Saturday, September 24, 2005

我的前半生。。。。食煙故事










1990年春夏之交,正值暑假時節,臨離開香港前的其中一日,互約了一位小一已相識的舊同學兼老友去天后百樂戲院 (如今已拆掉改建成商業樓宇),看聖戰奇兵,看戲真係重點。。。。之一。當時我們買了兩張後座 + 吸煙區戲 "飛",入場前好像又買了汽水和 "爆谷",但肯定有買初學食煙人仕必吸牌子~ 醇沙龍入場 (仲記得當年仔買煙時嗰個緊張驚青樣。我們都仲有 oD知衰心態,唔似而家啲細路咁,咁明目張膽。)。

我哋一坐低後,套戲仲未開始,我哋就開始。從牛仔褲褲袋拿出那包已有少許摺曲醇沙龍 (因為尚未習慣袋煙,唔曉就住。唉,初哥係咁樣。),用打火機點了比正常多了幾下,終於點著咗。。。。呼~~~~ "oD廣告幾好睇" 我蹺起隻腳俟喺張椅度邊打煙炮邊作狀問我個老友。"大戲院啲廣告都好睇吸引 oD嘅真係。" 佢姿勢同我差唔多咁回應。

如是者,我哋兩個打着煙炮 (打煙炮即係唔識食煙。oD煙並冇吸落肺,只係用個口含住扮Q晒嘢跟住好樣衰咁成 "咋" 噴番晒出嚟!),細路扮大人地打住煙炮睇戲。點知,睇到中後段 (希特拉閱兵嗰幕),我突然頭暈 + 勁流冷汗 + 想嘔 + 雙手變冷,來回咗厠所幾云。後來頂唔順到連套戲都冇睇完就趕住番屋企。。。。好彩仲番到屋企。

犯賤地,對佢咁抗拒都仲要繼續學食喎,結果。。。。世界又多咗個煙鏟咯。。。。如今彷彿已是回頭太難。喃嘸呢喃嘸訶里陀佛~~~~~~~~~

*學食嗰時首先食醇沙龍 (而家諗起都好笑,食煙都要學!唉~);跟住扮成熟學大人 "懶" 有格調食 Dunhill,食醇萬;之後食駱駝同紅萬扮粗獷;後嚟又食紅色 YSL 扮番有 taste;冇耐有一排政府唔知痴咗邊條筋加價加成倍,唯有轉食雲絲頓10枝裝;做嘢 lu,大個仔咯喎,食醇 Dunhill (那段時間的回憶好難忘);之後無端端食咗陣健牌 (唔知點解總覺得有啤酒味);最後,重投醇萬嬝嬝懷抱。

唉~~~~~~~~~~

3 comments:

Hyacinthus said...

如今彷彿已是回頭太難???

假若你人生已過半,那麼你現在仍有另一半,是否仍想與它為伴?年少輕狂,本是常事,去者已已以,來者卻可追,要回頭永沒太難,更何況這次機會是你自己給自己的,只是你願與否?

珍重!

Carrie said...

我很同意風信子的話。你還有機會去對自己的身體好一點,不要放棄。

(作死!你寫呢篇都應該預計到我地個個都會勸你戒煙!快d戒啦!!!)

macy said...

^_^ 我應唔應該叫你戒煙呢??

真係每一個初學者都食純薄萬,但之後再食,就淡到呢.

我食煙無咩感覺咯,食雪茄,仲正.