文化溝女歌

留步喂留步求你暫留步
甜甜嘅姐姐稍稍留步
姐姐吖你趕路呀
哎唷哎唷請息怒 我愛妳愛到似蜜露

走出一隻小花兔
原來穿花布呢
姐姐本來一身雪白
你猜我點知道

就讓小生親身陪罪
今天作東道姐姐看你多纖弱
你要多進補
此間小菜多鲜美
字號相當老
解解飢渴當急務
請容我效勞
哎唷哎唷 女人不補好易老











留步喂留步 前去便無路
甜甜嘅姐姐稍稍留步
姐姐你走錯路
應該轉去東北面
喂我作向導啦

轉彎經過幾間舖咋
就是我茅蘆
今天適逢雙喜日
我媽要娶新抱
留步喂留步 我肯犧牲將妳娶

關聖佑作曲 盧國沾填詞

Self-control questionnaire

不少作家文人都曾寫出十大或幾十大自己覺得最不亦樂乎 (過癮) 的事情，如金聖歎、李敖、蔡瀾、李碧華等。我特此也來過一下作家文人之癮，寫出自己一系列不亦樂乎，以紓一己情懷兼過癮一番。

排名不分先後：

1. 與親人知交久別重逢，不亦樂乎！
2. 以前欺負你的人，現在變成被你欺負的人，不亦樂乎！
3. 平生有恩必報、有仇更必報三倍，快意恩仇、恩怨分明，不亦樂乎！
4. 在廁所裏吞 pop，不亦樂乎！
5. 忙極之後，回家洗完澡，攤在床上像死猪一樣，不亦樂乎！
6. 見俗不可耐的女人自以為是現代小龍女化身，不亦樂乎！
7. 拆穿偽君子、假文人面具，令其原形畢露、出醜當場，不亦樂乎！
8. 指出老師之錯處，見其窮途面懵懵之情，不亦樂乎！
9. 考試出貓成功，那像從龍潭虎穴中闖出來後的興奮放鬆勁 high 心情，不亦樂乎！
10. 成功幫助有需要幫助的人，不亦樂乎！
11. 早上起床一枝煙、飯後一枝煙、便中一枝煙、不亦樂乎！做愛後一枝煙，另一半不介意的話，更不亦樂乎！
12. 落 Bar 飲酒；去餐廳食嘢，結賬時侍應錯給另一張便宜很多的單子，不作聲付款離開，不亦樂乎！
13. 去超級市場買嘢，收銀員找多了錢，自己當正常，走人，不亦樂乎！
14. 看見當初撇下自己的舊情人與一牛頭馬面；人扮猪、猪扮人；層次甚低的另一半在一起，不亦樂乎！
15. Bar 經理請飲酒，不亦樂乎！
16. 請人飲洒，自己出$，見別人出命，不亦樂乎！
17. 努力付出後得到收成，不亦樂乎！
18. 不勞而獲，仲加不亦樂乎！
19. 和愛人做愛，柏拉圖神交與 AV 女優肉慾交融，靈慾一致，連環高潮，不亦樂乎！
20. 樂團演出，一開始那一刻自己不小心早拉奏出了半個音，嚇得指揮慘白着臉滴着汗又不能從頭開始逼住繼續指揮下去，不亦樂乎。
21. 見弱者茁壯成強人，不亦樂乎！
22. 堅持自己原則不淪為俗流，不亦樂乎！

最新附加：得見 Ruth 心情好轉，忘掉不快，開開心心到希臘行婚禮去，不亦樂乎！

有着你/妳~ 多麼美停留鬱鬱憂憂的時刻

不斷蕭蕭索索的落寞

未間斷過~

忽然

自某一天

你的温暖柔和的回眸 真心無求的支持問候

一切

使我得到肯定。

原先還以為不過是一齣默默無名的戲

却因你的出現

突然

幕徐徐再起 燈已亮 周圍掌聲再響

。。。。

終於驚覺從來的我在人生這一幕中是如斯輝煌。

另一 "尖"~ *話到底，我了解好清楚，不肯趁風轉。有時我想去屈服，想起也心酸！不可以，重複這怒叫聲。。。。

黄霑、鄭國江和林振強等都是無人不曉、譽滿詞壇的填詞人。三位等作詞家均出身並效力同一地方。其中尤以我以前的偶像黃霑為當中表表者。

黃霑的深厚國文功力、精靈鬼才加上八面玲瓏的性格，使他能在填詞界寫下光輝燦爛一頁；並被追稱為香港作詞之父，實在當之無愧。

他適逢七十年代末至八十年代香港電視的黃金歲月，並在佔了一面倒優勢的無線電視替其電視劇主題曲及插曲填詞，這因緣際遇加上其實力成就了他的名譽地位。

另一位同期堪與黄霑爭輝，作品同樣多如繁星，填詞造詣猶有過之，在另一邊發熱發亮的作詞人，却在七十年代初因不幸際遇而離開了快如日方中的無線，另投別處。而因無線獨大加上當時人云亦云的慣性收視，做成了其精彩作品未能如前者般深入民心、發揮其影響力。致未能享應有的名譽殊榮、江湖地位。

實力、命運 (際遇)，我會不忌諱虛假的說："際遇運氣只佔一成。實力勤力才是最重要！"

是嗎？

回說那位同樣是一代宗師的作詞家，他，是當時在麗的電視，一人包辦差不多全部電視劇歌詞的~ 盧國沾

"啊…啊…啊　
啊…啊…啊　

河水彎又彎　
冷然說憂患　
別我鄉里時　
眼淚一串濕衣衫　

人於天地中　
似螻蟻千萬　
獨我苦笑離群　
當日抑憤鬱心間
　
若有輕舟強渡　
有朝必定再返　
水漲　水退　
難免起落數番　

大地倚在河畔　
水聲輕說變幻　
夢裡依稀滿地青翠　
但我鬢上已斑斑"














麗的電視劇「大地恩情」主題曲
曲：黎小田　詞：盧國沾
關正傑主唱

Stupid Government~

。。。。剛剛獲悉，廸士尼宣佈下年於南韓興建亞洲第三個樂園。

唉。

My Hidden Talent

Your Hidden Talent

You have the power to persuade and influence others.You're the type of person who can turn a whole room around.The potential for great leadership is there, as long as you don't abuse it.Always remember, you have a lot more power over people than you might think!

What's" Your Hidden Talent?

在家千日好

本來星期六晚去日航酒店唱歌，順便玩比賽。點知狂風暴雨！一狂風暴雨我就好鐘意留喺屋企 o架嘞。結果冇去到，留喺屋企欣賞出面風景同享受打風嗰種氣氛。好正！

收音機打風報導

"而家係一節有關熱帶氣旋。。。。"

由收音機播出嚟嘅打風消息個感覺好妙不可言。。。。其中更有點回到過去嘅復古迷離 feel~

要激

呢幾日嘅天氣，係我最鐘意嘅天氣之一。

一係呢，就好似呢兩日咁，灰天黑地，橫風橫雨；一係就陽光普照，晴空萬里。最討厭就係少少陰天，但間唔中又出吓太陽嗰種天氣；又或者係嗰名幾好聽但好乞我憎嘅驟雨中的陽光嗰款。

人唔似人鬼唔似鬼、不倫不類、到喉唔到肺、"温吞水" 咁，最憎！

*唔知幾時整番個長命8號仔呢？如果真係就正！有益有建設性呀！Yo！

"食" 力3號仔

嘩~~~~

磨呀磨~~磨呀磨~~ 仲係3號風球？！！！勁呀！真係，做人都要好似今次呢個3號仔咁，夠靱力夠捱得夠長命慢慢磨，咁，呵呵呵~ 都 "o襟" 撈耐用啲。

沁園春．雪

北國風光，千里冰封，萬里雪飄。
望長城內外，惟餘莽莽；
大河上下，頓失滔滔。
山舞銀蛇，原馳蠟象，
欲與天公試比高。
須晴日，看紅裝素裹，分外妖嬈。

江山如此多嬌，引無數英雄競折腰。
惜秦皇漢武，略輸文采；
唐宗宋祖，稍遜風騷。
一代天驕，成吉思汗，只識彎弓射大雕。
俱往矣，數風流人物，
還看今朝！

非常喜歡這首辭。

很多人都曾懷疑它並非毛澤東所作，只是其御用寫手替他代筆。

我個人認為可能性不大。

因為若是出於其他人手筆，根本無法子寫出那種霸氣凌人，君臨天下的帝皇氣派。

Tina,

Happy Birthday！

我的前半生。。。。食煙故事

1990年春夏之交，正值暑假時節，臨離開香港前的其中一日，互約了一位小一已相識的舊同學兼老友去天后百樂戲院 (如今已拆掉改建成商業樓宇)，看聖戰奇兵，看戲真係重點。。。。之一。當時我們買了兩張後座 + 吸煙區戲 "飛"，入場前好像又買了汽水和 "爆谷"，但肯定有買初學食煙人仕必吸牌子~ 醇沙龍入場 (仲記得當年仔買煙時嗰個緊張驚青樣。我們都仲有 oD知衰心態，唔似而家啲細路咁，咁明目張膽。)。

我哋一坐低後，套戲仲未開始，我哋就開始。從牛仔褲褲袋拿出那包已有少許摺曲醇沙龍 (因為尚未習慣袋煙，唔曉就住。唉，初哥係咁樣。)，用打火機點了比正常多了幾下，終於點著咗。。。。呼~~~~ "oD廣告幾好睇" 我蹺起隻腳俟喺張椅度邊打煙炮邊作狀問我個老友。"大戲院啲廣告都好睇吸引 oD嘅真係。" 佢姿勢同我差唔多咁回應。

如是者，我哋兩個打着煙炮 (打煙炮即係唔識食煙。oD煙並冇吸落肺，只係用個口含住扮Q晒嘢跟住好樣衰咁成 "咋" 噴番晒出嚟！)，細路扮大人地打住煙炮睇戲。點知，睇到中後段 (希特拉閱兵嗰幕)，我突然頭暈 + 勁流冷汗 + 想嘔 + 雙手變冷，來回咗厠所幾云。後來頂唔順到連套戲都冇睇完就趕住番屋企。。。。好彩仲番到屋企。

犯賤地，對佢咁抗拒都仲要繼續學食喎，結果。。。。世界又多咗個煙鏟咯。。。。如今彷彿已是回頭太難。喃嘸呢喃嘸訶里陀佛~~~~~~~~~

*學食嗰時首先食醇沙龍 (而家諗起都好笑，食煙都要學！唉~)；跟住扮成熟學大人 "懶" 有格調食 Dunhill，食醇萬；之後食駱駝同紅萬扮粗獷；後嚟又食紅色 YSL 扮番有 taste；冇耐有一排政府唔知痴咗邊條筋加價加成倍，唯有轉食雲絲頓10枝裝；做嘢 lu，大個仔咯喎，食醇 Dunhill (那段時間的回憶好難忘)；之後無端端食咗陣健牌 (唔知點解總覺得有啤酒味)；最後，重投醇萬嬝嬝懷抱。

唉~~~~~~~~~~

您的星星 我的星星
都不一樣

但您我的星星
都閃閃的是彼此光明
就像汪洋中的孤獨燈塔
隱隱照引未知的旅程*

*一段一段的看清
您我人生經歷

玄

歷史有此關於測字記載： 很有趣，也很玄。

明朝末年，朝政腐敗、民不聊生、風煙四起，當時的皇帝~ 祟禎探得紫禁城外有一測字奇準的測字高人，於是就微服出訪，希望借測字而得知一點國情的蛛絲馬跡，以解料不到前景吉凶之苦。

"見到測字先生後，崇禎皇帝寫下一個 "友"字，請求解析。得到的答覆，竟然是 "友" 者，即 "反" 字出頭也，反賊出頭，係大不吉利之象！崇禎帝一聽，心中一沉啦；但靈機一動，立刻改口詰非彼 "友" 字，乃此 "有" 也，企圖另覓出路安慰自己啦。

沒想到測字先生一睇，就話 "有" 者，"大明" 二字去半，是禍非福也！大明江山去了一半，情勢豈不非同小可？

崇禎就梗係面如死灰啦。但心仲不死喎，又急急改口話測其實係申酉年嘅 "酉" 字至啱。心想或能扭轉劣勢，轉禍為福啦。點知測字先生看了這個 "酉" 字，臉色也為之大變，匆匆回答話 "酉" 字，乃至尊之 "尊"，去首去尾，恐大勢已去矣！至尊皇位已岌岌不保，豈不是大難已臨頭？果然就在崇禎十七年三月，李自成攻佔北京紫禁城，崇禎倉皇出南宮門，於煤山 (又稱萬壽山) 上吊自殺，明朝自此衰亡。 "

有兩點要講：

第一，玄學之奧妙，當真非科學所能全部解析。我常認為應去了解玄學或其他堪輿，而非迷信或對之不屑一顧。那樣我們才能更了解這個世界甚至命運；更能知多一點點。甚至連紫微斗數宗師~ 王亭之及一些科學家均認為東西方的一些玄學，只有外星人才能夠發明出來。例：中國的紫微斗數的星盤排列及組合，其複雜程度，電腦專家發現簡直要用大型電腦去處理。更不要談要憑空發明了。而在古代，那裏有大型電腦？

第二，中共在大陸已經推行了幾十年的簡體字，等於是把傳統中國文字的深厚內涵大筆砍削，把美好的書法藝術破壞殆盡。美其名是要把漢字改造到拼音化，那就能像英文般簡易流行起來。但其真正用心，係要使到傳統漢字失去靈魂，使其成為一堆符號，令人民失去想像力。

陽予陰奪，這手段比起秦始皇焚書坑儒來得要高明得多。毛澤東果真深不可測。


參考網址：http://www.minghui-school.org/school/article/2005/8/4/46825.html

瀟洒要講條件

一位以前的同事苦訴不知還可在公司做多久。因快抵受不住裏面嚴重不健康的文化。我跟她分析如果自己計過沒有了這份工，而生計並沒受到致命性影響，加上丈夫又支持的話，那就乾脆把它辭掉吧。反正剛三十出頭，風華正茂，又不是沒有實力，若條件容許，沒理由讓自已尊嚴被不懂尊重的人糟蹋。

像這種自以為是、不知所謂的公司，若自己有實力，就算多給二三千薪金，做唔做都罷就。

歷史節目

最近蕭若元、黄毓民、陶傑及狄娜分別在電台同電視台主持歷史節目。

幾位主持的學識均無容置疑 (狄娜我有保留)，而且江湖地位亦都份量相當。之不過，大家都主持相同類型性質的節目，很容易會將其比較起來。至少，有時怎樣也會不期然在心中下了評價："他吸引點！"

4位都係名牌，但名牌也分級數。係相對的。就好像李嘉誠比之鄭裕同；帝景園比之凱旋門；江詩丹頓比之勞力士；林寶堅尼比之寶馬一樣，大家都係名牌，但埋身一比，實力素質很自然相對地分出最強同強的分別。

3男1女都屬口舌便給、字字珠璣、出口成文的才人，但總有分別~

蕭若元博大精深，剛柔並濟；黄毓民專精一門，剛猛無倫；陶傑涉獵廣泛，以柔制剛；狄娜優於政商，柔中有剛。

但亦各有弱點。黃毓民若撇下歷史政事不談，便頓失風采；陶傑雖涉獵廣泛，但很多時如果在某一題目再深入少少便會見底；至於狄娜，個人認為若不是她的犀利背景，加上點點神秘色彩，根本不入流。與其他3個冇得 fight！

只有剩下的蕭若元可以稱得上博學多才。其與黄毓民同樣精於歷史政事，但在其他領域上一樣精彩，不像後者只獨沽一味；他與陶傑一樣涉獵廣泛，但却比陶傑廣而精湛。更多了一份學者味。這是陶傑所缺乏的。

事實上，4位之中，亦的確以蕭若元嘅表現表演最為吸引。

信任與感動

一位在 Blog 認識的朋友與我分享了她們的美妙旅程。其實，由她問我電郵地址的那一刻，我己感動了。

非一般廣告~ 好朋友嘅餐廳~ Rico Bistro

一向鐘意飲；鐘意食；鐘意歐陸feel；鐘意靚嘢！連餐廳個老板娘都係靚女！呢間西班牙地中海餐廳可以算係滿足晒我。

Missed 咗佢嘅 grand opening 之後去試過幾次，分別食咗下午茶餐 (地中海鷄胸 salad)、午餐 (西班牙鴨胸 with rice in spanish style) 同一次佢嘅小食。

裝修有南歐feel，主色紅+綠但不落俗套，可以知道確花過心思，而且仲帶出熱情韻味。但認為可以再好oD。

價錢 OK。整oD食物有 heart！好似oD鴨胸咁，一塊塊肉o地軟硬適中，有口感。肉心透着粉紅。入口會有少少溶化嘅感覺；配汁方面味重得嚟唔搶，掂！另外，oD伴菜都蠻豐富吓。唯一美中不足嘅係oD飯100%香港style。西班牙炒飯應該係半生熟 (退一丁點步, 可以七成喎)，硬硬哋ga ma。常覺得真係唔應該為咗迎合討好食客而把餐廳食物本地化。因為它所吸引到客人之處正正就係其提供那國家地方食物嘅精髓特色。至於個 salad, better than fine。勁多鷄胸；oD沙律醬唔肥，好健康。冇記錯嘅話好似$30 "零" 蚊左右，幾抵。oD小食嘛，都幾好味。有機會會試齊佢嗰30幾款snacks！

聽講下個月有酒牌~ 嘩，平時夜晚坐喺露天嗰part，固然掂。星期六、日下午 o搭番幾杯 house wine 或者啤酒，聽住呢度播嘅 Julio Iglesias 或者 Luis Miguel music，簡直 wonderful！不失為一與女共渡嘅好地方。Run 女 lum女，地點都好緊要嘛~ Bowie，如果下次我同女朋友嚟，識做啦！Heeeee~

































地址﹕灣仔港灣道灣景中心（三里屯）一樓四號舖
電話﹕2877 2872
營業時間﹕上午11﹕30至晚上11﹕30
泊車﹕新鴻基中心設停車場，每小時﹩22
備註﹕室內屬禁煙區

P.S. 有任何 available 嘅靚女 (指揾 o緊工嘅) 睇咗拙 Blog, 可以打去 in in ga！

Music: La Paloma by Julio Iglesias

抗菌戰士

呢幾日感冒菌作怪，又係時候訓練吓自已嘅白血球。在一開始趁情況還未惡化，施展我的兩大絕招 (1. 食必理痛；2. 狂飲水後再隊 "齋啡" )，都唔駛用最後驚天一式 (沖完勁熱水涼之後用垃圾袋包住自己然後再上床用厚棉被蓋住瞓一晚)，而家情況已好番8成。I am a Flu Fighter！Heee heee~ 吼~~~~~~~

女人。POWER

女人 POWER，絕冇花假！

慘被風信子、冬冬。 。。。

。。。。 (仲怕緊，唔敢出聲呢。) ^~

喃嘸喃嘸訶尼陀佛~~~~~~~~~~

求讖

今日有個舊同事同我講話萬佛寺 oD讖好準，叫我去試吓。嘿，我仲駛セ求吖~ 自己睇紫微斗數都夠。不過呢，若然經過都會試吓嘅。

最憎

出面做嘢真係好X多小人！冇錯，呢個世界係現實，但並非每一秒都要做到爾虞我詐、無須時刻都要阿諛奉承吧？！不#知所謂。

如果係啲鱷魚大蠱惑，我都仲有 oD欣賞佢哋嘅道行。但係嗰 oD成日剩係識得搞小動作、擦鞋、做晒 oD損人不利己，好似條毛蟲咁躝吓躝吓嘅小丑，我就一 oD都睇唔X起。

午夜夢廻，他們會否因為自己的卑劣醜陋嘅德行而自我感覺難堪呢？

遲 oD十足狀態，我要等嗰 oD小人知道咩嘢叫~ Shame!

~~~~~~~~忍唔到嘞！一早點解咁肚餓？

朋友，同我一起飲勝！

9月19號，今日是我寫 Blog 一個月慶典！ 哈哈~ 竟然堅持到。 回想個幾月之前的那一段日子，hoooo，同衰運嘅親蜜程度真係 sweet 到自己都唔信。直至上個月的月中，所有他媽的不幸嘅事情終於過去，一切終於告一段落。

8月19號那天，我下定決心，全部，由那天從新出發。

在新的軌道、新的里程，我的朋友，以及有幸新結識到的真朋友，希望將來我們能對酒當歌說明天；乾杯共聚話當年。看看以後大家會怎樣畫出你我的色彩吧。

中秋之夜，因妹妹去了外邊讀書，故只有父母和我，與她的丈夫，一家人在屋企附近的洒樓食飯做節。

因麻煩友媽咪遲了 book 枱，所以要八點半先有位。

嘩！仲有好多人，如果日日都係咁，間酒樓就發囉！

食過晚飯後，到了公園走走，嘩~ 仲以為係聖誕！幾乎一個燈籠都冇。取而代之嘅係五光十色嘅閃燈、熒光棒；極其量都只係得啲 "偽燈籠"。又唔知點解，啲人群明顯一年比一年少 (唉，越來越覺得中國傳統節日在香港已萎縮到一個可怕的地步)。見到 oD細路拎住 oD不知所謂嘅 "臘筆小新"、"叮噹"、"Hello Kitty" 等塑膠燈泡偽燈籠，當堂 mood 仲加低咗唔少。吼~~~~望住 oD塑膠卡通人物電燈籠，它的燈光幽幽的從塑膠公仔體內透出來，整個公仔發着暗暗橙色或紅色的光，越睇越覺得好似歷史裏面所描述的其中一種5★級酷刑~ 點天燈。。。。好恐怖啊好恐怖啊！

oD管理員又係嘅，矯枉過正走火入魔到連點幾枝爉燭都阿支阿 jor 阿花！X！

行咗一陣間之後，番屋企沖完涼睇咗一陣碟。呢套碟叫陸小鳳之決戰前後 (無線電視1977年版本)，雖然今次已睇唔知第幾次，但配合今晚嘅天氣，加上仲係中秋，個 feel 好正好迷離，好似番咗嗰時咁。

其中一首主題曲我好鐘意的~

誓要去　入刀山浩氣壯過千關　
豪情無限男兒傲氣　地獄也獨來獨往返
存心一闖虎豹穴　今朝去幾時還
奈何難盡歡千日醉　此刻相對恨晚
願與你　盡一杯
聚與散記心間　
毋忘情義 長存浩氣　
日後再相知末晚

毋忘情義　長存浩氣
日後再相知末晚

豪情無限　男兒傲氣
日後再相知末晚









作詞：黃沾　作曲：顧嘉輝　編曲：吳智強

今晚1號風球但冇雨落；"聽" 日3號，慢慢走過嚟，但 oD天氣開始衰喎；後日呢，呵呵呵，8號風球！唔駛做~ 冇憂愁！連歎4 day！嘩哈哈~~~~~~~

我的月亮，今夜妳為誰孤獨呢~

9月16日，農曆八月十三。

以前呢 oD中秋節前前後後嘅晚上，住所四周的花園都會看到火光遊走，充滿熱鬧氣氛。

但自從 "不准煲爉" 成為中秋節的 "新象徵" 後，如今有的，就只有管理單位所掛的電燈籠；即使再見到 oD細路拿着 "燈籠" 四圍走，那感覺已不再了。因那個被拿着的，只是個不會被風吹熄的燈泡。

煲爉固然不對，但若然把這名詞無限上綱，連點幾枝彩色爉燭都禁止，那是否矯枉過正、不近人情了點呢？

秋風

傍晚拖着疲累的脚步，帶着倦倦的臉容，經過回家的那條小徑，那迎面柔柔吹來的微風，滲着點點燭香。。。。多麼迷漫醉人的氣息。

整個人也不禁稍停了下來，讓它吹着，吹掉最近我那煩悶的心情。重新瀰漫瀟瀟洒洒。

這兩個晚上，秋意盎然。

寫信

前天收到海外母校寄來的哲學系創系紀念慶典邀請信，昨日即回信給莊老師，告知未能出席此次活動。唉，時間就好像攬着自己的最愛般過得好快好快，畢咗業原來已那麼多年了。當年教我邏輯及知識論的莊老師如今亦已出任系主任；而昨天的學姊，更當了我的師母！Hooo！也不知是老師犀利還是師姐她厲害？

拿起筆；筆在紙上一劃一劃的刻着。問候、訴說經年來的一些事、說出未能到會的遺憾等等。然後簽上我的名字。

打開信封，把已摺好的信放入，並封口。寫上地址，找來一張郵票，小心地貼上。就放進郵筒裏，把它寄出了。

一向喜歡寫信的我，近年亦因電郵的方便、普遍而已甚少寫信了。但有些人，有些事，總該用寫信去令在另一邊的一方，知道，你/妳是何等的重視他/她。即使，那只是隻字片言的一封。

屋企的即食麵已吃得八八九九，所以今日去 Super Market 買咗40幾包回來。連個收銀員姐姐都問係咪我一個食。又話千祈咪連續咁食落去，如果唔係嘅話，唔掂喎！

兩個感覺：1. "連續咁食落去"~ 覺得呢句意思幾得意有趣，幾過癮。
2. "千祈咪................"~ 儘管她是隨便的一句，但我仍會感到那一秒的有情。

怪哥哥

星期2嗰晚舊同事肥妹約我今日出嚟話有心事傾，於是諗住約落中環 Dan Bar 講。我同佢講今日先再約實啦，但星期4、5就一定冇問題。佢問咩今日唔得咩？唉，今日唔係唔得，只係我最近唔知點解，如果係單人匹馬自己去 "walk" 就冇問題，但若然係有人去約嘅嗰 oD約會呢，約喺翌日嗰 oD我就好唔想去；起碼要隔一日嗰 oD先有動力應約。但我又唔係扭扭擰擰嗰種喎！唔通更。。。。唔係 fa？睇 oD婦女節目話男人50幾歲先到個噃！"Yil"！好X怪嘅自己都覺得。

結果，今日終於都取消咗，改咗 "聽" 日同佢傾。都好既，星期4或5，接近 weekend oD，個人都醒 oD！你今日飲咗未？

"國技" vs 廸士尼

今日睇新聞見到 oD自遊行旅客喺迪士尼裏面煲煙、煙頭就咁 "隊" 熄喺垃圾筒上面、隨處施展絕技一睏就 "mou"、oD仔四圍瞓。。。。etc.

最好笑其中一個鏡頭係一位喺裏面嘅清潔人員笑笑口咁叫一個表叔不要吸煙，邀請佢到第二邊嘅吸煙區繼續煲。攪掂後，嗰位清潔叔叔即刻搖搖頭、喊咁口 + 無奈咁急急腳行開。又係嘅，仲有大把額外工作要做吖嘛。

高與低

小泉純一郎堅持己見、以膽搏膽、孤注一擲，絕地翻身成功，以壓倒性姿態嬴出選戰。集所有 power 在一身，做到真正強勢政治。有嘢睇啦遲 oD。比起囂神~ 擦鞋曾的只懂舔上獻媚、巧言令色，終日只會搞小動作的醜陋行為，真係好似滿漢全席 vs 狗屎垃圾！高與低；天同地！

妙手仁心III

明顯不及 I & II 好睇，畢竟已拍到弟三輯。但當中也有驚喜，係原來已經41歲的曹永廉。佢嗰種自然生動鬼馬，但又不失真實感的小男人演繹，好搶。

等於壹號皇庭有駱應鈞；妙手仁心I 有張家輝；而家有已經41但點 scan 都只係31嘅向眾人。

See？！No one is indispensable！！

Honey！如果妳 likey 我嘅話，我就會好冧好冧妳嘅呢！

冧到妳發狂！

今日清晨嘅天氣話比我知，秋風送爽~ Yo！秋天真係已經嚟囉！爽爽~

禮拜手

甜癮又作怪，"摷" 咗一陣都冇朱古力。於是就 "班" 救兵 (問阿媽)："喂，媽咪，有冇朱古力嗰 oD甜嘢吖？"

"咪喺櫃裏面囉！" 媽咪很平和咁答。
"冇喎！" (其實我仲未打開)
"拎開出面 oD樽，擺得好入。揾吓啦！" 語氣仍然平和。
"邊有？真係揾唔到！" (其實我只係打開咗個櫃，作狀地係咁 "椅" 望兩嘢。)
"揾真 oD啦。。。。都話擺得好咯！" 語氣已明顯起咗變化。
"邊度有呀？" 我繼續扮魚蝦蟹。
"你要拎開 oD嘢，先見到！" 她開始唔 "老嚟"。
"根本都冇！嘿，妳揾比我睇吖~~~~" 我理直氣壯無賴地說。
"。。。。" 她沒有回應。幾秒後。。。。火了："我揾到嘅話你同我全部食晒佢吖嗱！？！！"

媽咪突然變得動作敏捷，走過嚟三扒兩撥就 "摷" 咗一大樽朱古力出嚟。"嗱！咩嚟 o架？！"
呯！成樽楝咗喺張枱度，並話我："你根本就冇揾過！正一禮拜手！"
"。。。。禮拜手係咩嚟？" 我問。
"禮拜你駛唔駛做吖！？"

。。。。

偶有佳作真係。

妹妹

Hooo~ 好快，阿端已到了那邊兩個星期了。今日聽佢老公講她在那邊的情形，一切安好。並告知11月底回港過 X' mas。

X' mas！？！！11月尾就放 X' mas？！？！嘩，X！歐洲 oD大學都好呃$！

關於李敖訪港

已確定他只會在北京和上海的大學作公開演講。真可惜！

在出發前的記者會上，香港的記者亦曾問到這問題，他的答案是因為對香港很陌生，故不作此打算。唉，好明顯，他認為無需要同香港的大學生 Q & A，因為未夠班。

無奈

這幾天有點點唏噓~ 在男人肩上的重重千斤，好辛苦、好無奈。

命運不得我挑選，前途生死自已難斷；茫茫滄海身不知處，落葉歸根是家園。
人如滄海柳葉船，離群隱居自已情願；前途偏偏多挑戰，若問吉凶我亦難判斷。
男兒天職保家眷，兒啼妻哭內心撩亂；難尋進退失方寸，前途生死我亦難判斷。

很喜歡決戰前夕這闕歌詞。他道出了男兒的所有情懷。

Perfect match!!!!

元夕東風夜放花千樹，更吹落、星如雨。寶馬雕車香滿路。鳳簫聲動，玉壺光轉，一夜魚龍舞。蛾兒雪柳黃金縷，笑語盈盈暗香去。

眾裏尋他千百度。驀然回首。。。。那人卻在，燈火闌珊處。

百感交集。

等到第二天才寫，感覺較真實一點。

作為香港人，昨日係屬於開心、驕傲的一天。因為~ "禾路廸士尼樂園" 竟然在香港出現了。這是真實的，並不再是遙遠的夢。香港，沒有甚麼是不可能。

一些片段~

。。。。當初的特區政府只花了9個月時間便急不及待落實此項工程計劃，目的是為了幫香港沖喜。結果，無論在各方面都染上了污點。

例如給 "廸士尼" 佔盡商業上的便宜及草率評估環境而造成的破壞；而最近出現的各方面問題更是令人搖頭嘆息。

。。。。"廸士尼" 的一位高層於昨日開幕典禮後接受訪問，竟說 "保證" 2010年之前不會在中國興建第二個 "禾路廸士尼樂園"！！！！

離譜吧？！可見當初為急於求成，當時的特區政府竟連在生意上如簡單的合約條款都不會去爭取。

有很多人會認為不要批評這、批評那，做八彈齋主，彷彿甚麼都是只有其負面。須知道，問題本身並不是應建 "迪士尼"與否。而是落實興建前有否做充份的研究以及落實的出發點是為了甚麼。如今很明顯，以上證明了研究準備草率；而當初牽涉到各方面龐大工程的重要決定，完全是為了沖喜及好大喜功。這些才是為甚麼會有那麼多批評和負面新聞的問題的癥結所在。

。。。。"禾路廸士尼樂園"，昨日終於在我們的地方~ 香港誕生啦！怎樣也好，這始終都是屬於香港人的一個 "禾路廸士尼樂園"。既然我們不能回到過去，那就不要再駡這駡那了。現在就盡情享受 "她" 吧。並且，讓 "她" 把歡樂陪伴到我們的將來。

"她" 的化身，原本就是個 "夢" 嘛。

人人常歡笑，不要眼淚掉，時時懷希望，不必心裡跳，
在那人世間，相助共濟，應知人間小得俏。
又有陽光照，兼有朗月耀，良朋同歡聚，
相依相對笑，萬里難隔阻，心裡情長照，應知人間小得俏。
夜裡群星照，反映世事妙，奇妙人間樂，
我地樂遙遙，在那人世間，守望相看，應知人間小得俏。
遙遙人相隔，心裡不傷焦，萬里同心路，
用愛做長橋，路遙難隔阻，千里共你我他，應知人間小得俏。
人人常歡笑，不要眼淚掉，時時懷希望，
不必心裡跳，在那人世間，相助共濟，應知人間小得俏。
世界真細小，小，小，小得真奇妙、妙、妙，　
實在真係細世界，嬌小而妙俏。

李敖來港了！！這對我來說，比當年第一位獲得諾貝爾文學獎的中國人~ 高行健的來訪要興奮、好奇得多。

一個56年從未離開過台灣本土，但世界視野一樣廣闊及觀察政情一樣犀利的歷史家、文學家，真期待他到訪的那一天。

近幾年我雖然在其某些地方有不敢苟同的觀點及也有點反感他常以一派宗主，天下唯我啱的走火入魔表現，但其橫溢的才華、高深的學識和犀利無比的思維同詞鋒，仍然使我對他佩服、嚮往。











參考網址: http://hk.geocities.com/tswrich/leeao/Lindex.htm

1. oD歌太長嘥位？

2. 做 mp3 鈴聲梗係要高潮嗰段！

3. 點 cut 都得。User vely friendly！！連我呢個電腦白痴都 handle 到喎！

4. 128MB 有百幾首 mp3。。。。hee hee heee~~~~呵呵呵~~~~~

冇得頂！

I. 按 [open] 選擇你要製作為鈴聲的檔案 (歌曲) 位置，插入檔案。

II. [from the beginning] 輸入你要cut走開頭的時間，[from the end] 輸入你要cut走尾段時間。右邊有兩個喇叭圖示按鈕，可試聽一小部份效果。For example：如歌曲原本長60秒，而家只想要由第11秒至第40秒，beginning 就要 set 10秒 這樣就會 cut 走開頭10秒；而 end 就要 set 20秒；這樣就會 cut 走結尾20秒。剩餘就是你想要的中段30秒歌曲啦。

III. Volume Control 可以增加或減低歌曲音量。不過呢，就唔好調得過大囉，因會有拆聲 o架嘛，+3/+6dB效果就最 vely good 嘞！

IV. Fade In / Fade Out 是用來調整開始及結束時聲音由小至大開始/由大至小結束。

V. Save As 完成後選擇儲存檔案位置後就大功告成，再從電腦傳送到手機就OK！

*Save 嗰時要小心 oD。一定要 Save As！如果唔係，你 cut 出嚟嘅傑作就會代替咗個原曲 o架啦！