DESTROY IT!

Go All Out And To Destroy The Obstacles!!!

http://www.et.byu.edu/~sorefoot/Rocky%20Soundtrack%20-%20Eye%20of%20the%20Tiger.mp3

http://www.sce.pccu.edu.tw/card/boss/

+/-

臨瞓前收到個電話, 開場白細聲, 女聲嚟: ".......Vic...tor.......吖........" 喊緊wor~.......
好彩我認到把聲啫, Carry妹妹, 家陣陰曆七月吖!

唉, 其實因為拍拖而唔開心又好; 為咗工作上問題唔高興又好; 總之唔理為咩唔開心都好, 只要知道每一次嘅低潮嚟到即係等於開心就會跟住嚟嘅話, 咁就唔會怕 ga la! 潮有漲退, 月有陰晴圓缺嘛. 唯有經歷過痛苦, 不開心, 讓悲劇喺自己身上誕生, 咁, 先會知道咩係真正嘅快樂囉~ Un 唔 un?!

有oD悲觀者, 負能量帶菌者又會話: "咁快樂之後oD唔快樂咪又跟住嚟?! 妖!"

係wor. That's life嘛~ 咁先叫做做人. 妳估做嘢做到好辛苦之後去Maldives玩嚟得過癮 or 之前完全無辛苦無壓力無疲累情況下去, 好玩oD吖!?

有對比, 先知事物嘅真諦bor!
















P.S. 舊嘅唔去, 新嘅點會嚟!? 散咗咪散咗囉. 天涯何處無芳草? Take it easy~ Be happy!

Forensic Medicine

見到黎姿做法醫個樣有時會笑咗出嚟. 不過從另角度睇, 幾索!

時辰到(二)

講開唔知錯, 唔知點解自然會諗起我哋嘅香港特區政府, 諗起HK特區政府, 跟住就會好自自然然咁諗起最近嘅衛生局局長周一嶽. 而見到佢處理嘢oD手法, 又會picture到成個香港特區政府嗰wor, 好得意嘅真係.

香港自97年回歸, 經歷了一次又一次嘅災難後, 班公務員, 一衆高官嘅能力有多低大家有目共睹. 我不多贅. 忍唔住要X嘅係點解成Q日犯錯嘅?!?! 一次係咁, 第二次第三次又係咁, 到而家都仲係咁. 老懵時代嘅沙士事件, 基本上的事件模式同最近嘅猪菌及魚毒差不多, 只不過今次好彩, 未有大鑊嘢. 但諗起周一嶽喺呢幾次事情上嘅處理手法好似由最初隱瞞病菌在國內嘅嚴重程度, 未有全面禁止內地猪肉嘅輸入和仲死撑佢哋處理手法係冇錯等等, 就真係發覺到成個畫面都好似當年嘅沙士事件咁.

結果係點, 有少少留意新聞都知又撞板啦! 又好似呢兩日嘅毒鰻魚事件, 唉大佬, 原來oD日本仔早喺幾個月前己經同大陸響晒 horn ga la! 但港府就衰到呢兩日先知.......真係X~~~

錯, 做錯唔緊要. 但兩次, 三次四次都仲係咁, 唔懂得汲取教訓, 繼續犯錯, 咁先係問題. 仲要衰到厚顏無恥咁賴死唔走, 你有你鬧啦, 繼續un un腳出十鳩幾萬公帑一個月, 吹呀?! 大佬, 你值唔緊要, 我哋比稅出糧給你冇問題wor~ 但你做oD嘢出嚟要比我地認為你係值呢筆$先得ga~! 扑街次次都撞板嘅點解?!

真係唔知梗係要炳. 但知, 不過因為驚得罪中國政府而把事情強張淡化甚至離譜到企圖隱瞞, 拖得就拖嘅話, 就更加抵X!

香港幾時淪落到咁折墮; 幾時攪撚到咁撚cheap?!?!! 連呢oD嘢都要睇國內嘅面色?! 唔怪得oD人成日話信中共盞死. 唔駛50年, 幾年已經變@晒! 你哋睇Jardin Group嘅Keswik's Family, 許家屯同倪匡等等會唔會信共產黨?!?

可以看出, 而家新特首所帶領嘅成隊crew唔會好得過上一手幾多, 喺對香港嘅貢獻上. 因為最根本嘅係整個道德風氣及制度嘅問題. 而且, donald仔比老懵醒好多, 更善於鑽營, 更勇於奉承上面. 所以, 佢對HK所造成嘅傷害相對地亦只會更大. 而家已經應驗啦, 用行政命令去實行秘密監聽, 變種二十三條! 換咗係以前嘅老懵, 識春?!

冇囂神~ donald仔就唔會有周一嶽之流呢oD馬仔; 同樣, 冇中共, donald仔亦冇機會上位. 阿公落咗order, 話喺呢兩年要全體官員安然過渡, 咁, 擦鞋仔又點會郁任何一人?

英國大文豪~ 蕭伯納(George Bernard Shaw, 1856 - 1950)講過, 政治同女性性器官同樣污穢. 但睇到現在嘅特首對上頭那種獻媚, 終日只識諗方法應該點樣去舔嘅醜態, 根本就稱不上甚麼政治. 而且, 要應付香港那群跳樑小丑, 二打六政客亦無需甚麼高超政治招數.

佛家講過, 每個人每做一樣嘢, 其能量最終都會反彈到本身身上. 故此有因果循環之道. 又正如毛澤東所講, 報應未報只係時辰未到. 所以, 好似donald呢班偽君子, 如今嘅風光只不過係曇花一現. 試問, 又有誰會知道, 老懵會下台呢?

黄色?黑色?

Mammy頭先食飯嗰時話: "今朝黄色暴雨, 好大呀!"
"o物黄色咋咩?" 我話.
"我一路剩係見到黃色咋wor~"

......點解今朝早六點幾我睇電嗰陣舊雲黑色嘅?

時辰到(一)

瘋牛, 猪菌, 鷄瘟, 魚毒, 一大堆呢oD發自我們日常食用生物的病菌, 彷彿一下子來個大反撲!

人類自豢養生畜開始, 由於人畜彼此之間的緊密接觸, 原本在動物身上的病菌經過長年累月嘅演變進化, 得以變種入侵人類. (詳情可參閱 "槍炮、病菌與鋼鐵":人類社會的命運~ 原書名 : GUNS, GERMS AND STEEL: THE FATES OF HUMAN SOCIETIES 著者 : JARAD DIAMOND 賈德.戴蒙)http://jointpublishing.com/model/bookdetail.asp?ISBN=957-13-2730-1

但最近根據科學界研究指出, 這二十多年來發自人類所豢養的禽畜體內的病菌, 主要成因係由於人類違反咗自然. 好簡單, 例如人類把飼養猪牛的飼料加入肉類 (冇攪錯, 係肉wor!!!); 用各式各種生化飼料去餵鷄鴨等, X! 吓吓講效率, 經濟成本而目空一切, 離Q晒大譜! 這使到一些病菌在不應該, 不可能會有如此變化的情況下變成順理成章, 變得可以, 演化成如今嘅牛猪鷄等等病菌.

加上人類嘅不環保, 不斷的污染, 就連魚類亦加入反撲行列. 最近又有新嘢啦! 在鰻魚身上的甚麼孔雀綠毒.

菜, 又話有殺蟲水.......

遲oD唔知我哋仲可以食oD咩呢?

好像, 人類被大報復嘅時辰正在 "活躍" 展開. 慘~

但仲好似唔知錯嗰wor! 唔通情況真係要去到無得救嘅地步先醒悟?!

弟一個回應

今日我嘅電郵收到呢個回應:

"Dear Victor,

Please amend 古希臘畢達哥斯拉 is古希臘人 畢達哥拉斯(Pythagoras) 他是數學之父. (哈哈哈 哥斯拉 是 恐龍 ??? )"

哈, 有人睇我, hee hee hee!

Thank you Karin姐.

喂, 下次直接喺呢度comment啦!!!!!! 唔佳!

不懂珍惜友情的朋友, 如今我會毫不猶豫的不要.

一點點可惜都沒有.

黑色了~ 激

唉, 今日場tennis要取消啦~

聽講會落足一個星期......唔係fa~~~~~~~~~

生命密碼(一)

"生命秘數
來自古希臘的神秘訊息，揭開生命中的秘數...要知道您的生命秘數嗎？介紹您一個最簡易的方法：那就是將您的出生年月日（西元）總數加起來所得的個位數，那就是您的生命秘數了！例如：出生年月日是一九七四年十月二十日。您的生命秘數就是： 1974/10/23 （將所有單數加起來）1+9+7+4+1+0+2+3=27, 2+7= 9, 那麽9就是您的生命秘數。而密碼組合就是279。 （如果是10，20那就是1，2）這代表您生命付予您的特質！

1號係我: 28101
1 號人物這是個熱愛生命，喜歡開創新奇事物的表徵。數字1代表的正面特質：領袖氣質，創意，勇氣，能量，慷慨大方，勤奮，獨立自主，險性，熱情和直覺性。你通常會設立一個偉大的計畫，然後全心全意地投入，未達到目標絕不善罷甘休。數字1代表的負面特質：你也可能會變得非常獨裁，報復性強、過於強勢、行為消極、過度依賴與不合作等。同時，你也有可能變得浮燥、自私、好吹牛，自大和懶散。職業選擇： 1號的人，是個天生的領導人物。 你擁有比他人強的勇氣、創意、膽識、和改革的意願.，所以你最適合成為發明家、製作人、設計師、導演、和獨立事業的開創者。1號的名人：馬丁路德 (美國黑人領袖)、戈爾巴喬夫 (前蘇聯總書記)、雲妮候斯頓（美國女歌星）、卡洛琳公主（摩納哥）、 哈里森福特（美國演員）。

2號人物數字2代表的正面特質：體貼、善於溝通、和平使者、溫文如雅、外交手腕強、接納性廣、機智敏銳。所以2號人通常都是最佳的傾聽者和仲裁者。你可以是位有耐性、合作性佳、值得信賴、忠誠度高、通融性高、敏感和謹慎的人。數字2代表的負面特質：你可能會過於敏感、容易受騙、或者只看感情膚淺的一面。同時也常常是鬱鬱寡歡、不可捉摸，你也可能變得事事猶豫不決、憂柔寡斷。尤其當你不合作的時候，你可是一位最令人頭痛的麻煩人物，對 那些感到恐懼的事會過度小心。職業選擇：政治人物、律師、外交官、社會工作者、顧問、心靈醫療、護理人員、或任何與發展和平運動有關的工作人員。 因為2號數字所代表的創意潛能，所以非常適合出色的作家、藝術家、舞蹈家與作曲家。2 號的名人：麥當娜（美國女歌手）、 查里斯王子（英國）、黛安娜羅斯 （美國女歌手）、克林頓（美國總統）、朗奴列根（美國已故總統）、 莫札特（音樂家） 。

3號人物數字3代表的正面特質：喜愛歡愉、熱心、快樂、大方、對生命充滿熱忱。你非常具有創造力、樂觀、活潑外向，並且善長於激發他人、溝通良好、關心他人、適應力強。數字3代表的負面特質：容易有賣弄風情、注意力不集中的傾向。較重表面、不夠實際、愛做白日夢、憤世嫉俗、且焦躁不安；特別是喜歡爛用職權、注意力渙散、脾氣暴躁和試圖欺瞞的傾向，容易引起他人的誤解。職業選擇：3號是一個非常具有原創性與思考性的號碼，所以那些出色的創意者和思想家幾乎都與3號脫不了關係。當然，我們所熟知的優良作家，表演藝術家，諧星和音樂家們，生命數字中都有3的存在。 任何推廣銷售與美有關的事情，或是像那些從事教士、舞蹈、教學類工作的人，都與3號數字結緣。3號的名人：甘地 （印度民族運動領袖）

4號人物數字4代表的正面特質：持續力足、實際、動機強，有責任感，值得信賴，有自制力，並且是個定力十足的人。你非常的乾淨俐落、有效率、樂於助人、集中精力且勤奮工作。思維邏輯、行為舉止誠懇、忠心且信守承諾。數字4代表的負面特質：最大的弱點在於意志常常被誤導，因此變得毫無耐性、毫不在乎、獨斷獨行、甚至有暴力傾向。你的拒絕改變，會給人一種心思狹隘,、故意不妥協、及精神官能方面的問題。另一方面，所謂的「信賴感」也意謂著了無生趣，和怠惰懶散。職業選擇：所有與身體和心理建造的工作，都與結構性強的4號數字有關。比如農耕者、礦工、漆牆工人、藝品匠、占術師、星象師、化學家和財務分析顧問這類工作，都非常吸引生命密碼含4號數字的人。4號數字的人，同時對舉辦活動和社會福利方面的工作感到興趣。4號的名人：戴卓爾夫人（英國前首相）、 阿諾舒華辛力加（美國電影明星）、佛洛伊德（奧國精神分析學家）。

5號人物數字5代表的正面特質：5 這個數字，本身就代表著熱情和清晰的思維。你相當的慧黠聰穎、競爭能力強、多才多藝、具吸引力、友善熱情、敏感受歡迎。你喜歡新鮮事物、永於接受改變、也容易成功。熱愛自由和冒險、特別熱衷於到處旅遊。數字5代表的負面特質： 容易成為博而不精的人。5號數可能無法專注於某一件事情上，猶豫不決、吊兒郎當、毫不在意、並害怕因過於親膩的關係而受到束縛。另外，不開心的5號，會變得索求無度、欺瞞的偽君子，和具破壞力的不安份子。你也可能讓自己一昧地追求名氣和財富，而忽略了充實內在的自我。 職業選擇：通常扮演一位協調溝通的要員，是個標準的點子搜集大王。5號數最好發揮在廣告這個行業上。演說家、播報員、寫作者、雜誌編輯、音樂家、調查幹員、或是銷售人員，都受到5數的影響。同時，5號數成就不少出色的演員、口譯專家、科學家和研究員。5號的名人：林肯（美國第十六任總統）、希特拉（納粹黨領袖，曾任德國總理）、阿加斯（美國網球明星）、馬龍白蘭度（美國名演員）、梵谷（荷蘭名畫家）。

6號人物數字6代表的正面特質：6號數字容易激發靈感，產生智慧與理解力。你能夠慈悲為懷、深具愛心、富創造力、寬容慷慨、設身處地為他人著想。6號數字和諧、耐心穩定、優雅且正直，具有哲學性思維和強烈的直覺意識。你追求有內涵意義的人際關係，是個愛家並關心他人的人。數字6代表的負面特質：過於理想化、不切實際、妒嫉與好辯，往往是6號數字必須克服的最大障礙。當6號數字不再扮演智慧的諮商者時，就會成為一個處處干涉、嘮嘮叨叨的挑剔者。要求完美的6號數字，通常會批評、過度幻想、盲目頑固、而且報復心重。6號數字有時會以殉難者的姿態出現，並且非常地缺乏自尊心。職業選擇：這是個具有智慧的管理者，一般在教導、撫育、醫藥、諮商、社會工作、褓姆、園藝和農林方面、都有傑出的表現。6號數字無論在哪一個職稱上，都能為大環境和生命帶來快樂。6號的名人：尼克遜（美國已故前總統）、史提芬溫達（美國盲人名歌手）、 梅麗史翠普（美國名演員）、 史提芬史匹堡（美國著名電影製片導演）。

7 號人物數字7代表的正面特質：7號數字本身代表了冥想、感知的、內省的、以及靈性的。通常你非常的謙和、誠實且有智慧，擅長給予建議。7號數有強烈的慾望從事服務工作，擔任一個從旁觀察的角色。始終保有十足的自信心，熱愛大自然生態。 數字7代表的負面特質：做為一個孤獨者和內省性的人，7號數者對許多人來說，又會顯得過於冷漠、極不願意接受他人的批評，成為一位反社交不合群的怪物。有時也會變得有些鬼鬼祟祟、隱隱藏藏的樣子。原本內向羞怯的個性，會導致自卑感和自大傲慢。另外，如果7號數的人在追求心靈啟發上遭到失敗和挫折，很可能會轉成過度放縱身體上面的享受。職業選擇：7號數字的人適合從事任何與研究細節有關的，以及那些整理歸納完成過程的工作。這個所謂的完美主義者所擔任的職業包括有：工程師、律師、科學家、醫療師、研究學者等。尤其是那些和服務相關的事情，比之於賺錢更吸引7號數的人。7號的名人：戴安娜王妃（前英國儲妃，已故）、 瑪麗蓮夢露（美國已故性感明星）、邱吉爾（英國首相，政治家）、 約翰甘迺迪（美國已故前總統）。

8 號人物數字8代表的正面特質： 8 數是個實際、有企圖和原動力的組織者。你具有超人的商業頭腦、聰明練達、深具信心和決斷力，擁有一切成就大事業的領導特質。8號數在直覺、甚至於靈媒研究和分析思考上，都是個中翹楚。8號人相當的誠懇，特別傾向於成為提供者與成立家園的人。數字8代表的負面特質：8號數字的人，可能會變得高傲、固執、記仇、唯物主義、無情性格的傾向和爛用職權。 你同時會傾向於毫無耐性、意志力薄弱、和無道德感。另外較常發生的情況是，容易過度擔憂、與人爭論、缺乏自發性、無法忍受他人的意見。職業選擇：8 號數的組織力與解析能力特強，在選擇事業上，有關科學的、財務的、架構的、營建的、法律的、警務的、軍事的、監督等有關的事務，都相當合適。這號數字的人同樣具有洞察事情的能力，對於心理學、醫藥學和治療病患有顯著的功力。8號的名人：伊莉莎伯泰萊（美國名演員）、芭芭拉史翠珊（美國名歌手，名電影製片演員）、南西列根（美國前第一夫人）、布殊夫人（美國前第一夫人）、 希拉莉克林頓（美國第一夫人，著名律師）、畢卡索（名畫家）。

9 號人物數字9代表的正面特質：具有人道精神、自我控制和心思寬大的特性。你是天生的創意家與心靈導師。9號的人喜愛平衡與和平，是個體貼分享的人。有智慧的心靈懂得如何去追求快樂和幸運，並且富有責任感。數字9代表的負面特質：也許會自私、卑屈奉承、自訂遊戲規則。如果缺乏平衡的話，會導致個性過於強悍，有毀滅性、擅於批評、和憤世嫉俗的特性。職業選擇：標準的夢想家、教師、傳教士、科學家、藝術家與外科醫生都是相當合適的職業。9號數的人無論是心靈或身體，一向都是旅遊到好遠好遠的地方。凡是那些與整治世界有關連的行業，都會被深深的吸引住。9號的名人：甘地夫人（印度前總理）、 德斯汀荷夫曼（美國著名演員）。"

補充一點, 生命密碼其實即係統計嚟. 由一精於哲學, 數學嘅古希臘畢達哥斯拉派所創. 個人認為若論精細度, 固然遠不及子平八字, 紫薇斗數等. 但它對個人基本性格所剖析的清楚深入程度其實已綽綽有餘. 而且勝在易上手兼用來溝女認真一流.

說到底, 它怎樣都係 *西方三大神秘學之一, 必有其獨步之處.

*其餘二者為占星術(astrology) 及塔羅(Tarot)

http://www.facade.com/

http://www.tarot.com/tarot/index.php?

Who was the GREATEST PHILOSOPHER~

我投咗Socrates一票.




Although he wrote nothing down, with him in the lead, his two apprentices~ Plato and Aristotle became the great philosophers, who influence philosophers that come after them. That was enough! Haa haaa!



聽剩幾個, 頂唔順. 今日 "雁奏" 再嚟.

咁快弟二日嘅凌浪晨lu......

出面仲好大雨......

好朋友嘅餐廳~ Rico Bistro

Bowie, 我嘅Blog, 點可以少咗妳嘅存在吖!

一向鐘意飲; 鐘意食; 鐘意歐陸feel; 鐘意靚嘢! 呢間西班牙地中海餐廳可以算係滿足晒我.

Missed咗佢嘅grand opening之後去試過幾次, 分別食咗下午茶餐(地中海鷄胸salad), 午餐(西班牙鴨胸with rice in spanish style)同一次佢嘅小食.

裝修有南歐feel, 主色紅+綠但不落俗套, 可以知道確花過心思, 而且仲帶出熱情韻味. 但認為可以再好oD.

價錢OK; 整oD食物有heart! 好似oD鴨胸咁, 一塊塊肉o地軟硬適中, 有口感; 肉心透着粉紅, 入口會有少少溶化嘅感覺; 配汁方面味重得嚟唔搶, 掂! 另外, oD伴菜都蠻豐富吓. 唯一美中不足嘅係oD飯100%香港style. 西班牙炒飯應該係半生熟 (退一丁點步, 可以七成啫), 硬硬哋ga ma. 常覺得真係唔應該為咗迎合討好食客而把餐廳食物本地化. 因為它所吸引到客人之處正正就係其提供那國家地方食物嘅精髓特色.

至於個salad, better than fine. 勁多鷄胸; oD沙律醬唔肥, 好健康. 冇記錯嘅話好似$30 "零" 蚊左右, 幾抵.

oD小食嘛, 都幾好味. 有機會會試齊佢嗰30幾款snacks!

聽講下個月有酒牌~ 嘩, 平時夜晚坐喺露天嗰part, 固然掂. 星期六, 日下午o搭番幾杯house wine或者啤酒, 聽住呢度播嘅Julio Iglesias 或者 Luis Miguel music, 簡直 wonderful! 不失為一與女共渡嘅好地方. Run女lum女, 地點都好緊要嘛~

Bowie, 如果下次我同女朋友嚟, 識做啦! Heeeee~













地址﹕灣仔港灣道灣景中心（三里屯）一樓四號舖
電話﹕2877 2872
營業時間﹕上午11﹕30至晚上11﹕30
泊車﹕新鴻基中心設停車場，每小時﹩22
備註﹕室內屬禁煙區

P.S. 有任何available嘅靚女 (指揾 o緊工嘅) 睇咗拙blog, 可以打去in in ga!


Music: La Paloma by Julio Iglesias

http://www32.websamba.com/frisk/gz.mp3

醉幻迷離 人生是戲

我係我~

問我

問我歡呼聲有幾多　問我悲哭聲有幾多
我如何能夠一一去數清楚
問我點解會高興　究竟點解要苦楚
我笑住回答　講一聲　我係我

無論我有百般對　或者千般錯
全心去承受結果
面對世界一切　那怕會如何
全心保存真的我

問我得失有幾多　其實得失不必清楚
我但求能夠一一去數清楚
願我一生去到終結　無論歷盡幾許風波
我仍然能夠講一聲　我係我


http://music.baijiazi.com/date/20041120/jp2/13.mp3 ( Music: 問我 By 陳麗斯/ 黎小田曲/ 黃霑詞)

唔識聽jazz. 只係覺得坐喺酒店coffee shop或者食buffet時有佢真係唔錯, 直情有靚whisky加一粒冰嘅效果.

冇工開, 今日偶爾坐喺自己屋企張 "梳化" 睇番自己平日所作, 冇人肯出書嘅文章及讀U時嘅論文, 報告(包括唔及格嗰oD); 聽住唔知點解我爹會攞咗我一位由老友所送, 嚟播的jazz; 飲住齋啡, 加出面天黑黑, 有oD mist, 濕濕的但涼快嘅天氣, 感覺好blue. 係relaxed blue~ 正!

Victor

P.S. 陰天幾好吖!

http://www.hackerstoeic.com/bbs/data/B_others_popsong/Armstrong_What_a_wonderful_world.mp3

開Blog大喜, 有頗多的點子, 例如: 飲high先寫第一篇嘢啦; 隊完 "草"先寫啦; 等mood好down嗰時先嚟啦; 諗住狠狠的寫佢他媽的萬幾字;作為開始啦等等. 但後來諗諗吓, 何必如此在意. 反正一切順其自然那就自然來得舒服寫意~ "盡其在我; 簡單是美" ~ 這不正是寫Blog嘅原意?!

......或許, 亦係因為懶的原因吧! (唉, 你哋知啦, 手寫板好Q "烚" o架嘛!)






全部, 由今日開始~









Hi! 我係VICTOR!