法文(一)

好耐好耐以前學過吓法文，噓~ 好難！

無論喺串字、文法、發音方面，法文都要比英文來得更嚴緊、更難。

結果，我學了幾個月之後終於頂唔順溜之大吉。除咗上述原因外，上課時悶到要嗌媽咪亦係重要原因之一。

學嘢要得快，其中一個重要因素及捷徑就係揾出佢令自己覺得好玩過癮嘅地方，然後寓娛樂於學習或者掉番轉，咁就自然好快上手，事半功倍。

好似喺發音方面，例如讀法文個 R 字，在 francais (讀音：飯 say) 裏係要用喉嚨發音，咁講33呢 (Trente - Trois)，我就想像吐痰時嘅效果~ "咔嘞他" 嚟讀佢。好 work 個喎！試想吓啦，用 oD咁 cheap 嘅嘢嚟讀啲咁優雅嘅語文喎，真係好 high 好過癮。

超！文法咁難呀~ 原來法文有樣嘢好戇居嘅呢！就係數數目嘞。oD法國人只係會講1至10；10，20，30，40，50同60，70就要說 "60 + 10"、71更要講成 "60 + 11"、80仲白痴，係 "4個20"、90直情饒口兼杉手，要讀成 "4個20加10"。。。。XQYZ##%XXX!X#ZXX! 吹X脹！ 好彩，讀到100同1000啲邏輯番番嚟，讀番100 (Cent)，1000 (Millier)。如果唔係，要讀例如1206嗰陣。。。。

講番轉頭，嗰陣冇學到有少少成績就走咗，我呢啲語言天才梗係唔甘心兼唔順超再 + 唔放棄 o架啦！喎X~ 後來下定決心要學到當同 oD法國人傾兩句嘅時候，要 "完全沒問題"、"嚇他們一大跳" (國語)！