讀：mak si)，如果加 Much 呢，就加個 "Beaucoup" (讀：boo 咕)；Excuse Me 就係 "Excusez - Moi" (讀：excusy 娃)。

Warm up 完，嚟咯喎~

去到法國，oD法國人問你："pa 尿嗚飯 say？" 即係問你識唔識法文。如果你識，就答佢 "vee"，咁大家就用法文交談。

如果你唔識咯喎，就答佢 "lone"。然後，唔駛赦 o架，你仲要同佢傾，問佢嘢 o架嘛，咁就問番佢："pa 尿嗚 shin 娃？" 呢句即係我唔識法文，但你又曉唔曉中文乎？"shin 娃" 等於中文咁解。

如果佢識，咁大家又可以搞掂。如果佢答 "lone"，你就再問佢："pa 尿嗚戇 clair" 即係咁你識唔識英文呀？！"戇 clair" 者，English 也。

如果佢識英文，之後用英文溝通，咁又掂。Hooooo~

其實，絕大部份法國人都懂得英語，而正如一開始所講，只要你開頭以其自豪的法文開波，那他們就會仿如曱甴見到蜜糖一樣雀躍，當你自己友，以後就願意用英文同你交談 o架啦！所以，識3句佢哋就已經對你攬住嚟 o錫，更何況而家識廿呢三十句嘅我，呵呵呵~ 已足夠做到 "完全沒問題"、"嚇他們一大跳" 有餘。

當年我就係憑呢3句法文，暢通無阻，行勻 Quebec。

Music："Dieu fumeur de havanes" by Serge Gainsbourg & Catherine Deneuve