Thursday, July 31, 2008

既逝不必留


以往不是朝夕相對,不覺那麼明顯與及感覺強烈。在我住的地方前面的維多利亞港,已是一條渠的形態。不久,待現在正進行的填海工程竣工後,維多利亞渠正式誕生。

港島與九龍的 Skyline 已被徹底永久嚴重損傷。

有懷念價值似有自己生命性格的大小街道 (喜帖街和雀仔街等) 和地點 (中環天星及將會拆卸的尖沙咀天星等) 已被「去蕪存菁」。

還剩下的如春秧街、鵝頸橋、榕樹頭和利源東街等鳳毛麟角,彷如候斬的死囚。

生就是生,死就是死,存在就是存在,消失就是消失,在位的人將「他」們弄死 (拆卸) 後還說甚麼保留,此等虛情假意,虛假虛偽的借屍還魂,不作 (法) 也罷。死後還要分屍,再隨便找個地方安置,肉身已去靈魂元神不在,此乃暴屍獻世!既是如此,何不就讓「他們」去得轟烈點吧!

有人會極其正面或早已看化似的認為社會不斷要進步,在所難免。是的,一切都敵不過歲月。不過,我們只少可盡力去保留一些屬於這個地方,屬於您我,擁有大家情感的東西?!

後話一點:
「有人會極其正面或早已看化似的認為社會不斷要進步,在所難免。」

想問這些人有沒有藏著一些有紀念價值,值得回憶的東西?一定有吧!那你為何不摧毀它們?!

Wednesday, July 30, 2008

唔飲唔掂!

一向唔鐘意飲清湯嘅我,呢個星期都終於忍唔住要煲冬瓜湯水嚟飲。到到今日,已經係第三煲。

中國湯水真係有佢獨到地方嘅!咩時節要飲咩一年四季都有清君身潤君心 o錫到您冧嘅好湯!好似而家呢啲天氣,飲有以下材料嘅冬瓜水湯,真係成個人清啲醒神啲,一日嘅熱氣「漉」氣都 bye bye~

材料有:冬瓜四分一個、荷葉、蓮蓬、赤小豆 (我鐘意大量)、扁豆、生熟薏仁 (同樣要多啲)。市面更有一包包賣嘅,裡面仲有多幾樣材料例如川太片、燈芯花同澤瀉。

如果想有味 oD同清潤中不忘補一補,可以加半隻或者一隻雞殼。味道更佳!

將全部材料放晒入個煲度,加水至浸過所有材料,用文火煲兩個半鐘至三個鐘,飲得。最近嘅天氣,唔飲唔掂!

各位,飲多啲湯水啦 (但唔係出面用味精煲嗰 oD喎)!要 o錫自己嘛~

Tuesday, July 29, 2008

熱到癲!


尋日,唔係熱咁簡單,係我生存咗三十幾年入面,喺唔同地方生活過嘅日子入面,熱得最甘最犀利嘅一日!(肯定仲會每創新高!)

熱 Q 到呀!仲要又熱又焗又濕又「噏」又多塵兼「黐立立」喎,好辛苦呀真係!仲有,本來有風緩和一下幾好嘅,點知 oD風吹 o埋嚟過陣好似張浸咗蒸汽嘅毛巾棉枱咁「襟」o埋嚟,好窒息!真係有仲衰過冇!

一向怕熱又大汗嘅我唔靜止得,一靜止,啲汗流得仲勁,勁到點只好似焗 o緊桑拿咁,直頭好似武俠片入面 oD人練 o緊功一樣!呢,今日我又喺地鐵同電梯度表演喇!

解開恤衫幾粒鈕,摺袖,啲汗瘋狂又滴又流,好 sexy~

見到有唔少人 (應該係做保險同金融界) 仲可以著住成件西裝!!!!佩服!世界難撈!好心啲老細啦,收買人命咩!離 Q 晒大譜呀!

講真,喺呢啲咁非常嘅日子,破吓例唔「乸」得嘅?!點解喺咁嘅環境之下仲一定要人揹住件嘢?!做客嘅,又可唔可以體諒吓對方?!大家搵兩餐啫~

另外,我今日分別去過天后、銅鑼灣、尖沙咀同灣仔,好明顯,天后情況較為好,因為 oD樓冇咁多同較空曠。香港政府,你繼續官商勾結繼續畀佢哋亂鳩咁起乜起 o物啦!你睇吓而家香港有幾越嚟越又「靚」又有特式,仲又熱得幾正!

X!

補充一點,呢兩日天氣嘅突變同異極,連一向係福地,身處香港嘅我哋都感覺到,唉,就算唔係世界末日,但係係世界大災難嘅來臨真係指日可待!

Monday, July 28, 2008

港版相對論


四眼佬李超人曾經喺一個訪問入面誓神劈願講話~ 佢發誓!佢有幾多錢佢真係唔知!佢發誓!

真係。。。。咁講把撚?!

。。。。

草根階層~ 我有幾多錢我真係唔知!(冇得數)

負資產一眾~ 我有幾多錢我真係唔知!(數嚟盞喊)

中產嘅~ 我有幾多錢我真係唔知!(數都無謂)

我~ 我有幾多錢我真係唔知!(唔敢數)

香港大多數~ 我有幾多錢我真係唔知!(數嚟做乜)

同一句說話,係,相對,嘆無限~

Saturday, July 26, 2008

沉醉暈迷戀

咩叫做沉醉暈迷戀?

對住佢就知!

林嘉欣,正過林志玲同蒙妮卡貝露琪!

Friday, July 25, 2008

九唔搭八之書展有神明。扒肉有金雀。分享有好友~


昨日,同好友靚靚肥妹去了書展。由於兄弟詹詹的女友乃某大出版社高層,所以我們得以快速進入會場。爽!世界沒公平的啊~~~~ 哈哈哈哈!

進場後,人頭湧湧,以往我只略為一逛便離場,畢竟醉翁意不在此。但今次與肥妹同行,就給點耐心認真走一趟吧。肥妹她也真行,一不怕逼二不畏人多三有心有力,看完一間又一間,厲害!女人即係女人!

特別去到佛學部份,她更極度投入,彷彿看見永生極樂般。我倆結緣了挺多佛書佛經及佛學 VCD。甚為雀躍興奮!雀躍興舊到在其中一攤位同樣拿了幾本印得甚為精美,教人做齋菜的書,轉身便走時,坐著的那兩位工作人員急忙客氣地說:「這些要錢。十塊一本呢。」幸好我們只拿了三本。。。。

真係有神明!

此外,我竟然在一台資出版社重遇一闊別十年左右的同系同學!!!!哈!!!真的有緣千里能相會!何時又讓我能重遇當年的每一個她?!

今次的書展,我買了大概四百多元的東西,最多的一次。較特別是那串大佛珠,很喜歡。

去書展於我已是一種回憶活動,每一次,都像重複著一次屬於自己的歷史,並閒情的將十多年的一些片段點滴播放,不錯的感覺。

去完書展,我倆去了銅鑼灣的金雀餐廳用膳。金雀果然名不虛傳,比同級同派的如波士頓、新波士及森美等高出不少!

先聲奪人的是,氣氛怡人。加上沒有其他一般的桌與桌之間缺乏空間感,好印象已第一時間留下。

餐包,以多士形式上,烘得軟韌適中剛剛好!

餐湯,這一部份已把其他比下去!它的紅湯並非如以上的般千篇一味,您會嚐到它的用心特別。

肥妹的鴕鳥肉味道保留了鴕鳥獨特羶香甜味,稔而不鬆,好!我的西冷牛扒,要五成熟,他們做到,而且質高量多,黑椒汁濃度一流,一樣精彩!

配菜的薯條沒出錯,驚喜是西蘭花大而新鮮,不像其他的又少又霉。

最後的凍檸茶,沒有為今次留下美中不足。結賬,HK$220,貨真價值!全力推薦!

其實,前幾天已試了它的羊扒,可惜那天忘了拍下來。當天一吃它的羊扒時,我已知這餐廳並不同於之前我所試的幾間,因為,有羶味且羶得適中。

書展扒肉半天行,有好友相伴,99分!欠的那一分是那他媽~~~~ 的又熱又濕天氣~

Thursday, July 24, 2008

故宮最寒


就快奧運。為期廿多年的北京故宮翻新工程,第一期完工以紫禁之巔的太和殿為首一群將會在京奧前紫氣迎天下。

北京和台北的故宮博物館我都去過,尤其是台北那個,就在我家及學校附近,所以去過不下數百次。有時去那裡的街邊賣香腸、鹽酥雞同其他小吃的小店買完要吃的後,便到故宮的大空地吃,吃完就順到走進去享受一下冷氣。

那裡的冷氣,好寒。

北京的故宮博物館,「她」的背景、陳列的古物,比天氣、冷氣更寒。

午門外曾掛過多少人頭了?太和殿有著多少人的一生富貴榮辱?那座龍椅引起過了多少腥風血雨?後宮又記藏了多少爾虞我詐了?

此外,館內得以在這幾百多年災難戰火來仍留下來的奇珍異品,它們背後又隱藏了多少唏噓嘆喟?

這一切一切,都教人心寒。

記憶和印象裡,最叫我寒的是一張雍正爺睡過的蓆。

那是一張很大,乳白色的蓆,說準確點,應是牙齒的白。它之所是白色,並不是由於染色漂白之故,而是因為它是由數不到的無數條削成絲狀的象牙織成!

還記得它那在燈光下,幽幽的本身牙齒白色,一根根浩瀚無奈地訴冤的牙齒,要令您一定會不期然喃喃自語:「到底殺了多少頭大象才成就這一張『價值連城』之物?!」

想,最具體的,兩地故宮最寒,非它莫屬。

Wednesday, July 23, 2008

大暑一記


好熱!好熱!好鬼熱!!!!地球大鑊!我哋「杰」喇!

夏天,本來都幾正嘅~

喺呢 oD咁熱咁攞命嘅天氣之下,本來仲有一樣嘢好安慰,就係眼睛可以食雪糕。望見著得性感,充份展現出佢嘅腰短腳長對比啱啱好,吹彈欲破配合香汗淋漓嘅暑天肌膚,豐滿嘅玉峰只有一丁點薄布如薄霞遮掩嘅辣妹美眉尤物,yuk yuk yuk!男嘅,一身憤脹結實肌肉,我係男人見到都想篤吓!

不過,hummmmm,大家有冇發現,養眼舒服嘅,越嚟越少,礙眼厭惡嘅,越嚟越多!一到夏天 (熱天),有好多嘢會出現。

咩嘢?

呢啲嘢,好咩嘅!(呢個咩字真係好好用!Heeeee~)

呢期,嘩!香港有好多日式料理同燒臘檔出現!通街都係豬扒烏冬 (女) 同肥肉「吞吞」「漏漏 bou bou」或者得棚骨嘅人肉燒味 (仔)!

大姐大佬,對腳粗到喺 City Super 嘅風乾火腿咁,又或者瘦到好似手臂一樣,咪著短裙仔短褲仔啦!仲要「迷你」喎!X~ 有啲仲唔剃毛 tim!COW!!!!!有啲仲唔剃腋下嗰啲。。。。我真係, X~

仔呢,冇肌肉,一係肥膏橫生一係瘦骨如柴,獻醜不如藏拙,咪著背心啦,唉!

仲有,仲加慘不忍睹係日式同中式嘅佢哋有 oD仲皮膚奇差兼異味發自佢哋嘅身四溢體貼您~ 畀您聞到~ 噢~~~~~~ 冇得頂!

夏天,多 X 謝!

Tuesday, July 22, 2008

巔巔寓言

從前,喺若干年前嘅有一天,我去咗一個已婚並且育有一對仔女嘅朋友度敘舊。嗰日同佢兩夫婦一家四口食完晚飯之後,繼續一齊聊天。

過咗一陣,我朋友去洗碗,佢老公落街買啤酒。於是,成個廳得番我同兩個大約五、六歲左右嘅細路。

我最鐘意細路。最鐘意玩細路咖嘞!

我同佢哋玩番攤、格鬥黐手同玩口水。

當然,佢哋都有同我分享佢兩兄妹嘅玩具。

其中,佢兩兄妹起咗衝突,喺度爭 o緊一樣嘢。我好仆街咁喺旁邊,坐喺度睇佢兩個豆 o靚邊個會爭贏。

爭呀爭,當中當然不乏口角。結果,個妹爭贏咗。不過!不過喊嘅竟然係佢喎!奇呀呵?!爭贏嗰個竟然會喊,輸咗嗰個又竟然笑嘅!

咁,大家估吓點解?

原來,佢兩個爭嘅係一條橡筋。個妹爭贏但卻畀條橡筋彈 o親。

有時,真的,爭得到未必好,塞翁失馬,焉知非福?!

人生既短非短,似長亦非長,隨意隨心,得失由他,過得舒服,最緊要識得 o錫自己。

以上故事乃真人真事嚟嘅。

Monday, July 21, 2008

火燒地旺,我旺呢度~


講嘅呢度,係我而家住 o緊嘅大坑。

未搬入嚟大坑呢度之前,平時一直都只係喺搭車時經過佢嘅街口 (即係由以前嘅百樂戲院至現在嘅百樂中心,一路都只係經過。)。頂多只有幾次喺位於佢街口嘅一間 Bar 飲過幾次酒。

到半年多前,去探住喺入面嘅細哥夫婦先至第一次去過大坑。

人生是戲,變幻無常,真係估都估唔到,冇幾耐之後嘅而家,我會住喺呢度,仲要係大坑嘅中心地帶 (見左上圖。不過幅相唔係我影。)。

未搬入嚟之前,呢度已有好多好多各地同本地風味食肆,有高級嘅、有中產嘅、有平民化嘅,猶如聯合國,差唔多間間都有自己特式。我搬咗入嚟之後,哈,越開越多如雨後春筍 tim 仲!而且,呢帶仲越嚟越出名,更成為咗極潮為食地帶!我遲 oD都可能開番檔賣牛雜同魚蛋,做推車仔!係嘅話大家要捧場喎!呀哈哈哈哈~

呢區有樣嘢我好鐘意嘅,除咗自成一角,令人彷似身處異域之外,就係呢度啲茶餐廳、快餐店、餐廳、舖頭以至報紙檔,大家之間同 o埋同客人之間都可以打成一遍,有濃濃人情味感覺。好似有一次,我經過其中一間報紙檔,沒打火機,於是問檔主借機一用,嗰位阿姐話送咗畀我喎!嗰時我啱啱搬入去咖咋!同佢都唔熟!

又有一次,我喺其中一間快餐店食完嘢,但冇錢畀,佢哋竟然信我會番轉頭畀喎!

總之,呢度無論係地方位置、環境同 o埋人情,都真係一個小小村落小鎮咁,正!大坑,一處在夾縫中,本來很易被遺忘的老香港情懷舊區小天地。

香港,妳仲未瓜呀!

P.S. 遲啲等我食勻呢度,整番個為食在大坑系列~

Sunday, July 20, 2008

果然好正!

五師兄度玩咗呢個。幾得!

有興趣玩嘅朋友去呢度啦。

測試結果,heeeee,我係靈性特質的作家型!呵呵呵~

我好正咖真係!

您都玩吓啦!唔玩唔知身心好~ ^~

Saturday, July 19, 2008

羹羹,好味!


以小弟今時今日嘅造詣,基本上冇咩餸難得到我。湯,就更加唔駛講。所以,前幾日我換吓新款口味,煲咗羹,豬月展節瓜草菇粟米蛋花羹。

好好味呀!

同大家分享吓!做法如下~

材料:豬月展節瓜草菇粟米蛋花羹。所以,材料有豬月展節瓜草菇粟米同雞蛋。

份量:以圖中嘅煲 size 為例。豬月展一大嚿、節瓜一條、草菇兩包、罐頭粟米蓉兩罐、雞蛋兩隻。

調味料:鹽一湯匙及生粉一湯匙。記住生粉要用凍水溝勻,千祈唔好一嘢直接倒落去。

做法:一開波先將豬月展煮熟,煮熟後再滾佢廿分鐘左右。然後再加入節瓜 (已切好)、草菇同粟米蓉,加水蓋過所有材料再多少少。

滾佢一陣,打入蛋花後倒入已攪勻嘅生粉水,再攪一攪。嗱,成個羹最重要就係個「茨」要落得適量!大家可以逐少逐少落,咁咪可以因到份量囉!但好似高手~ 我呢 oD,就唔需要嘞!

又再等佢滾多陣,加入鹽,攪吓佢,即成。

飲得?飲得!

豬月展節瓜草菇粟米蛋花羹,正!

Friday, July 18, 2008

我們的年代~ I'm Gonna Give My Heart

喂~ 六字堆七字堆,又或者係細個嗰時浮游過的士高好似 Canton 呀、Catwalk 呀、Future 呀等等嘅朋友,記得呢首歌嘛?!

屬於我哋嘅 Disco 年代~

哈哈,YouTube 真係正!

Thursday, July 17, 2008

老頑童


秦煌,唔識佢。但得知佢冇事,感覺好好!因為,唔會又少多個會演同 o埋令人有回憶的演員。

Report


缺乏運動的三十歲後狀況,如下~

1. 易扯蝦 (喘氣)。

2. 易攰 (累)。

3. 酒量變差。

4. 抵抗力變弱,易病。

5. 易有肚腩兼且不易減去。

6. 易飽快餓。

7. 夜晚失眠,白晝想 Sleep。

8. 開始可以隨時隨地瞓到。(犀利過拿破崙!)

9. 男人味更濃更重。

10. 更瀟灑。

11. 更靚仔。

。。。。

9至11開始黐線~

12. 呀!間歇失控!

以上1至8我都不擔心不害怕。我得天獨厚,只需操一操,狀態不難回復。

最杰 (大鑊),死穴係,右額有少少少少少少少少少禿!

唉~ X~ 大撚鑊!

。。。。唔關冇做運動事咖???!!?!!?!?

Wednesday, July 16, 2008


掌相入面,其中有一條線是千中無一,極為罕見的死亡感情線。此線的情形是感情線上端部直指甚至插入中指根部。

這幾天我不期然看看自己的手掌。。。。變了。

死亡感情線,我有。

曰:「感情生活已經絕望,亦不會再付出感情,喜歡過孤獨的生活。」

唏噓呀~ X!

哈,挑~ 女照溝,愛照談,拖照拍,婚,嗯嗯嗯,若小弟有幸仍能承日後有某女之寵幸,必結!^~

Tuesday, July 15, 2008

兒時追憶~ 金絲貓


兒時追憶系列所講的金絲貓,當然不是鬼妹啦!兒時怎有能力?!

金絲貓 (又有俗名叫虎仔) 是蜘蛛。是小小的,動作極快跳躍力極好,好勇鬥狠的蜘蛛。

記得第一次接觸牠們大概是在小一小二時候,細哥介紹的。有一次,他還捉了一隻,放在那時畫水彩的水彩盒子內送給我,但,是死的。

後來,在小四時,一位師兄說他家附近有金絲貓「潛」(所謂「潛」,就是付錢後可抽一些顏色,每一種顏色代表一種金絲貓。),於是,我就給了他幾塊幫我「潛」。若干日後,他拿著一大包裡面載滿一個個由緣色硬葉摺成的小盒回來,我們蜂擁而上,我拿到了幾隻。

可能太興奮了當時,那幾隻金絲貓到手之後,我在課室內玩起來!牠們兩隻一對一在那以三節硬葉打開後的橋相遇,彼此前腿張開,震呀震,慢慢埋牙再變奏快速肉搏,嘩!震撼!

樂極生悲,那時有個二五仔舉手告我,害我被那 Miss 高充公了牠們,還說我沒愛心!不知她有否自己拿回家玩呢之後?呵呵呵~

金絲貓有分甚麼老篤、紅孩兒、孩悟空、黑白雙煞和金牌殺手等級數,記得當中好像是老篤最厲害。

到再長大點,亦試過到公園及山頭捕捉牠們。要找到牠們其中一樣最易的方法是但凡見到兩塊樹葉有點黏在一起,那就是牠們的住處。

現在,相信這玩意已式微,有金絲貓賣或「潛」的地方相信也已絕跡。取而代之的是一系列電玩。如果有,現在的他們,喜歡的也會是在螢光幕飼養及對打的電子金絲貓。

Monday, July 14, 2008

罐頭薯條


沒錯,今次吃後感要介紹的就是罐頭薯條。

蘿蔔頭的包裝又一次成功吸引到我,這一次,要我花HK$10.5買了這隻由卡樂 B 出品的罐頭薯條。

它外表漂亮引人,內裡又怎樣了?一條條罐裡薯條當然沒有真薯條的精彩,但味道倒模仿到有真的七成!很脆很可口。

真的薯條過得不久很快就神髓盡失,而這種罐頭薯條卻可久久不失其味,之不過,吃薯條會吃多久了?!新鮮剛炸好的薯條,要人急不及待吃而快之,誰會慢慢來還留待幾日後才再吃。

而且,一罐賣港幣十塊半,但一罐不到二十條,即一條要五亳子以上!最重要是它又非驚天動地絕世好味嘛!那我不如用十塊半去買新鮮熱辣的薯條?!(說真的,若然係十塊半一大包,好像一般大包裝或中包裝薯條蝦片那種 size,又不同呢!)

罐頭薯條,此種玩意食品,只一試無妨,不值再買。

Sunday, July 13, 2008

「Play it again,Sam。」

「仲喺度?!你不是已埋單了嗎?!」
「。。。。」

「再奏多一次吧,Sam。」

You must remember this
A kiss is just a kiss, a sigh is just a sigh.
The fundamental things apply
As time goes by.

And when two lovers woo
They still say, "I love you."
On that you can rely
No matter what the future brings
As time goes by.

Moonlight and love songs
Never out of date.
Hearts full of passion
Jealousy and hate.
Woman needs man
And man must have his mate
That no one can deny.

It's still the same old story
A fight for love and glory
A case of do or die.
The world will always welcome lovers
As time goes by.

Oh yes, the world will always welcome lovers
As time goes by.

Saturday, July 12, 2008

測試您的魅力閃光點


好耐冇玩過喇!玩吓哩~

呢個 Test 係睇您嘅魅力所在喺邊度嘅。

Go Go Go 咯喎!

1、看到社會上不道德的事情發生,你會站出來勇于發表自己的觀點嗎?
NO→3  YES→2

2、你認為無論社會多么複雜,最終都是真善美戰勝假惡丑嗎?
NO→4  YES→5

3、你最喜歡的寶石就是鑽石嗎?
YES→6  NO→7

4、如果你非常愛一個人,但是他的經濟條件很惡劣,你還會堅持你的愛嗎?
NO→9  YES→8

5、你認為你的婚姻大事還是最終由父母作主?
YES→10  NO→11

6、你不喜歡蔥的味道是嗎?
NO→13  YES→12

7、你曾經有過網戀的經歷嗎?
YES→14  NO→12

8、你會接受整容手術嗎?
YES→11  NO→13

9、告別童年后,你依然很喜歡毛絨玩具是嗎?
YES→14  NO→12

10、有時候你自己也無法確定自己的感情?
YES→A型  NO→11

11、如果沒有特別的必要,你不會每天清掃房間?
YES→B型  NO→12

12、你每天出去穿的衣服都不一樣嗎?
NO→13  YES→C型

13、你覺得自己在藝術方面很有天分?
YES→D型  NO→14

14、你對瓊瑤筆下的愛情嗤之以鼻,認為都是一群感情瘋子?
NO→F型  YES→E型

解析:

A型、魅力閃光點:知書達理。 

你的個性溫文爾雅,不慍不火,就像一杯茶,泡得恰到好處,既不會索然無味,又不會味道苦澀。靠近你,就會感受到清新爽朗,一切的自然大方,親切可人,都好似渾然天成。 

適合你的異性:首先他最好擁有和你相同或者相近的愛好,這樣你們的生活就如司馬相如與卓文君般你詩我賦,你來我往,生活愜意。其次他應該是一個溫柔派的人,不然你們之間的摩擦就會讓你感受秀才遇到兵的尷尬。最重要的,就是他是一個追求寧靜淡泊的人,因為這正是你最大的優點,對此他應該有足夠的欣賞,只有這樣,你們的簡單愛才會愛得純粹,精彩。 

貼心提示:不要在網上看如何經營愛情的忠告,更不要同好友瘋狂的開始研究自己的另一半,對于愛情,你的最好作為就是無為,靜靜的按照自己的心意去做,你才是最美的。

B型、魅力閃光點:熱情奔放。 

你的個性就像六月的太陽,燦爛且光芒四射,你的開朗氣質和純真快樂的樣子,就像火熱的烙鐵一樣,一旦在別人的心上留下了印記,就難以抹去。 

適合你的異性:他是一個很有幽默感的人,並且帶著一幅好脾氣,只有這樣才能理解你的陽光燦爛時刻,或者原諒你的一時衝動孩子氣。他不一定非常活潑,不一定是各類文體活動的領軍人物,但他必須擁有積極向上的信念,樂觀的精神世界,不然你們的愛情會越來越像一潭死水,沒有繼續流動的動力和方向。沉著的個性對于他來說也很重要,因為當一個活潑的人難過時,就會更需要一個可以依靠的肩膀。 

貼心提示:愛他就大方的走到他的面前,勇敢的向他表達你的心意,或者給他一個甜蜜的吻也不為過哦。總之要拋棄你的羞澀和不安,記住臉上一定要掛著最燦爛的微笑哦。

C型、魅力閃光點:性感身影。 

如果你是女生,你不一定是傾國傾城,回眸一笑百媚生,但你絕對使經典的色彩搭配,恰到好處的服飾成為了你最好的武器。如果你是男生,那么你一定是注重自己儀表的,用獨特的魅力讓性感入骨髓的男人。 

適合你的異性:其實適合你的異性不一定要從外表上和你男才女貌,因為鞋子合不合腳只有自己知道,畢竟愛情不是一場做秀,而是自己感受的真實情感。所以他可以擁有平庸的長相和平凡的身材,不過這並不代表他只有很低級的審美,相反他必須有很高的審美標准,並且時刻追求著完美的生活,這樣你才會是他生活的重心,才會引起他對你的欣賞之情。當然,他必須還是個大方的人,不然你昂貴繁多的衣服飾品一定會變成你們生活中的地雷。 

貼心提示:喜歡他就不要錯過,送他一個訂情信物,是你表示願意的最佳方式。不要做寫信或者當面用語言表達的事情,這會降低你在他心中的魅力指數。

D型、魅力閃光點:神秘莫測。 

有時你清冷,孤傲,不食人間煙火。有時你瀟灑,大方,笑容揮灑自如。似乎沒有人知道哪個是真正的你,而且連福爾摩斯也無從探索,你對于別人來說就是一個謎,如果有人想試一試揭開謎底,他就愛上了你。 

適合你的異性:他一定要好奇心很重,凡事都要刨根問底,而且不達目的不罷休,只有這樣你們才有開始。如果他永遠也找不到答案,他就會永遠的找尋,這就是你們愛情的長久。他也一定要是一個很自信的人,因為對付你這樣的神秘人物,很多稍有動搖的人都會半路退出,去尋找一段安靜平和的生活,只有自信滿滿相信終有一天可以看到你廬山真面目的人會永往之前,永遠駐守。 

貼心提示:雖然喜歡他,也不要急于表明自己的心意,要用一些獨特的方法告訴他自己的心意。比如消失一段時間,然后忽然出現在他眼前熱情地向他表白,總之方法越奇怪越好,只要不是太過分。

E型、魅力閃光點:成熟穩重。 

你做事聰明干練,在複雜的人際關系中八面玲瓏,在混亂的學習工作中游刃有余。似乎天生就擁有一份成熟的性情,可以輕松的應對各種突發狀況,並且從容不迫,令人難以不欽佩有余。 

適合你的異性:他不一定需要擁有和你相匹配的成熟,也不一定在你眼中是個成功人士,因為兩個同樣聰明的人在一起,並不一定是一件好事,有時還會引起不必要的爭論和戰爭。也許有時在他的身上出現的不安定因素,和缺乏安全感的情緒會使你們的愛情更加順利,而他只要是一個善良和明白事理的人就夠了,這樣他就會知道你對他的良苦用心,也會明白你對他的好。擁有了這樣的另一半,你也會更加安心的工作學習,更加放心的享受愛情。 

貼心提示:經常約他到一個環境優雅的地方,告訴他你的心意。表白時要大方得體,言辭真誠,切忌表現出羞澀或者拘謹的感覺。記住千萬不要和他玩猜心游戲,這會毀了你的形象。

F型、魅力閃光點:憂傷氣質。 

如果你是女生,你總是楚楚可憐,你的眼淚和你憂傷的眼神令人難以招架,經常會引起別人想保護你的情緒。如果你是男生,那你一定是一個悲情王子,你的氣質總是讓女生情不自禁想關心你,愛上你。 

適合你的異性:首先他應該成熟,有穩定的情緒,不會因為自己的一時得失而使情緒大起大落,甚至喜怒無常。因為如果他沒有堅定的耐心和平和的情緒,你們之間的關系相處就太可怕了,會像隨時可能爆炸的炸彈,把你們的愛情瞬間化為烏有。所以你在選擇另一半的時候,最好尋找工作學業穩定,熱愛生活的人,對于文藝青年,詩人浪子,三十五歲以上沒有談過戀愛的人就不要考慮了。當然他最好有濃重的幽默感,這樣你的生活才會不總是烏雲密布。

Friday, July 11, 2008

蝸居一角


這一角,已是我現在住的地方四分之一,其餘的是一條長走廊、洗手間及斜對面的睡覺角落。

只有二百多呎接近三百呎左右,名副其實的蝸居。但一個人住,夠。

Thursday, July 10, 2008

真可惜~

大部份香港女人,東方之珠,也許還有不少精彩女性。

何謂 Gentleman~

1. 讓女士先行。

2. 幫女士拿重的東西。(手袋及鞋除外)

3. 好男不與女鬥。(除了蛇蠍惡毒仆街女)

4. 讓座。

5. 有涼意時遞上自己的外套。

6. 還有其他等等。

簡單點講,最重要係懂得愛惜女人。可愛女人,真係要來縱,要來寵。

之不過,在香港,好像越來越不需要 gentleman,因為,香港好像已沒有「女人」,很多的她們在女權高張,盲目膨脹之下,已與男人無誤。

真可惜。

妳們不要罵我呀!卿不見我開首的第一句?

Wednesday, July 09, 2008

冰火感覺之「好奇害死貓」~


這篇不是探討這部電影想說些甚麼的文章。

當初之所以買這部電影的 VCD 回來看,是由於被它在電視的幾幕,兩位女主角火辣性感床戲演出的廣告片段吸引。

那幾幕雖然實屬小兒科,不過就拍出那種肉慾誘惑味,能將男人女人的原始性慾導引出來!飾演髮廊妹的大陸女演員宋佳與胡軍撻著做愛的那幕和劉嘉玲與管理員在停車場的「肉搏」,男人的獸性、侵略、多心、不濟 (如管理員的早洩),女人的纏綿悱惻、專心一意、饑渴難耐,特別係劉的中女性慾被燃起後化賓為主一幕,看後真的慶烚烚有反應!

但另方面,此片其實很令人心寒。

這本來我是不發現的,因為我主要看以上那幾幕。明白一點,是只對那幾幕有興趣。其他的我都是快放或一瞥而已。到前兩天好友神奇男與女 Mich 跟我提起這部片,說好恐怖好寒,於是,我認真的再看一遍,噢,真係好恐怖、心寒!

~

靜靜地靜靜地~

男主角之一的管理員在臨跳樓前把他在保險箱的鎖匙交給劉嘉玲,叫她將他應得的酬勞放在那裡。他跳下去之後,劉到到保險箱,拿起保險箱內那枝己枯乾的玫瑰,又放下;拿起保險箱入面的錢,戴著墨鏡離去。

劉嘉玲抱著的兒子看著那管理員跳樓,他笑得很燦爛。

最寒是結尾,「最後勝利」的劉嘉玲對著那本「書」,又在唸著唸著那幾句類似小說句子或是像童謠之類的話,甚麼:「約克與蘭開斯特的玫瑰。。。。在玫瑰戰爭後。。。。花是約克的白色。。。。和蘭開斯特的紅色結合起來。。。。這種玫瑰。。。。要麼就是全紅。要麼就是全白。」她坐著背著鏡頭,鏡頭慢慢移近,她在掀著一頁頁空白的「書」。

Tuesday, July 08, 2008

冇癮之至睇撚到慶!


大家一向都知道我最撚討厭嗰一班窩囊廢包括廣管局、電檢處、淫審處同 o埋假衛道之士!特別係前三者!

電影都分咗三級制啦!挑佢老味仲要呢度 cut 嗰度 cut!唔畀呢啲出鏡唔畀嗰啲出現,又咁又咁!

啲藝術品露胸露械又禁!你班盲丙撚頭識乜春?!識少少扮代表還好,但更衰係你班友係唔識路扮嚮導吖嘛!哈,之前黃永玉嘅「陽具奔周大大天天露」又唔見你班拉圾話要禁?!你老味!梗係啦,佢老人家咩料先得 o格!人哋同北京中央幾 friend 呀,你班偽君子敢「ad」呀?!仲有呀,紈褲子弟首席代表唐仔公然喺嚴肅嘅場合嗡「條條 fing」,又唔見你班契弟投訴?!証明你哋真係好撚假好撚 X 囉~

識咩叫藝術咩你班人?!欺善怕惡,玩辦公室政治,去賭去飲去滾,宣揚假道學兼出嚟暴光抽水就識!

最近仲加慶嘅係,原來唔只免費嘅無亞二記播嘅嘢受到「極刑監控」,有線播嘅嗰 oD電影都一撚樣!Cut 咗大量鏡頭我都費撚時 X 嘞!哈,英文戲呢,一有例如「Fuck」呢啲呢,係冇咗聲嘅!連字幕都用白色色條刪咗!如果一齣戲有段係好多粗口嘅呢,嘿,您會畀佢哋攪到唔知係部電視有事,還是係自己聽覺有問題!

中文電影,就更加不在話吓~

X 那星真係睇撚到火都嚟!

都係嗰句,畀啲 o靚仔 o靚妹喺啲咁嘅真空沒菌,乾淨清潔到痹嘅環境之下成長,只會害咗佢哋!害到佢哋冇 Q 晒抗體,冇去識得分青紅皂白嘅能力!睇睇最近有位少年人話鄧小平喺六四屠殺人民冇錯。。。。唉,就可見一斑!

Monday, July 07, 2008

兒時追憶~ 戰棋


兒時玩過很多玩意,唯獨砌模型砌 Lego 及各款一般的棋類 (如象棋、圍棋和波子棋等。) 這些完全沒天份也沒興趣。

但我亦有玩過益智的。即使現佐仍然非常喜歡。

它是戰棋。

所說的戰棋,不是軍師旅團營連排那一類。而是以歷史作背景,棋盆上畫以地勢及一格格六角形,並由一塊以上棋盆組成戰場的那種。

它的棋子是多片小小以優質硬咭做成的正方形 (那時我還有耐性的用透明膠紙把它們全部包住,耐玩一點。要知道,這是頗大的工程來的,因為一盒戰棋內的棋子,有很多!),上面印著各式兵種的圖形或代表符號,並且印有它的兵力和速度。有些更複雜的,還印有生命值。

也有一些要兼顧方向及機器結構的,還有多份填寫表,像中途島戰役、碧血藍天和星球大戰。

棋子的死活以攻守比例擲骰或以捉心理的抽咭形式決定,每款戰棋都不同。勝負也是視乎每款戰棋的規則,有些以在某回合內將對方的兵力消滅至某一數目決定;有些以在某回合內能成功達成某任務決定;有些以佔領了對方某一數目的據點決定;有些以攻陷對方的大本營決定。也有些戰棋只要達到以上任何一樣要求即可獲勝。

玩過的戰棋有坦克大戰、中越戰爭、韓戰、滑鐵盧戰役、中途島戰役、莫斯科攻防戰、登陸諾曼第及英倫之戰等等,很好玩很棒!因為有改寫歷史同令歷史重現之快!試過與令我認識戰棋和教我玩它的那位比我年長的朋友玩莫斯科攻防戰,我做希特拉,他做史太林,我包圍了莫斯科,但攻不下,結果雙方言和。哈,創造歷史真過癮!

戰棋也不一定是歷史戰爭的,如前面提到的星球大戰。亦有多款是模擬人物角色的像 The Everlasting Story。同樣好玩,令人如痴如醉,愛不釋手。

另有一種戰棋叫桌面戰棋。這種戰棋比前所說的,其規則、玩法更複雜,須要的空間更要大得多!因為它的「棋盆」是實景模型,我就曾在灣仔合和中心一賣這類戰棋的商舖,一群人在一張足足有一張半乒乓球球桌那麼大的棋盆上互相攻伐。而這種桌面戰棋的「棋子」是一個個士兵及其他一系列武器如大砲。

本以為戰棋現已絕跡,怎知昨晚上網尋找,哈哈哈哈哈!原來在香港仍可找到,而且,那戰棋會有限公司仍在呢!只是從以前的尖東搬去了旺角彌敦道。

它的地址是旺角彌敦道678號華僑商業中心8樓。電話係2397 6568。有興趣又或者想重溫當年情的朋友,一定要去看看!

Saturday, July 05, 2008

有趣算術


今日收到一個電郵,哈哈,蠻有趣!現公諸同好~

「ROMANCE MATHEMATICS
Smart man + smart woman = romance
Smart man + dumb woman = affair
Dumb man + smart woman = marriage
Dumb man + dumb woman = pregnancy

OFFICE ARITHMETIC
Smart boss + smart employee = profit
Smart boss + dumb employee = production
Dumb boss + smart employee = promotion
Dumb boss + dumb employee = overtime

SHOPPING MATH
A man will pay $2 for a $1 item he needs.
A woman will pay $1 for a $2 item that she doesn't
need.

GENERAL EQUATIONS & STATISTICS
A woman worries about the future until she gets a husband.
A man never worries about the future until he gets a wife.
A successful man is one who makes more money than his wife
can spend.
A successful woman is one who can find such a man.

HAPPINESS
To be happy with a man, you must understand him a lot and
love him a little.
To be happy with a woman, you must love her a lot and not
try to understand her at all.

LONGEVITY
Married men live longer than single men do, but married men
are a lot more willing to die.

PROPENSITY TO CHANGE
A woman marries a man expecting he will change, but he
doesn't.
A man marries a woman expecting that she won't change,
and she does.

DISCUSSION T! ECHNIQUE
A woman has the last word in any argument.
Anything a man says after that is the beginning of a new
argument.」

私人整多句~ 仆街 + 小人 = 曾狗鴨 Don 曾蔭權!

Friday, July 04, 2008

一個月後與我開始同居的她

我上年年底嗰時咪話決定咗養布偶貓 (Ragdoll) 嘅,點知呢種貓比較冷門,喺香港就更罕有兼難搵,後嚟透過上網同 o埋一位網友嘅相告,終於畀我搵到一家專賣 Ragdoll 嘅寵物店。但我唔太鐘意嗰間嘢老闆嘅某種做生意手法,而且佢索價亦好高,起碼要 HK$15000一隻 (當然,以佢啲 Ragdoll 嘅質素,亦物有所值。)!好貴呀!坦白講,我唔需要養到比賽級喎 (原來貓同狗呢 oD寵物有分級嘅),加上我女友同 o埋我啲好友知我啲古怪性格脾氣以及有潔癖,都叫我考慮清楚,故此,我一直都將呢個決定擱置咗。

到最近呢幾日,同一位係寵物愛好發燒友嘅老朋友傾開 (呢位老朋友厲害呀,佢巔峰時期曾經喺佢個花園度養咗十幾隻貓同狗,仲有幾隻鸚鵡 tim!好似仲有刺蝟!),佢話送隻佢而家養 o緊嘅巴曼貓貓女 (Birman) 畀我,佢又話 Ragdoll 都有巴曼貓嘅血統 (Ragdoll 係由幾種貓繁殖而成),而且,萬一我唔掂,可以送回畀佢,咁咪又唔駛嘥錢又唔會對唔住啲動物囉!

好嘢呀!唔該晒 Eliter!

呢個月我會試吓貓盤同貓盤入面嘅嗰啲水晶貓砂,睇吓我有冇敏感,如果冇,heeeee,八月初等我接咗佢番嚟,會同佢影幅合照同大家見面!

好嘞,講到呢度我又要去試貓砂。

Bye~

Thursday, July 03, 2008

過在「黑社會」的日子


嗱,政府唔好拉我呀!個題目嘅「黑社會」我用呢個「」符號括住咖!有關當局有水準 oD!唔佳!

今年真係好黑!真係好撚黑!黑過黑社會!大單嘢都費事計嘞講嘞!細單嘢挑佢老味仲陸續咁嚟,已夠我受!

首先,上個星期尾馬桶個水箱無「乸」端端壞咗,滿咗水仲係咁出水,攪到滴滴答答 di di the the,起初我仲以為係落雨啲聲音 (幾白痴呀呵?!),後嚟先知道係個水箱有事,幾撚騷擾呀!於是我掀開個蓋研究吓睇吓自己整唔整得番啦,同佢「親熱」咗好耐,真係好耐,攪咗好耐!唔掂 (冇整到爛晒更糟糕算好彩!)。於是打電話去搵人整啦,嘿,要成「條」嘢喎!吖 X~ 原本諗住幾嚿水啫!唯有打畀個業主,叫佢攪咯。

呢幾日只好關 Q 咗個水箱水制,要沖水嗰陣就用花洒冧滿個水箱。到到後日星期五個師父嚟先會正常番。

到時,慘咯,我又要全屋地板消毒。。。。

另外呢,前幾日個電腦無神神中毒,我又冇去啲咸網,剩係去最安全嗰個 ja 嘛!結果用咗幾嚿水去搵人整番好。X~

仲有噃,X~ 食開嗰隻藥無乸乸停產喎!我 X!又要食 (試) 第二隻,唉,希望唔好好似再之前嗰隻由衰醫生開嘅衰藥咁,攪到我差啲暴斃。

命苦呀 X~

不過呀,heeee,聽日有樣話畀大家知,我下個月極可能會有「喜訊」(其實唔係咩喜訊嚟嘅,但對我嚟講,絕對係一件重要嘅事。畀 oD貼士大家,我之前有提過嘅!),A~ 唔係結婚唔係生仔唔係有女唔係發達,哈哈,係咩呢,聽日會講。

Wednesday, July 02, 2008

星夢情真


點解咁黑?!喂,我 dil~ 究竟仲要衰到幾時?!

袮 dup 完又 dup,一 dup 再 dup,我一係就係咁先,一係就越 dup 越係容光煥發~ 上帝 (如果有嘅話) 祢真係一個愛開玩笑嘅細路!

今日黃昏望住窗外,幸好,仍有這樣閒情。