在家千日好

本來星期六晚去日航酒店唱歌，順便玩比賽。點知狂風暴雨！一狂風暴雨我就好鐘意留喺屋企 o架嘞。結果冇去到，留喺屋企欣賞出面風景同享受打風嗰種氣氛。好正！

收音機打風報導

"而家係一節有關熱帶氣旋。。。。"

由收音機播出嚟嘅打風消息個感覺好妙不可言。。。。其中更有點回到過去嘅復古迷離 feel~

要激

呢幾日嘅天氣，係我最鐘意嘅天氣之一。

一係呢，就好似呢兩日咁，灰天黑地，橫風橫雨；一係就陽光普照，晴空萬里。最討厭就係少少陰天，但間唔中又出吓太陽嗰種天氣；又或者係嗰名幾好聽但好乞我憎嘅驟雨中的陽光嗰款。

人唔似人鬼唔似鬼、不倫不類、到喉唔到肺、"温吞水" 咁，最憎！

*唔知幾時整番個長命8號仔呢？如果真係就正！有益有建設性呀！Yo！