Tuesday, July 31, 2007

細水長流


細水長流
流著是妳我的愛到不眠不休
休止符是沒必要的停留
留只須留在那年不快的深秋

秋月照我心
心裡對妳的愛永在激流
流到恆古的無盡以後

細水長流
流到天堂伊甸的永久

無憂無求
求只求這生此世
細水長流

Monday, July 30, 2007

誤人子弟變態宋


之前有諗住寫番兩篇 X 一 X 以前曾遇到嘅仆街老師,但一度遺忘咗。而頭先去三三度睇到呢一篇,即時腦沖血,而家先 X 第一個。

我從幼稚園到大學,有幸遇到嘅唔單只係良師,仲係好有料嘅良師,除咗以下兩位:

排名不分先後~

1. 小五至小六時期教英文科嘅女班主任。亦係本篇要 X 嘅變態宋。
2. 中五時期教西史科嘅周姓阿 Sir。

好,先 X 第一個。

呢個變態宋,點解叫變態宋呢?變態在邊度呀?

呢條女當年已經三十到「蚊」,已婚。佢嘅英文,坦白講,勁嘅~ 但做老師嘅,有料,係基本。而且,冇料,最多我哋學唔到嘢。但佢就 X 在雖然有料,但人格、心理同教法 (指教做人方面) 都好有問題。而咁樣呢,呢 oD老師嘅禍害比只係冇料到嘅老師更大。仲更仆街更乞人憎!

變態宋第一樣變態嘅係,教我哋喺班入面分等級~ 精英、普通人同垃圾。佢鼓勵精英平時要圍 o埋玩。又要呢,聯合普通人去杯葛、隔離兼攻擊垃圾。

另外,佢又好鼓勵擦鞋同特權。呢條女好鐘意成日喺班上面做到出晒樣咁「寵幸」佢 o錫嘅學生,並黑口黑面 (呢度個黑字請用國語唔該) 對住 oD佢憎嘅學生同唔多服侍佢嘅學生。

佢更標榜特權份子嘅好處,務求更多學生獻媚。

喂,做老師咁做咖 Madam (佢當時叫我哋咁叫佢)?!我 X 妳老母!

變態宋嘅第二變態嘅係,用英文課堂教宋式性教育。

當年性教育係教育署有專人嚟講,就算冇,都唔撚係教床上花式同講解泰國成人表演入面嘅精彩節目呀 X?!

跟住佢畀班上一名同學嘅家長打去校長到投訴,第二日佢發撚晒爛渣問邊個係二五仔?!嘿!痴鳩線嘅都!夠膽喺堂上講 oD咁嘅嘢就預撚咗會有被投訴嘅機會咖啦 X 鳩!真係當撚正自己係女皇帝呀?!

我當年都畀佢當係精英,亦無知地玩過一連串杯葛遊戲,但後來,越嚟越發覺唔對路,就開始反。咁當然就好自然畀佢整啦。

今日,如果畀我遇番佢,我會同佢講:「妳知唔知當年妳嘅德行,傷害咗好多學生嘅心靈。亦同時可能摧毀咗妳所謂垃圾學生嘅一生?!幸好妳冇仔女,否則我真係擔心佢哋嘅身體有缺憾~ 冇屎忽。」

Sunday, July 29, 2007

思憶中的七月

讀了 Macy 那裡的一篇該死的七月,hummm。。。。七月,真的該死。

古云路上行人欲斷魂
今曰七月孤君。。。。
盼一笑輕生

灰暗,快來
光明,慢慢給我張開

開~ 開一個希望
望死了的心不再
而再,

光芒百丈的心

現在
一呼再來

忘不掉的歲月印象裡是我淡淡泊泊的家
在日記內某夜你話我像痴心娃娃看天下
薝蓬上面那天空 那年可不一樣嗎 那天我不懂你的話

如今自己繼續每日製造我熱熱鬧鬧一生
但在美夢裡又渴望再做個簡簡單單的人
回頭問問這天空 這人生可輕易嗎 這些你到底明白嗎

臉上泛上微熱 髮上結著紅蝴蝶
正是那段往事 我思憶中的七月
樹都長得高嗎 記得那一天嗎
你可記得那天惜別

見面卻是無話 再任性吧小娃娃 快樂了便笑吧
讓失去的感覺 又進入我軀殼 再乾半杯再找童話國

Saturday, July 28, 2007

好耐冇見~ 心理測驗


心理測驗好耐好耐冇喺我呢度出現喇,一齊再玩過哩~

GO!

Q:如果你發現家中浴室突然開始漏水,一會兒滴滴答答個沒完沒了,一會兒又沒了,除了拿水桶,來裝置時有時無的水滴外,你還會做些什麼具體行動呢?

A 自己動手修理 

B 暫且將就,看漏水狀況會不會轉好

C 立即找水電行,和工人約時間修理 

D 視而不見,情況真的惡化再想辦法

分析:

A 自己動手修理 

戀情持續力25%。

你的戀情持續力,真是讓人不敢領教,但偏偏你就是喜歡到處拈花惹草,花蝴蝶的功力,讓你不會甘於苦守一個人,更不能在沒有眾人愛慕眼神之中活下去,而且喜愛新鮮事物的你,只要見到活色生香的美眉帥哥晃來晃去,內心就天人交戰了起來,通常內心的撒旦老是也戰勝上帝,你會拋棄糟糠情人,夢想著另尋新歡呢!

B 暫且將就,看漏水狀況會不會轉好

戀情持續力60%。

你的個性看似穩定,但認識你的人就知道事實可不是這樣,事實上你內在總有洶洶烈火在燃燒,忠貞之姿只有你愛的人,才有幸運感受到,遭逢情路困難時,你會和愛人一起面對,不會輕易放棄,要小心的是,你總是愛得過於投入,會失去你平日的客觀態度,引發兩人相處時的衝突,對方在你強烈的愛火之下,也會覺得熱得會中暑,所以要和你愛到海枯石爛,也是很困難的任務喔!

C 立即找水電行,和工人約時間修理 

戀情持續力45%。

你的戀情持續力看似不差,但仔細分析後,也會發現你的耐力,並不如想像中強勁,關鍵就在於你的心情變化,和世局變異,當你覺得對方是世界第一等的好情人時,你就願意為兩人的天長地久打拼,流血流汗也不悔,但要是發現對方不過是空心大草包 ( 笨美眉 ) 一名,你跑得也比誰都快,讓對方如洗了一場愛情三溫暖。

D 視而不見,情況真的惡化再想辦法

戀情持續力80%。

和你談戀愛並不是件浪漫的事情,但是你的持續力可是一等一的,你學不來甜言蜜語,也不會開空頭支票,但是你會以「耐心」和「愛心」並行的兩心政策,努力爭取對方的青睞,贏得這場愛情馬拉松的勝利。也許是因為念舊情結作祟,之後即使對方負了你,你也不願意辜負對方,希望你愛上的人,會是值得你這樣無怨無悔付出的情人,不然你可就成了抱持守信的愛情傻子了。

Friday, July 27, 2007

神奇師太


前天與從美國返港小休,現已還俗的大學師姐子淇 (法號道子師) 短聚,戒了素,吃回葷的她,整個人更漂亮光彩。

當年我人在台北活得不開心的時候,我都在星夜走到她那禪居,躺在她的床上向她訴苦。而她,她總是淡然相慰,然後好不容易打發我離開。每次離開,經過瀑布溪澗,我的心都恬靜無比。

回港後,大家都有聯絡,更能做到無事也相見。記得她還是「師太」時,我和她去 Bar 喝酒 (她喝果汁) 聊天的情景。

又記得在二千年後的某一年,因緣際會,她帶我和我的初戀情人一同閒遊了她的修行地~ 寶琳寺。

那天,世外桃源,舊愛伊人,脫俗塵妮,古剎禪鐘,恰恰都美妙地盡集一身,永世難忘。

前天的再會,感覺除了溫馨之外,也很有趣。我們閒聊著當年人和事,今日近況際遇,又談著人生哲情,大家都暢所欲言。她當天買給我的薄餅,份外好吃。

師姐她跟我說過,她小時候無肉不歡,有一天,她突然全部轉了吃素。現在,已還俗的她,又可以一下子大魚大肉,哈哈,出世入世,隨緣,不執著,莫過如此。

Thursday, July 26, 2007

廢話


江山易改,品性難易。

死性不改,一改就死。

是的,改習慣,改性格,要完全改掉,根本不可能。即使改一些些,也是痛苦的任務。愛情或者是很好的力量,起初大家會互相遷就、容忍,尤其是男的一方,更會為身邊所愛去改這改那。然而,日子久了,愛情魔法逐漸消失,現實的人性取而代之,那刻,雙方本來已改掉的缺點 (對方認為的) 一下子大反撲,原來,身邊的那個,根本沒改變過。

不過,另一方面,卻又是變了。變的是,到到這一步,這段情已改變,改變得再容不下他她與自己一起繼續生活,經歷下去。

所以,我們應該欣賞對方優點的同時,更應該享受對方的缺點。您會說:「知而行難啊!」對,特別是愛情。所以我到現在仍一個人在途上咯。

說到底,緣份最重要!彼此緣深情重份 (外) 濃的話,那無論怎樣,即使多麼的合不來,也會於這塵世的茫茫,倆情地久天長。

因此,緣份才真的最重要!

廢話~

Wednesday, July 25, 2007

我們的紀念冊


大學和中學畢業的時候,都好像沒有這「玩意」,偏偏小學畢業卻有這傳統。這傳統不知道現在還存不存在?

記得當年臨近畢業期間,見到一個二個同學仔都買了一本甚為標緻,狀似書冊的簿子,後來才知它叫紀念冊。知道後,自己也去買了一本,但不久覺得不夠漂亮,於是又再走去書局買了另一本。

那段期間,班上同學都熱烈地各自交換紀念冊互寫,到到畢業前幾天同當日,更是高峰期,別班的同學、別級的同學、其他老師,有些同學甚至連校工也成了他們的對象。

同學寫的內容最常見是友誼永固。但有很多都自創寫紀念冊代表句或記下某些精句作代表,如祝「學問如孔子一樣好;友誼如時間一樣長。」;「萬里長城必有盡,唯有學問永無終。」;「每事問是成功人士的護身符」;「失敗乃成功之母~ 前事不忘,後事之師。」;「星星、月亮、太陽,同學、朋友、您。」;「最後一日,新的開始」和「玉不琢,不成器;人不學,不似人。」等等。(星星、月亮、太陽,同學、朋友、您。) 這句最得 (最好笑)!

我呢?我不記得寫些甚麼了,記得除了與最要好的那幾位寫得長一點之外,其他的都只是一兩句。

畢業那天,小學時代的最後一日,大家都哭得死去活來,但我那時不明白的是大部份同學仔都只住在附近,第二天又可再見面,為甚麼哭成這樣?

那本紀念冊,我還保存著,而且,現在還拿在我的手裡。一頁一頁的翻看。。。。全部,只剩下一位恒安大師還是那麼好,真的友誼永固。其他的,不知所蹤了。

如今,我終於明白,當天,哭的是甚麼。

Tuesday, July 24, 2007


我好少推介文章,但呢一篇不可不提。

推介原因主要唔係因為文筆好,而係文中一個勵志嘅真人真事。


看完後,我慶幸我原是那麼幸運,沒此遭遇,得知人世真、善、美。

天氣報告


電台節目,今時今日,盡多垃圾。除了商台的某兩個節目 (不日我會勁 X 商台)、港台及新城加 o埋的三個節目,其他皆不堪入耳。

但三個電台有一個同性質節目,我好鍾意聽,就係天氣報告。

點解?好簡單,今日係星期二,哈哈~ 天氣報告報已講到星期五同週末咖喇!您睇,時間過得幾快!

嘻嘻!

今日,星期五同週未嘅天氣係。。。。

^~

Monday, July 23, 2007

生意


做生意的眼光,我絕對是有的,亦不錯。但是,自問沒有做生意的天份,最致命原因,是數口不精。而且,對於運作一盤生意的細節,也令我吃不消。若不是當年趁年青加上時勢所逼,我絕不會嘗試。

最近,忽發奇想,有一門生意,應該可以發展,又不用資金本錢投資,而且,亦只有厚面皮的人如我才可勝任。

遇見一位美麗的女子,若不主動上前認識,機會便永遠失去。但如果鼓起勇氣,上前搭訕,結識,那成功率起碼有50%。

不過,要這麼做,並不是每位男士都有如斯勇氣膽色。怕甚麼?怕萬一被拒,給人看見,會多尷尬,是多麼瘀皮的一件事。其實,又有甚麼好怕?!給人看見又怎樣?!反正自己又不是甚麼名人,那些人又不認識自己,而且,將來都沒機會再見的啦!那怕甚麼?!即使將來真的碰見,又如何?!對方可能已忘記。或者那人沒有忘記,但他她極可能佩服、欣賞您的勇氣膽色呀!不要只從壞處消極那裡想!

對嗎?同意嘛?但無論如何呢,就算您同意,我都知道,嘿,您仍不會這樣做。所以,我忽發奇想的生意,就係幫人搭訕!City Hunter!

想搭訕,結識街上、咖啡廳、酒吧的她?但沒膽量?Call 我吧!Call 我啦,我會前來為您服務!

但我不擔保,如果那個她卻也是正中我的胃口,我會假公濟私。嘻嘻!

另外,香港男女比率差距越來越多,多年後更大。不說那麼遠了,現在,反過來有不少女士怕找不到另一半,醜女更不在話下。所以,這門生意,City Huntress 更形吃香。

嘻嘻。

Sunday, July 22, 2007

搖動今日星期天~ Call Me

Cover me with kisses baby~ Cover me with love~

Call me!Ooh~~~~ Call me!When you're ready we can share the love!

有時冇離精神,頹啤嘅時候,聽吓呢隻歌 (呢啲歌) 真係可以 Up 番唔少!唔駛歌詞 o親番,個旋律做到就得!



Color me your color, baby.
Color me your car.
Color me your color, darling.
I know who you are.
Come up off your color chart.
I know where you're coming from.

Call me on the line.
Call me, call me any anytime.
Call me, my love,
you can call me any day or night.
Call me!

Cover me with kisses, baby.
Cover me with love.
Roll me in designer sheets.
I'll never get enough.
Emotions come, i don't know why.
Cover up love's alibi.

Call me on the line.
Call me, call me any anytime.
Call me oh my love.
When you're ready we can share the wine.
Call me.

Ooh, he speaks the languages of love.
Ooh, amore, chiamami (chiamami).
Oo, appelle-moi, mon cherie (appelle-moi).
Anytime, anyplace, anywhere, anyway!
Anytime, anyplace, anywhere, any day, anyway!

Call me my love.Call me, call me any anytime.
Call me for a ride.Call me, call me for some overtime.
Call me my love.
Call me, call me in a sweet design.
Call me, call me for your lover's lover's alibi.
Call me on the line.
Call me, call me any anytime.
Call me.Oh, call me, ooh ooh ah.
Call me my love.Call me, call me any anytime.

Saturday, July 21, 2007

不錯的白老鼠


尋日下晝做咗白老鼠。

Hummm,其實又唔完全係嘅,只不過做咗班醫學系菜鳥 (學生 + 新仔) 嘅教材。平時入一次房,今次入兩次。第一次入到去,有兩女四男喺我面前,我就好似本能入面嘅女主角咁,畀佢哋輪。班菜鳥果然未畢業,非常菜鳥,問 o埋晒啲廢問題,都唔關我嘅病事嘅!我仲要提佢哋我有呢 oD資料嗰啲資料,又咁又咁,唉~

第二次再入番同一間房,嘩!一入到去嚇我一大跳 (國語唔該)!今云成十幾個學生喎!負責我嗰個學生叫我坐,我坐咗喺個教授 (主診醫生) 嘅位,佢話:「Sorry,梁生,應該係呢度。」鬼知咩!嗰張靚啲睇落舒服 oD嘛!跟住我坐番我應該坐嘅位,背住晒班友,冇幾耐,個貌似李家誠 (最近生咗個唔知仔定女嗰個) 嘅醫生走入嚟,開波。

成個過程,十足十如一個電視節目。嗰個學生就似主持,個醫生就似專家,我~ 就好似唔想 (唔可以) 出鏡嘅被訪問嘉賓。

其中有一度,個醫生問我幾多腰,我見有唔少女喺度。。。。咪報細啲囉:「三十二左右。」嘿!佢見我唔多 firm,點知佢即刻攞條軟尺出喙嚟:「坐喺度整唔準咖,企喺度量啦!」吖 X!「三十四。」我細聲講。點知佢又出招:「通常我哋著褲呢,係細兩吋先得嘅。」

。。。。

最吹脹係完事後佢哋拍手掌喎!

其實,開頭醫院打嚟話尋日會咁樣,我真係抗拒,但知道唔會拍低加上後嚟我覺得可以以自己身體貢獻一下人群,又唔係做咩手術,冇相干咯。

另外,我都有得著呀!例如,原來用醫生成日要嚟聽我哋嘅心口同背脊嗰個「耳筒」,好犀利咖!能夠聽到好清楚嘅心跳同其他內臟嘅聲音 (我同嗰個負責我嘅學生吹水嘅時候問佢攞嚟玩)。

原來,最搵錢嘅一科係婦科。

原來,醫學院嘅女生,好主動咖!

原來,人真係會變質變得好厲害。

而最大得著係,因為今次咁嘅場合,個醫生睇我睇得非常詳細,仲好有建設性!

Friday, July 20, 2007

哈!


呢鑊,真係笑中有淚,笑住玩,笑住被 hurt 笑住 warm warm!

。。。。

今晚番到屋企,有個 Aunt 帶咗個孫女嚟,大概四、五歲,好得意!佢係咁同我玩鬥識國家嘅首都名字,我咪讓佢囉~ 嘿!點知~

輸咗之後,我吐口水 (扮),佢竟然話:「我知你唔會吐。」然後,佢走 o埋嚟:「我知你唔會真係吐出嚟。」

「叔叔!渣嘢!」佢竟然咁講!吖頂~

。。。。

嘿!o靚妹!o靚妹,我唔同妳計較!但我好老?!

佢走嘅時候,竟然拖住佢嘅嫲嫲講:「叔叔怪雞!」

XQYZ$#XXY!#!XY!!$$XYXXXX。。。。

Thursday, July 19, 2007

不如小丑 ~ 更不如畜生~


從古到今,中國人的奴才,大的包括皇帝身邊與及其他高官富豪們身旁的奴才,小的至商業機構入面的一個小小部門,都會看到他們,他們的嘴臉,都非常。。。。非常。。。。我也找不到形容詞去貼切地形容了,真的非筆墨所能形容。或者,簡單而又真係最貼切的叫他們做「狗」就最貼切適合。

此類人的共通特點甚多,其中最多相同的一點,應是他們都靜靜的用眼角去細心觀察老闆、上司,然後嘴嚼吸收再自行配以眼神的運用、面部表情的表演、言語的表達與及行動的迅速去完美地完成皇帝不急太監急的這一系列繁複動作。但對他們來說,已駕輕就熟。

其他的諸如老闆上司的仇人即是自己的仇人,要當成與自己有不共戴天的仇人一樣對付;貶低自己藉以抬高老闆上司;言語的阿諛奉承與及永遠快人一步,攻擊被老闆上司看得起的您。

自古英雄難過美人關,是的。但被拍馬屁一關,也是此關難過。我曾眼見幾位絕對係厲害的人物,被拍之時那昏君樣立刻取而代之。千穿萬穿,馬屁不穿。

西方帝皇身邊都有一位小丑,對了,就係啤牌裡面第一張和最後一張的那位小丑。這位小丑,也是奴才,但他在嬉皮笑臉,大拍皇帝馬屁的同時,亦會時刻警剔著他的米飯班主要愛護臣民。

相對我們中國的,唉,是否連奴才也比不上別人?!

現在在做奴才的,又可否做得仍有一點點點點像回一個人的奴才?!不要連狗也不如。

Wednesday, July 18, 2007

白蘭花


花,是甚麼?

花,是美,是香。

眾花之中,收花最愛收紅玫瑰和鬱金香。賞花,最愛賞梅花。少時試過在無錫一處種滿梅花的地方散步,花香滿園,梅瓣遍地,微風幽幽,仙境,我原來一早身處過。

而最愛,白蘭花。

白蘭花,不太美,且平凡,但清爽脫俗,充滿生命力。而且,她的香氣更是香傳四方。

兒時,母親很喜歡用浸濕了的棉花盛著幾朵白蘭花,放在家的各處,很香。看著純白的白蘭花漸漸變黃,更具味道。

喜歡在繁忙街上聞到老人賣白蘭花的花香;喜歡坐在冷氣口插著一叢白蘭花的的士;喜歡聞著白蘭花花香閉目思索;喜歡用點水浸著幾朵白蘭花在小碟上,放在床邊的桌上,聞著她的香氣看書、睡覺。

聞著她去睡,特別甜。失眠者或睡得不好者可試試看。

我想,在我六十歲後,我不會再住在這裡。到那一天,我的記億中,會仍然浮現的是昔日的維多利亞港的兩岸日與夜景色、一碗家的感覺的雲吞麵、您們的可愛面孔,與及,那幾朵白蘭花。

Tuesday, July 17, 2007

Kiss


好鐘意 o錫人!無論男同女,老定幼,只要係我鐘意,o錫!

尋晚,同佢 (他) Goodbye Kiss,o錫左,o錫右,仲有。。。。

哈哈哈哈哈哈哈!正!

點解手牽手?


點解手牽手?

愛妳咯!

牽妳的手,

是我許下諾言盟誓的前奏。

是在這一秒開始,我要和妳經歷所有喜、怒、哀、樂的真情一牽。

是代表著我要照顧妳一生一世的開始。

發夢?!

不!這不是發夢!也不是童話!

是我的真情流露,是我的一生目標。

我會成就如此傳奇。

點解手牽手?

我要妳!

然而,妳的手。。。。在哪裡?

Monday, July 16, 2007

寶島天嬌


哈!香港女人。。。。

從小學時的兩小無猜式談戀愛到長大後的多段愛情,直至現在,曾與過不同國籍、地區的她交住,一起譜出不同的美妙愛樂。

她們每一位都很精彩、迷人、獨一無二。而來自不同國家和地域的每一個她都擁有著屬於她們出生地的那股各擄男人心的不同魅力氣質。

當中,最叫我迷戀,永遠也沒法對她們有愛情抗體的是台灣女人。

台灣女人一直所向披靡。自從在那裡生活過後,更能夠親身感受到她們的精彩。她們有著西方女人的豪放率性,同時揉合著東方女性的含蓄嬌媚。她們愛得徹底,完全奉獻。然另方面,卻八面玲瓏,心清腦明。

她們的平均素質,在外表上,樣子漂亮身材一流。論內涵,對文學、歷史、藝術同西方文化都有應有的涉獵,甚至更深層的認識。她們給愛人的情信,感情真摯,行文纏綿,隨便一封都要人的千萬條神經引起騷動。

還有她們的眼淚,情人的淚,彷彿天生便是為你流。

而最厲害之處,係她們自少就已被培養出要征服男人的心、技藝。因為,台灣有一條法律,叫危害家庭罪,在台灣,當情婦、狐狸精是會被罰款甚至身陷囹圄的,加上台灣本已女多男少,台男的素質又。。。。所以,為自保及本能使然,她們不得不令自己厲害,去令自己有一個合法依歸。

台灣女人,真真正正入得廚房,出得廳堂,見得大場,銷魂在閨房。

哈!香港女人?

也好呀!至少我認識的女朋友和女性朋友,她們都美麗動人。還有,現在在看這篇的妳,係妳呀,也風采迷人。

Sunday, July 15, 2007

若有真的心便有最高的劍道


一向幾鐘意郭小霖,佢啲歌,情愛嗰啲,情情愛愛得嚟不落俗套;另類嗰 oD,又能令人接受到;怪嗰啲,怪得嚟又言之有物。

好似以下呢首「小霖秘笈」,攪笑攪嘢另類得嚟好聽又有生命真諦。特別留意此曲嘅和音,精彩之至!而且,亦可得知郭小霖嘅編曲功力。另外,詞壇第一千面鬼才林振強亦填得好嘢!

小霖秘笈 武林至尊 恩恩怨怨 江湖了斷

聚集在三更的半夜 十二派高手要跟我過招
月亮是刀光的折射 亂石無言地說不妙

風聲怪叫似要吸血 武俠用盡力量爭奪
全為那秘笈 載着最勁秘密
我為要奪到 更要動武

打打打 亂去打尖篤背部
用我陰濕掌推出我路途
又再假假假 用個假身掩眼部 用我口水花
飛鏢似浪濤 大笑哈哈 用我笑聲敲腦部
用我奸手指 挑剔你命途 又再叉叉叉
用個尖叉篤背部 任你輕功好 始終無去路

十二高手都戰敗 被我怪招震盪到跌倒
石岩上蟋蟀都嚇壞 現在那秘笈我得到

風聲怪叫似要吸血 冷月寂靜像被點穴
垂目看秘笈 發現這段秘密這樣說
若有真的心 便有最高的劍道 若有真的心
一生會自豪 若有真的心 便有最高的劍道
沒有真的心 得到也是無

杜絕杜絕妒忌心 杜絕杜絕毒恨心
大大量量地待人 便絕不需要打
現在事事用熱心 熱力獲自內在真
熱熱烈烈地待人 便絕不需要假

現在事事用熱心 熱力獲自內在真
大大量量地待人 便絕不需要打
現在事事用熱心 熱力獲自內在真
熱熱烈烈地待人 便絕不需要假

後悔打打打 亂去打尖篤背部
用我陰濕掌推出我路途
後悔假假假用個假身掩眼部
用我口水花 飛鏢似浪濤
若有真的心 便有最高的劍道
若有真的心 一生會自豪 若有真的心
便有最高的劍道 沒有真的心 得到也是無

杜絕杜絕妒忌心 杜絕杜絕毒恨心
大大量量地待人 便絕不需要打
現在事事用熱心 熱力獲自內在真
熱熱烈烈地待人 便絕不需要假

若有真的心 便有最高的劍道
若有真的心 一生會自豪
若有真的心 便有最高的劍道
沒有真的心 得到也是無

試聽

Saturday, July 14, 2007

女人係水造?

係!絕對係!

睇完呢段影片,聽 o埋首背景音樂,自然明瞭箇中真「韻」。



Monica Bellucci,我愛妳~

Friday, July 13, 2007

笑中有淚


YEAH!

YEAH!!YEAH!!!

YEAH!!!YEAH!!!YEAH!!!YEAH!!!!!

大家仲記唔記得我喺五月初咪寫過一篇得幾句嘅「十萬火急」嘅,哈哈哈哈哈哈!今日有答案喇!份「標」,呀哈哈哈哈哈哈哈!得咗!!!!!!

唔關實力事 (雖然我嘅 Presentation 接近完美),運氣最重要!

攞到喇!得咗喇!但係,點解我仍然若有所失?!

如果妳喺我身邊,可以同妳分享到,親愛的,妳說多美!

Thursday, July 12, 2007

千飄百味延續篇之怪味喜好


心理學上,有好戀 o物癖戀乜癖。戀味癖呢,同前者道理同出一轍,就係自少受到各類影響喎~ 但以下我鐘意嘅怪味,咦,係天生咖噃!

1. 煤氣味~ 喜歡因由唔知喎真係。

2. Zippo 打火機點火嗰陣嘅氣味~ 舊時火水爐嗰種味同佢差唔多。

3. 油站味~ 理由同 1 相同。

4. 酒店房間味~ 每次聞到都好興奮。

5. 飛機艙味~ 浪漫死!

6. 海灘味~ 海灘嗰種味,我有理由相信係太陽油、洗頭水加梘液泡混合海水嘅美味。

7. 冷氣中的啤酒、威士忌同拔蘭地味~ 正!味道出晒!

8. 靚女飲咗少少酒之後嘅口氣~ 嘩!!!!! 性感引死人到呢!

9. 衣物柔順劑同衣物柔順紙味~ 尤其是啱啱喺乾衣機拎 oD衫出嚟嘅時候!唔~~~~~ 暖笠笠!香噴噴!

10. 馬屎味~ 細個喺馬術中心聞到後,驚為天味!試過對住舊馬屎嚟聞。而家有時再去騎,聞到嗰種味道都好開心好有親切感。

11. 小提琴香~ 木香加松香,無得頂!

哈哈,怪味喜好,喺自己嚟講,等於美味人間~

Wednesday, July 11, 2007

十二月的抉擇!


頭先經過一間鸚鵡專門店,我又在掙扎中。

自細幾乎乜都養過,剩係未養過貓同狗。本來一直我都鐘意狗嘅,但幾年前,無端端唔知點解愛上咗貓 (尤其是英國短毛貓)。。。。鐘意佢哋神秘又有性格,又乾淨,似女囉。

但貓鐘意爪嘢,好杰喎又!

灰鸚鵡係我近年好想養嘅寵物。啲灰鸚鵡智商除咗高過貓同狗 (等於人類五至七歲智商),靈性更勁!聽講,仲會同主人傾偈 tim!

唉,不過,有幾樣嘢我掙扎 o緊!

首先,我 oD潔癖究竟容唔容許到我自己照顧佢哋?

跟住,貓同灰鸚鵡,揀邊樣?

最後,關乎責任、承諾。貓平均有十幾廿年壽命,灰鸚鵡仲長壽,大家估吓佢哋會有幾長命?嘩,係四十至五十年呀!有啲更會去到一甲子 tim!當四十年,分分鐘我死佢都未瓜!

十月屋企大裝修,十二月六日前會裝修好,即係,十二月六號會作出決定。十二月六號好重要!好重要!

千飄百味嚇人之氣


三三柯蓮娜吹雞,相約今日~ 七十一群寫「千飄百味嚇人之氣」這個題目。哈哈!選擇七十一今日寫這個題目,不知是否另有寓意?

科學家指出,嗅覺神經要比味覺神經敏感、豐富上千倍。如果失去嗅覺,那吃東西時便會嚐不到珍饈百味。

嗅覺,真係好敏感。。。。又愛又恨。

愛,不用多說,它能令我們享受到除造愛之外,最美妙的人生樂趣。

恨,唉,其實不關它的事,只係逼不得已。因為,千飄百味嚇人之氣,製造者是別的人。

聽說,腐屍的氣味是眾多「嚇氣」之中,最嘔心至惡啃。託賴,我沒機會嚐過。最恐怖的,反而一個個活生生在街上行走著的「嚇氣」製造者。

所要講的不是有口氣 (口臭) 那麼簡單。

如果那個人有口氣,走在街上不張開口便是。要命的是,係他的體臭。

體臭,撇除臭狐,其他的,很難形容。如頭油味同早上起床後的那一種味。走在街上,遠處飄來一股怡人醒神女人香 (男人香),但偏偏又有另一股「怡人醒神」的「女人香」、「男人香」配合。

一次,一個客開著他的房車,他與他的太太座前面,載著我。我坐在後座,從冷氣口,隱隱飄來一股肉香 (就是那一股起床沒洗澡的那味道),我嗅到。。。。

形而上的說,在我來講,最臭者,不是以上,而係那些財富跟內涵不成正比的滿身銅臭臭中之人。

Tuesday, July 10, 2007

2017


已為人夫,我結了婚 (終於)。

已為人父,有至少一個孩子。

事業已成。

魅力更勝往昔 (Keep 的話)。

身體會更差 (不 keep 的話)。

心態極可能仍係細路。

更徹底的住家男人。

。。。。還有。。。。

在這個黃金十年 (我人生中最好的十年),應該一切都會很美。

Monday, July 09, 2007

痛的出口


以至簡,破至繁。將道理、事情化成得越簡,越易明瞭易於掌握,簡單是美嘛。

痛苦,不外乎兩種:精神上的和肉體上的。

肉體上的痛苦,避不了。如生病、蛀牙、意外受傷,這些痛苦,一定感受得到痛。

而精神上的痛苦,(應該) 是可以避免的吧。怎樣去避?去不去想它,我們有權選擇的吧?既然我們有權可以去選擇,那不去想它就是。歌也有得唱:「痛苦只因不必要的反省」。

只是,人有時候就是如此,明知想來會痛苦,卻又偏偏去想。那怎辦?

試試做其他的事吧。最傳統方法莫過於用工作、食、喝酒甚至瘋狂購物。但痛苦來襲,不要說無心工作了,連吃、喝,也慾望全失。至於瘋狂購物,只會傷上加傷,而且,那時買回來的東西全部都是沒用的。所以,若然未能做到不去想,那麼,最佳方法,就係積極面對。一次、兩次、三次、四次到到第 n 次,精神抗體自然產生,又或已習慣成自然,那時候,對於精神上的痛苦,縱然不是百痛不侵,但至少已不再那麼痛,應該。

還有最後一招,就是緊記痛苦之後,它的出口,一定是花香滿人間的好風光。

最近這陣子,我常如此這樣令自己渡過。

Sunday, July 08, 2007

怪叔叔又嚟!

「兄 da 哦 ji 生~~~ 兄 da 哦 ji 生~~~」(怪叔叔)

無處不在嘅怪叔叔每次出現真係好抵死!

邊個係怪叔叔?睇呢度嘅介紹啦!

Saturday, July 07, 2007

柒七7SevenVIISept


七七蘆溝橋事變

農曆七月

7巧板

頭七尾七兼食七

人怕出名更怕好「七」

七宗罪

星期七 (日)

七日創世紀

七武器

笨七 (男人那話兒要起但起唔到嗰陣嘅名詞)

七 X 懵懵食甜筒

七旋斬

七姐誕

七彩蝦條

七零八落

七俠盪寇誌

救人一命勝造七級浮屠

打蛇打七吋

七七四十九

七個小矮人

子曰:「七十而隨心所欲。」

人生七十古來稀

1937年7月7日出生~ 老懂。生於中國的苦難,也為中國南方一個城市預備好苦難。(樂遊兄提供)

七小福 、7 - 11 (Mad Dog 提供)

七姊妹道、七擒七縱七色狼、007、1997、七重天 (餐廳)、7年之癢、7出之條、開門7件事、7咀8舌、7喜、北斗7星、3唔識7、表錯7日情、7劍下天山、7國咁亂、高腳7、7星戰隊、7俠5義、鬼腳7、7人欖球、1:7.8、67 暴動、七步成詩、七月七日長生殿,夜半無人私語時、太極七子、七次下西洋 (Rm 501 提供)

洪七公、七公主 (Joyce 提供)

諸葛亮七擒孟獲 (Space 兄提供)

七隻色嘅彩虹 (柯蓮娜提供)

諗到再加~

Friday, July 06, 2007

吃的報應


在家裡,早、午、晚及宵夜,總之如果有吃剩的,我必定用保鮮紙包好,放到冰箱內,待日後再吃。如此,有衣食並不是我的主要原因、習慣,最主要是由於我極之愛吃隔夜飯菜。曾經寫到~

「最近發覺自己唔知係咪犯賤,有新鮮煮好嘅飯餸唔係咁啱食,enjoy 咗食隔夜飯、食隔夜餸同飲隔夜湯。有冇發覺 oD嘢隔咗夜呢,零舍入味嘅。有時衰到新鮮熱辣煮好嘅飯餸反而唔食太多,但番煲後咯喎。。。。kee keee~

而家情況仲越加嚴重,好似越隔得耐就越正咁。仲有,有時又會幻想自己係古代嘅乞兒,將 oD冷飯餸汁撈落個大碗度,攪呀攪~ 攪呀攪~ 然後好滿足咁大啖大啖食。有次呢,。。。。仲帶咗隻膠手套嚟。。。。

隔夜飯餸好食到彈起身~ yum yum~~~~!!」

當然,如果是外出吃飯的話,我又未至於會打包拿回家如以上這樣吃,我以上所說的這個癖好,未致於我的潔癖般那麼嚴重。在外用餐,若吃不下,我一定不會勉強,而且,有很多時,會有即使自己不想吃,吃不下,但面前也會出現一碟,甚至堆滿食物的情形~ 商務飯局嘛,所以,讓自己胃口隨緣樂食啦。

又有些時候,我偶爾會去到一家食肆,點這點那,點了一個人根本吃不下的多種菜式,開懷過癮一番。

跟朋友說起,有些會回應 (或者您們也會這麼說):「浪費!折墮呀!有報應呀!你小心下一世會餓死!」

毒呀!

不過,嘻嘻,大家又怎知,我上一世不是餓死的呢?!

Thursday, July 05, 2007

再過幾年


昨晚,相識廿五載的老友和尚打長途電話給我吹寒問暖,感覺甚為溫馨。談起彼此身邊的一些人和事,大家都不禁感慨萬分。

言談中,他問到我的感情生活,「分了。食蕉中。」我答道。不是開玩笑,自少鑽研紫微斗數的他 (他的母親更是子平算高手,曾開班授徒。),甚有功力,他曾於今年農歷新年期間返港,那時與他相聚 (詳請閱2007年2月19日那一篇),多年前已看過我命盤的他說道:「這個不是你的真命天子。」

昨晚他問起,我與他說起這個,順便要他指點指點迷津,到底那個「答案就是她」的那位真命天子何時出現,又甚麼時候結到婚,已解答過千百遍的他答道:「再過幾年吧。」
「多少歲征天會出世?」我跟進問。
「極可能四十歲後。」

天啊!

要做運動!要 Keep 了!我不想將來我的兒子約我去玩,例如打網球,我是虛弱乏力,腳步跚跚的去。

話說回頭,再過幾年?!再過幾年才會再談戀愛?!再過幾年才會結婚?!嘿!吔蕉 ism 啦今次!

這一篇題目叫「再過幾年」,幸好,我寧缺不濫。不過,吃素真係好要我的命!還要吃幾年?!

Wednesday, July 04, 2007

寂之輓歌


這麼多年裡,經歷過多多少少官非疾病人事糾紛惡纏,嘗過多少落寞,但最近,第一次感到真正的死寂。

先是一位認識十幾年的好兄弟暴斃過身,未幾,一位師兄自殺去世,而一直,親人至愛又一位一位的仙遊,人生是此無常的嗎?

未必吧?

生老病死,您我皆知,亦乃預料之內的事。當人氣勢正盛,又或時運正高,以為天無絕人之路,充滿生機希望。而愁雲慘霧一到,會感慨萬千;到快樂呢,樂不可支。為甚麼經歷了那麼多年的高低起伏,變幻萬千的叫人滄桑無奈的事,您我的心,仍在害怕、驚訝?

。。。。

記得親戚友人的兒女已一表人才,婷婷玉立,我朦朧看見他們小時,哭哭笑笑的稚臉。

曾幾何時,由到醫院,再到前去要探病的病房,從陌生到如在自己家裡時。。。。

那年那月,喜宴與喪事幾乎常常喜相逢。

全部重複又重複,重播再重播,悲、哀,何來?!

牛頭馬面,黑白無常,地藏閻王,可否只是如萬聖節般,只是嚇人一跳的最後玩笑?

嘻嘻~

想到這裡,會笑。還懂得笑。

但怎麼的,寂,還是呼喊不斷。

Tuesday, July 03, 2007

風乾上癮


一向對風乾食物著迷,特別是風乾肉類。而在風乾肉類當中,尤以風乾牛肉最合我胃口。這陣子,更吃上癮。

在沒有雪櫃的以前,風乾,是眾多保存食物的方法之一,個人覺得,它是最能保存食物本身原味的方法。

在台灣的時候,曾有一段日子住在山裡,那兒空氣清新,我試過在冬天將白蘿蔔整個放在沸水中滾個幾小時,把它煮至透明,晾乾水再曬之,然後再用麻繩掛在後山荒地的棚架等待風乾。誰不知,台灣的冬天冷是冷了,但卻是又冷又濕,結果,那次自製風乾蘿蔔,失敗。

幸好,那時沒有自製風乾牛肉,否則,更浪費。

自已製造失敗,唯有在餐廳裡滿足我的肉欲。尤其是食自助餐,風乾牛肉更係我狂掃的食物,比愛吃魚生猶有過之。

最近,發現置地廣場三樓的 ThreeSixty 的風乾牛肉真係一絕!新鮮嫩口,色澤嫣紅,筋肉均稱,咬嚼幾下即刻溶化,一吃難忘,欲罷不能。配以紅酒、啤酒、牛奶甚至冰水,相互融和,味道層次更是如魚得水。

從冰箱取出整包 (盒) 風乾牛肉,一片一片的往嘴裡送,然後啜飲著五加皮,頗具古風雅懷。

Monday, July 02, 2007

下一個十年。。。。


您和我,又會是怎麼樣?

。。。。

Sunday, July 01, 2007

七一之歌~ X!

七月一日,香港回歸祖國,由自己中國人統治自己中國人,實在值得慶祝。回歸十年了,更值得慶祝。

之不過,想深一層,又有甚麼值得慶祝?!

香港自97年回歸,經歷了一次又一次嘅災難後,班公務員,一衆高官嘅能力有多低大家有目共睹。 我不多贅。忍唔住要 X 嘅係點解成 Q 日犯錯嘅?!!?一次係咁,第二次第三次又係咁,到而家都仲係咁。

錯,做錯唔緊要。但兩次,三次四次都仲係咁,唔懂得汲取教訓,繼續犯錯,咁先係問題。仲要衰到厚顏無恥咁賴死唔走,你有你鬧啦,繼續un un腳出十鳩幾萬公帑一個月,吹呀?!大佬,你值唔緊要,我哋比稅出糧給你冇問題wor~ 但你做 oD嘢出嚟要比我地認為你係值呢筆$先得ga~!仆街次次都撞板嘅點解?!

而且,亦有好多時因為驚得罪中國政府而把事情強張淡化甚至離譜到企圖隱瞞,拖得就拖,更加抵 X!

香港幾時淪落到咁折墮;幾時攪撚到咁撚cheap??!?!?咩都要睇國內嘅面色?!唔怪得啲人成日話信中共盞死。唔駛50年,幾年已經變 # 晒!你哋睇 Jardin Group 嘅 Keswik's Family,許家屯同倪匡等等會唔會信共產黨?!!?!

可以看出,而家新特首所帶領嘅成隊 crew 唔會好得過上一手幾多,喺對香港嘅貢獻上。因為最根本嘅係整個道德風氣及制度嘅問題。而且,曾狗鴨 Don 比老懵醒好多,更善於鑽營,更勇於奉承上面。所以,佢對香港所造成嘅傷害相對地亦只會更大。好似用行政命令去實行秘密監聽,變種二十三條!換咗係以前嘅老懵,識春?!

冇囂神~ Donald仔就唔會有周一嶽、林瑞麟及羅范椒芬之流呢 oD馬仔。同樣,冇中共,Donald仔亦冇機會上位。

英國大文豪~ 蕭伯納 (George Bernard Shaw, 1856 - 1950) 講過,政治同女性性器官同樣污穢。但睇到現在嘅特首對上頭那種獻媚,終日只識諗方法應該點樣去舔嘅醜態,根本就稱不上甚麼政治。而且,要應付香港那群跳樑小丑,二打六政客亦無需甚麼高超政治招數。佛家講過,每個人每做一樣嘢,其能量最終都會反彈到本身身上,故此有因果循環之道。又正如毛澤東所講,報應未報只係時辰未到。所以,好似擦鞋 Don 呢班偽君子,如今嘅風光只不過係曇花一現。試問,又有誰會知道,老懵會下台呢?!

但係,曾狗鴨 Don 條命好到冇人有 (據聞佢紫微斗數命盤嘅星系結構幾近完美),他或許福星高照,安坐特首府至退下,甚至做盡諱背良心的事然每晚都好夢酣睡。嘿,但報應,不一定報在這代的。

從回歸到現在,十年了,這十年,香港無論喺邊方面都倒退 o緊,我哋只係喺度食 o緊老本。我完全沒有回歸十年的興奮。最可笑係曾狗鴨 Don 仲無恥地咁自製金箔往自己面上貼,說甚麼這兩年係香港二十年裡最好的兩年!我 X 佢老母!!!!這兩年好係你擦鞋 Don 嘅功勞咩?!而且,這兩年除咗恆指好似食咗春藥咁標到去二萬二千點,益晒啲有錢佬如四眼佬超人同李四叔等之流,令富者越富,貧者越貧,社會兩極化之外,我真係睇唔到香港呢兩年有乜咁好?!

其他如城市規劃、文物保護同文化推動方面等更都衰到冇人有!

難得仲可以有首咩「香港始終有您」嘅歌出現 (講真,呢首嘢無論曲同詞都好難頂!)!假 X 到呢!咪自己呃自己啦 X!「福佳始終有您」就差唔多!



真正好環境之下嘅同類型歌曲,係好自然咁誕生嘅!而且呢,無論個旋律同歌詞亦好靚。好似以下呢首!



呢 oD先係真正盛世下嘅歌!我曾說過:「歌、詞,往往反映、見証著一個地方正值是如日中天,一切正氣浩然。就好像這首,現在金曲再響,再次聽在耳邊,如此樂韻。。。。當年香江的黃金時代,一切真係有跡可尋!」