Friday, April 30, 2010

無聲流逝

紅歌唔紅人,都好過好聽嘅歌紅都未紅過。呢首絕對係表表者。



呢首流亡舞影,樂隊 Fundamental,當年唔紅又唔流行,可惜。您記得嘛?

人生,亦多的是。

Thursday, April 29, 2010

正玩具


80年代中期以前出世嘅您,仲記唔記得 Peter Pan?呢,喺中環畢打街,而家嘅上海灘位置,賣好多一般玩具舖冇得賣嘅玩意兒嘅,例如卡通人物衣服裝扮,又例如最經典,賣一啲用嚟整蠱人嘅道具~ 彈弓香口膠、假屎、臭彈、痕粉同血丸等等。

Peter Pan 消失後,以上嗰啲玩意兒冇再見過,哈,估唔到,喺玩具反斗城再次遇上喎 (見圖)!!!正呀!!!

我足足行咗差唔多成個鐘,除咗一過咗童心兒時回憶,仲發現咗好多有趣又益智嘅玩具,好似各項棋類、多元化生態缸、小型實驗室同薯仔發電器。。。。嘩!真係好乸正!

當中仲有啲啱大人玩嘅,好精緻好攻心!過兩日再介紹。

Wednesday, April 28, 2010

「信仰」的好處

上星期的兩則新聞:

一,有一電器店職員,在介紹店舖貨品時,因誇大了抽氣扇的轉數,被政府拘捕,判監十星期。

二,各大地產商的樓盤廣告誇張失實,如避風塘繪成脫俗湖境,四圍工廠區畫成四周青蔥,大臭渠變成健康行大休憩徑,更當然少不了層數不實的一跳多層等。

事件一,所涉及的金額數百至數千。事件二,所涉及的數目數百萬至數億。一千幾百比天文數字。若然兩宗新聞都是欺詐,為甚麼前者要被判有罪,後者卻仍逍遙法外,甚至現在仍然惡形惡相,其職員敢阻止客人量度單位尺寸,其一眾老闆們仍敢反政府而行?!

是的,政府怕了腰纏萬貫的大地產商富豪們。但更可恥嘔心的是,明目張膽的欺善怕惡。

為官的怕了富豪們向他們的中央上司打小報告;怕沒了退休後的第二春;怕子孫絕了財路。先說第二點,高官,公務員們之所以薪優祿厚,為的就是希望能確保他們廉正,安份。但這班人,卻不但在在任時不知足,炒樓做生意大有人在。還長遠計的謀定退休後進入私人機構發更大的財而在在位時官商勾結。這樣,還值得我們納稅人供養這群「貪官」嗎?

至於第一點,唉,只有沒真正權力,庸君才會被,甘心被財閥們欺負、控制。看看我國歷代帝皇,即使是末朝昏君,都不曾有過是怕財閥的。又看看外人如希特勒,先和克魯伯集團互利互惠到後來反過來,希特勒將後者徹底駕駑;又或尼克遜,敢向競選時支持他的財閥們說不並攤牌;再看看蔣介石,將扶持他的三大家族完全掌控在股掌之中;又再看看我們的中共中央,從毛武帝到現在的胡君一眾,可曾會向財閥們低頭過!

沒用沒膽沒真實力,無能無恥無公允,算了,反正香港人要求不高,易知足滿足,慣了逆來順受易管治。但政府卻一而再再而三一次又一次的運用,濫用權力向小市民施威,勇於向平民百性開刀用法,看看警力的犯濫,看看向八十後的秋後算帳,看看對異見者的打壓,再看看今次兩宗欺騙事件的不公平結果,這更顯得其底子虛潺,內心醜陋。

和諧?怎和諧?!分化?是誰在分化?!是誰在攪分化?!對平民百姓不斷又打又罵又兇又騙,對權貴們低聲下氣讓步畏縮拋眉弄眼特權多多,貧者越貧無出頭,富者越富機會盡霸,社會怎不會有怨氣?!

最後,關於第三點,只可惜,我相信他們是不相信報應這回事的。他們有的,頂多是或者在週六週日,上上光鮮派對,唱唱詩歌的那些信仰。

今世完了上天堂。

Tuesday, April 27, 2010

工作地


新公司喺一幢好清靜又神秘嘅大廈。好正嘅!

座大廈賣好貴嘅嘢,折 Q 咗好都仍然好貴!不過,啲嘢又係好正嘅嘢嚟!

好似照片中嘅雪糕,成三十三蚊一小碗,但敢講仲好味過 Hagen Daz 同 Dreyer's!

呢座嘢,仲有好多名人明星去,亦有唔少鬈人 tim。

Monday, April 26, 2010

憑一壺清茶,平靜內心風沙~ 神秘食店!


這是個非一般廣告。

這間餐廳,無論係地點、佈置、氣氛,都一流水準,充滿特色。「她」的菜式,更是 fusion 得精彩!

「她」身處蘭桂坊中心之中心,就在廿多年前我蒲的,至今仍在的 Post 97 樓上。「她」地方雖小然佈置的骰,店主不會為賺多一點而犧牲客人的私人空間,寬敞舒服。而且,滿載東方氣質古色古香。

食物方面,我常說,美味好吃,多貴也抵。何況,那裡的價錢也著實公道 (整套菜多樣多元化,人均消費三百多或五百塊有找。)。更而且,其 fusion 菜對您的味覺,肯定寵弄得慾仙慾死!

那裡的傢俬檯椅擺設,木香處處,木櫃裡書香滿溢,隨著店主真傳弟子為您沖出來的茶香,我為「她」私下稱作「四香私房菜棧」。木香、書香、茶香、菜香是也。有幸有緣,您還能享用到店主的親自茶藝。

這間店,對我來說,還有友香。但請放心,如果您去嚐過,也一定會知道,我對此篇的讚賞,是出於真心表揚,第二才是由於和店主之友香。

地址:蘭桂坊,Post 97樓上,10樓。慶公宴。

Sunday, April 25, 2010

靚正飲咖啡


唔少人番工嘅時候,包括朝早、中午、下晝都會去星記、太平洋記或者其他咖啡店整番杯咖啡嘆。佢哋啲咖啡質素,好啩。

我呢,都有嘅,不過只係喺而家間新公司番工先會。因為,老闆係歐洲人,佢對咖啡要求亦高,所以,公司啲咖啡同部咖啡機都好正!沖出嚟啲 Cappuccino 同 Espresso 直頭比得上出面嗰啲甚至更正!

最重要係,heeee heee,好飲又唔駛 $ 吖嘛!星記等等嗰啲,成廿幾三十蚊一杯,您哋死未?!呵呵呵!

Saturday, April 24, 2010

現世天梯


最近番新工,喺途中,無意中見到照片入面嘅嘢,即刻用手機拍低!

大家認為照片中邊樣係主角呢?

聰明!係條樓梯!係條直到攞命,直 Q 到上樓梯好似爬天梯上華山,落樓梯好似跳樓咁嘅樓梯!

睇真啲啦,好得人驚呀呵?!

嗰個屋苑,事實上,亦好似升咗天嘅天國屋苑咁。。。。哎唷!末世亂世,咩都現晒!邪!

Friday, April 23, 2010

得曲譜!

有好多歌曲都好好聽 (包括伴奏),成日都好想搵到鍾意樂曲嘅曲譜,由自己親手演繹,嗰種快慰滿足,真係無與倫比!但係,要搵到,呢個係好難嘅事。

哈!互聯網真係一流嘞!連呢樣都可以幫到手,搵到!

好似照片中首耳熟能詳,探戈經典中嘅經典,電影「女人香」入面阿爾帕仙奴同靚女跳 Tango 一幕嘅嗰首醉人樂曲嘅曲譜~ Por Una Cabeza,我喺網上面搵到呀!!好嘢!!!

真係好興奮!!!!!搵到嗰刻,即頭感動到想喊!

而且,唔只有獨奏,仲有 o埋首曲所需要嘅其他聲部同樂器嘅譜 tim!可以成隊 Band 嚟玩!

簡直讚嘆!

Thursday, April 22, 2010

雜貨舖情


好鍾意呢類喺日常生活用品上幾乎咩都有得賣嘅店舖 (連小食都有得賣)。當中表表者有日本城同照片中嘅 Jusco 10蚊廣場。而後者比前者更多嘢賣,花臣更多!

貨品真係包羅萬有,花樣百出!窩心體貼到好似連出席喪禮用嘅穿戴方便式黑領帶都有!又好似平時冇乜用但要用起上嚟又唔知邊度可以買到嘅,如載禮物嘅各 size 硬紙盒咁,又有喎!細路玩具呢,吖又有!仲有,連人類嘅好朋友貓貓狗狗嘅屋屋、竇口、玩具同食物都照顧 o埋 tim!唷!唷!唷!

最正係價錢又抵,貨品質素又得,真係~ 他媽~~~~~ 的好!

其實,呢類店舖就等於我哋日漸式微嘅雜貨舖,佢哋,而家只可以喺舊型公共屋村同舊區老街如春秧街先有。唉~

連雜貨舖都畀連鎖店取代咯。

Tuesday, April 20, 2010

瞓唔瞓?!

喺 Yahoo 見到呢幅圖,哈哈,幾啱!相信都適合大部份嘅您!

我呢,唔好 Facebook,YouTube 唔會長時間係咁睇,Blog,已過咗沉迷期。不過,好多時冇嘢好都唔願瞓。最慘係,有時 (好彩只係有時),好攰想瞓但瞓唔著!

而更慘嘅係,偏偏到到朝早要番工嗰陣先有睡意!仲要係極濃嗰隻!

Monday, April 19, 2010

無心地


腰纏萬貫的富豪們,香港,也是你們的家!

前兩年在大坑住了一段日子,這地方,我好鐘意,靜中離旺不遠,自成一角,令人彷似身處異域。而最迷人是那裡的茶餐廳、快餐店、餐廳、舖頭以至報紙檔,大家之間與鄰居,甚至客人之間都打成一遍,有濃濃人情味感覺。像有一次,我經過其中一間報紙檔,沒帶打火機,於是問檔主借機一用,那位阿姐遞給我後,笑著說:「送了給你吧。」那時我才剛剛搬入去的呢,和她都未熟絡!

又有一次,我在其中一間快餐店吃完東西,但忘了帶錢包,他們竟然相信我,讓我回來再付錢。

總之,無論是地方位置、環境和人情味,尤其是已幾人絕迹,那老香港歲月的濃濃人情味,都真的如一個小小村落小鎮,捧!大坑,一處在夾縫中,本來很易被遺忘的老香港情懷舊區小天地。

可惜,可惜如戰亂一樣,又「轟隆」一聲,又多一個地方淪陷,聽說又一支「翻新發展入侵軍隊」將會把那裡弄個翻天覆地。若果是真的話,不用多久,香港又多一個變成制服式的高廈林立,毫無特式,冷冰冰的地方。

香港,已是一個由大地產商,有錢人主宰話事的地方。以前由英國人管治,還有個譜。現在,大家同是黃種人,官商互惠,官甚至調轉頭要買富豪們的怕,怕他們不讓自己日後到他們的集團坐享高薪厚祿,怕他們向上講壞話打小報告。

完全可看到特區政府根本沒打算就極度嚴重的貧富懸殊問題,及一連串經濟民生問題想辦法解決,就連嘗試紓緩都懶得做。反正將公務員及高官一貫少做少錯不做不錯,人工照袋福利照享,準時收工定時放大假優良傳統特性貫徹執行到底,一樣安享在位,舒舒服服,離開後更仍大把世界,那為何要自己攞苦來辛?!

所以,大地產商,富豪們便過份咯!便肆無忌憚咯!便囂張跋扈咯!樓價瘋高,租金攞命!如何買樓置業不講了,今講租一個單位自食其力,單是租金已要了半條命,而百物因地產狂颷而上漲騰貴,在香港做生意,可憐但是事實的說,打和甚或蝕一點已叫有賺!好了,若然頭腦眼光加努力,有幸運配合推一大把,得到回報,生意興隆,也不能開心,仍然頭痕頭痛,因為大地產商大業主們就會立刻瘋撲過來,狂加你租,跟你分身家!

環境如此,搵食如此,大集團攏斷經營,還有甚麼性格,人情味可言?一處地方,變成一個皮笑肉不笑,沒有心的包著人皮肉的漂亮機械再造人,還沾沾自喜引以為傲。。。。像我現在住的那裡,連最後一間報紙檔也消失了,買報紙也要到連鎖店及超市買,這地方,這香港,您,還會留戀嗎?

Sunday, April 18, 2010

所愛品味和感覺,如這一角。




冥想、靜思、看書、寫作、飲番杯,甚至甚麼也不做,坐著呆望,一流。

Saturday, April 17, 2010

再轉貼蔡瀾一文~ 新悲情都市


一向近乎不問世事,閒雲野鶴的蔡瀾就天水圍為民 Project 一事於生果報第二次發火狠批特衰政府,唉,呢個政府,連人哋幫佢出 o埋力出 o埋錢都可以有咁嘅反應同結果,睇嚟,真係要有一次杰杰地先有得救!

「2010年04月12日

天水圍的那塊地皮,我們本來設計為一個大型的大牌檔,讓天水圍居民,各自發揮所長,出來做小生意,希望有出人頭地的一天。

當今,政府經一年多的考慮,決定建『高級』住宅,供老人居住。

一說到造福長者,就可以把所有的人的嘴巴封住了吧?

天呀!原來的意思,是讓天水圍人民擺脫『悲情都市』的形象,才搞飲飲食食那種有活力的計劃,當今把一大堆老人搬去給天水圍居民服侍,那怕只有悲上加悲了。

如果是廉價住宅,那還說得上造福老人,賣貴房子給長者,有多少個買得起?家裏有錢的,子女為他們請一個菲律賓或印尼家政助理照顧,也不必搬去天水圍呀。

對,外國是有老人福利區這種先進的構思,但需要整個配套,有醫院,有康樂措施,有高爾夫球場。

單單是一個濕地公園,足夠嗎?

而且,建了老人屋之後,就讓這群長者自生自毀嗎?有什麼長遠的計劃?看政府的報告,完全沒有提到。

能為天水圍居民就業一千多個嗎?老人村裏最需要的是照顧人員,天水圍居民肯做些事嗎?不是留給外勞去做嗎?要知道,照顧老人,是天下最難的事。

蓋房子也需要天水圍人呀!哈哈哈哈,他們是專業技工嗎?就算為此去受訓,搭了一次也就完了,怎會帶給天水圍人一點點的希望呢?

做此決定的高官們最舒服了,做完這短期計劃後就拍拍屁股走人,沒有比這件事更容易,更不必揹鑊了。

這個老人村怎麼收科呢?老人生活在一塊磨擦多,報上常見七八十歲老頭互相斬人的事件,到時又要出現另一個新悲情都市。

唉,好一群『服務』市民的高官!好一群新悲情都市的製造者。

(蔡瀾)」

Wednesday, April 14, 2010

食蕉蕉

一向唔鍾意食生果,我係指通常一般成日都會食嗰啲,好似橙、蘋果同梨呢的咁。榴槤,西瓜,山竹就好鍾意,但唔會日日都食咖嘛。

不過,最近有所改變。不久前,我忽然習慣咗每日食蕉。食真香蕉。

而且,食嘅方式唔係就咁常規食法,係點呢,有以下幾種:

1. 用口咬開一嚿嚿「o累」喺碗度用筷子夾嚟食。

2. 第一種係清吃。呢種係用口咬開一嚿嚿,「o累」喺碗度之後,加糖漿加朱古力醬,用筷子夾嚟食。(驚大家話核突,您哋又成日話我啲食物相驚嚇,hummm,呢種食法幅相唔 post 咯都係。)

3. 搣開蕉皮之後,用匙羹刮蕉肉,即係食蕉蓉。

第二同第三種好正嘅,唔信,試試。有閒情心機嘅,仲可以將條香蕉切開兩邊,放喺個碟度,加糖漿加朱古力醬,最重要加 o埋雪糕,自製香蕉船,人生樂趣滿瀉!

Tuesday, April 13, 2010

煙酒雙魔

隸屬半個煙鏟同半個酒鬼嘅我,酒已叫做戒咗,煙呢。。。。X,真係好乸難戒!有睇開呢度嘅您都知我又咁又咁,成日話戒但都戒唔到。。。。唉~

但我而家急切須要戒,唔戒唔得嘞真係!因為,要造人啦嘛!嘻嘻!

講開戒呢兩樣嘢,都算權威嘅我有以下經驗~

煙癮呢,食飽嗰陣最甘頂嘅!(煙癮起嗰陣成日好似差咗啲嘢咁,又有鼻水口水又多,心思思心癢癢坐唔安企唔定,見到有人食即刻深呼吸種種呢啲,真係折墮挑那星!)

而最想飲酒嘅時候呢,相反係未食嘢之前噃!

要戒酒,食到飽或者食啲嘢就得 (尤其是食甜嘢!)。而煙癮嗰種「搵上門淫威」,吖 X,真係冇嘢能夠頂替頂撚得住!所以,戒酒絕對易過戒煙嘅係!

最近我試過戒煙貼,唔錯,我試過連戒煙糖雙管齊下,幾得!如果,加 o埋強大意志,三合一,我諗有望戒煙成功!

Monday, April 12, 2010

道理


俄羅斯首都莫斯科於前在黃金繁忙上班時間受到恐怖襲擊。兩名來自高加索,疑是與車臣分離分子有關的女人以自己作肉炸彈,分別在兩列地鐵發動自殺式爆炸,造成多人傷亡。俄羅斯總統梅德韋杰夫和總理普京誓言要跟恐怖分子「奮戰到底!」。

「奮戰到底!」?!

記得08年末,09年初以色列以雷霆之勢血洗加沙,我曾寫過一篇「加沙啟示錄」,重點是說有很多無辜的巴勒斯坦平民被該次軍事行動殺死,以色列是兇手。但對方一直的恐怖襲擊,又亦曾殺死多少無辜的以色列平民了!再往前推,猶太人過往又受過多少慘痛欺壓!所以,在這個慘烈的現實,殘酷的國際舞台,是沒有是非對錯,有的只是強勝一方的生存及話事漂亮姿態!

又如911事件,美國是受害者,三千多名無辜市民死亡。在美國華麗堂皇的宣傳煽情下,真的要人替其咬牙切齒,義憤填膺。不過,若不是美國一直以來四處挑撥生事點火頭,自己也不是以正義超人自居而曾幹過多次屠殺事件,相信亦不會「災從天降」,禍臨紐約吧。此正乃有因有果!

因此,今次俄羅斯莫斯科所受的恐怖襲擊,無辜死傷的市民當然值得同情,但其政府說甚麼「奮戰到底!」,就未免過份了!須知道,車臣自十八世紀被沙俄吞併,在過去的蘇聯時代一直受到壓迫,於上世紀廿世紀初至末,當時俄羅斯前後兩次軍事壓制車臣,其對車臣的慘烈情度直與大屠殺無異,超過十萬人死亡。期間,不少車臣婦女的丈夫或兒子無故失蹤,她們把俄軍罪行向國際人權法庭控訴,部分車臣婦女更選擇加入恐怖自殺式炸彈報仇。可看到,也是有因有果啊!要算,還未算阿富汗的一筆血債!還有,我國百多萬平方公里的土地!

但是,如史太林在二次大戰末的一句:「勝利者是不會受到懲罰的!」是啊!強者天下,誰拳頭硬誰便是主宰!打了回來的土地,就屬於自己!

如我國西藏、新彊和青海等,滿清打回來,已併入中國版圖達三百多年之久,獨立?!你有能耐嗎?最近達賴那大西藏的主張,足佔中國四份之一面積!不要說青海,就是西藏也不應獨立!

讀書時,一位唸歷史系的師兄與我辯論台灣獨立問題,他列舉一大堆歷史,又這又那,証明遠自宋朝,台灣人不屬於中國版圖。我只回應,若然是這樣的話,那麼,就不需要有中國,世界就不會有國家的囉!因為,再往最前推,是沒有所謂國家的。盤古初開,甚麼國界疆土都沒有的嘛!

Saturday, April 10, 2010

球魔 (皇)

國家嘅足球隊,只 likey 兩隊,除咗德國,第二鍾意就係阿根廷。

鍾意阿根廷,完全係因為馬勒當拿。記得1982年西班牙世界盃,已經留意到特別嘅佢,一頭爆炸髮型,更寸爆嗰個樣,更更火爆嘅脾氣,天生惹火尤物人士。

到到1986年墨西哥世界盃,肥馬完全成熟,技驚四座,光芒大放。記得尤其是對英國嘅一場,兩國啱啱打完福克蘭群島之役,戰敗嘅阿根廷誓要喺足球場上,將足球發源地英國打敗,肥馬喺播國歌嗰陣怒睥又帶幾分輕蔑英國嘅球員 (睇以下短片,0'14開始。),再到佢第二球過關斬將,由中後場扭到前場入 o埋波,淘汰英國,真係好觸動人心!



肥馬喺我心目中,技術始終第一。剛柔並濟,罰球又勁,雖然肥但唔知點解又會走得咁鬼快!變速又厲害!最「哽」係撬極佢佢都唔跌,就算跌呢,碌幾碌又企番起身繼續帶波交波射波咖噃!其他巨星好似比利、柏天尼、李華度同施丹等等呢啲邊個得?!

最吹脹係佢又夠抵死噃!間中又鍾意用吓手,除咗上面提到對英國一役,佢用上帝之手入第一球,原來佢之前喺其他賽事都有前科,仲擺明嘅 tim!呵呵呵!講番佢對英國,用上帝之手入咗波,球証判得米之後,肥馬用件波衫遮住個嘴笑,呀哈哈哈哈哈,過癮抵死又攪笑!



可惜搵唔番佢用手入波嘅第二條片,但以上佢喺多年後喺 BBC 訪問時講番上帝之手一事嘅片段,睇到佢豐富又鬼馬抵死嘅面部表情,真係好 Q 好笑!一定要睇!



呢條片,10個肥馬精彩入球,配合好聽配樂,大家不容錯過!

祝週末愉快!

Friday, April 09, 2010

記記~




YEAH~~~~~ 抵死!!!!!

邊個抵死?未係佢住。講 o緊係曼聯。

今屆歐冠盃八強其中一戰,拜仁 vs 曼聯,拜仁兩仗都激氣地令曼聯出局 (第一場臨尾補時贏波。第二場輸波但憑作客入球得益晉級。Heeee heeee!),報咗1999年之仇!

想當年,X,曼聯憑「符碌」到痹,臨尾連入好彩到冇得再好彩嘅兩球,係德國友,拜仁粉絲,兼反曼聯人嘅我當時真係痛到十彩!

喺英超,曼聯打多人哋四個~ 4424 (多出嚟嗰4個係球証、兩個旁証同英足!),喺歐冠,嘿,冇咁順咖嘞!

記記

CCTV,注意,唔係 CCTVB,係 CCTV,中央台嘅「解放」,好正!由於係50集嘅連續劇,所以拍得比同一背景同一故事嘅電影~ 大決戰123集更細膩,更有味道,更出色。

其中更勁在喺50集入面,冇乜打嘅場面,只係間唔中用番大決戰123集入面一啲片段同少少紀錄片,但係呢,就仍然戲味十足噃!

依然過癮係一播到國民黨就好似死老豆死老母冚家伶周身唔掂咁,一到共產黨呢,就喜氣洋洋一片和諧掂晒咁噃,呵呵呵~

我尋日啱啱買咗成套番嚟香港慢慢再睇,正!

Saturday, April 03, 2010

無知白癡與無情。無心無力與涼薄


去年年初的財政預算案後,我寫了「古有晉惠帝,今有『曾惠公』!」,原因是曾俊華在面對議員和傳媒記者時所說出的「中產人士有積蓄可靠的!」,「他們可以把樓按給銀行!」等等名句,與晉惠帝在一次出巡時,見四週皆飢荒遍地後的一句:「他們為甚麼不吃肉糜了?」一言足可日月同輝。

不久前,我們立法會的功能組別的張宇人議員,「此」人對於最低工資說出了驚人語句:「最低工資應訂於時薪二十元。」!好厲害!好刻薄!

時薪二十元,連買一個多一點餡料的漢堡套餐也不夠!詳細一點算算,時薪二十,日做八小時,一星期做足七天,全月做足無休,也只賺得四千四百元正,五千元也不夠!試問,今在百物騰貴的香港,怎可應付食和住?!行?香港在行方面的另一「用錢重災區」~ 交通,啊!最近,港鐵在有幾十億盈利情況下,又帶頭加價了!五千元不到的收入,不要說生活,就是連生存也成問題!

做僱主的,也許不是不想有良心,但眼見週遭同是老闆的,都孤寒刻薄,抱著你不做仍有大把人爭著做的心態,那為甚麼自己要那麼笨了,一於齊齊沒良心,齊齊孤寒刻薄。像我認識的一位室內設計界的小白臉老闆,他可以開出日做十個半小時,月薪五千五百元的條件!即十七元多一點點時薪!他美其名這是由於有佣金之故,但是,觀其苛刻至極的佣金制度,要營業額超好,那所出的佣金加低薪才比其之前還未改變的一萬元低薪高一點。石破天驚!

不談最低工資之我見,簡述現今香港的經濟生態情況。自九七金融風暴後,特別是這幾年,整個香港打工環境完全改變。在私人公司打工再沒有保障,毫無安全感可言。搏,長時間工作已不再有 OT 錢加,只為不被開除而挑燈夜做。工資方面,尤以銷售業服務業,更每創新低!另外,退休後更再沒有一筆可觀的退休金的歌仔唱。在這非人情況下,樓市卻瘋狂勁升,交通只加不減,大部份僱主刻薄成性,只懂欺壓員工,政府的幫助又隔靴搔癢,有等於無,不算其他社會的惡劣狀況了,如此,貧富懸殊,怨氣充天的環境只會一天一天膨脹惡化。

十八世紀的法國,貧富懸殊,貴族土豪們朱門酒肉臭,路有凍死骨的平民連最基本的麵包也買不起,皇室政府無心無力置之不理,結果釀成了驚天動地,血肉橫飛的法國大革命。一向是福地的香港,現在竟與那歷史背景甚為相似。不過,即使有無知在上的高官如曾司長,儘管有無情涼薄的議員如張議員,政府和權貴們儘可放心,香港絕不會因此而爆發暴動甚至革命。因為,可以經常將甚麼「五十萬人仍能和平走在街上」掛在嘴邊的地方,極其量也只喊喊口號,開開嘉年華,如此而已,成不了甚麼氣候。政府和權貴們一定可每晚睡得酣暢,每朝起來呷一口咖啡奶茶,欣然爽朗,掛著一幅得戚自然面孔的過一天又一天。

寫在後面:

i. 掛著關懷社會的 Caring Company 的老闆們,也請同時關懷你們的員工。可以嗎?

ii. 我認識的一位飲食業女老闆,她並不是腰纏萬貫,然而,她旗下餐廳的員工時薪~ 五十大元!除了向她致敬,也讓我雖身在如今的香港,但仍可感到一絲人性,良心。

Thursday, April 01, 2010

致受到搔擾的各 Blog 友

各位 Blog 友:

由尋晚開始,有一個傻婆喺您哋度留言攪我,搔擾到貴 Blog,在此,先說聲抱歉。

4月1日時光倒流







呢套 Head Of The Class 係上世紀80年代中後期,逢星期一至五傍晚六點喺明珠台播嘅單元連續喜劇。好好笑好有意思。

嗰陣時電視台連買番嚟嘅戲都有水準,有心機選過嘅!好似 Family Ties、Twilight Zone、L.A. Law、The A - Team、Benny Hill 等等咁。而家?乜都垃圾!