網上百科全書

佢裏面所涵蓋嘅資料都幾齊全. 唯一麻煩嘅係每轉一頁新嘅版面都要click一次 "繁體" 先得. 如果唔係, 依然以簡體字為先.

睇呢個網, 佢會令你親身體會到咩嘢係學海無涯, 貪新 + 貪心. 因為差不多每一行都有可以click入去嘅新條目, 你click咗入去, 睇睇吓, 見到呢個terms係你不嬲想知嗰wor, 於是click入去; 又睇睇吓, 睇到第八行 (中間你可能已skip咗好多可click入去嘅topic), 咦, 呢個物理現象個名咁得意嘅, click入去吓先, 睇睇吓, 睇到~ "此現象與人體自燃現象在17世紀...........(這裏已有兩個條目可看: 人體自燃現象和17世紀)", 哎唷 "人體自燃現象"? 個terms咁得意嘅, click入去睇吓先.於是你又click入去咯噃. 點知裏面又有龐大嘅內容, 於是又再好似之前咁, 又再click, click-> click-> click, 一路閱讀, 一路click, 一層一層咁click落去, 繼續繼續, click吓click吓, 你會攪到唔記得咗一開始時你所睇嘅條目.

越讀得多, 越知得多; 知得越多, 自然越忘記得多; 忘記得越多呢, 知得就自然越少.......媽呀, 讀嚟做咩?!!?

總體來講, 係一個做得出色嘅網上encyclopaedia.